ينستاگرام 10 جىلدا قالاي دامىدى؟

ەڭ كوپ جۇكتەلەتىن قوسىمشا

ينستاگرام – Apple قوسىم­شا­لار دۇكەنىندەگى كوپ جۇكتەلەتىن ەكىنشى قوسىمشا. Google ىزدەۋ جۇيەسىندەگى ەڭ تانىمال وندىققا كىرەدى. 2018 جىل Instagram قول­دانۋشىلارىنىڭ سانى 10,1% ءوستى. وتكەن جىلى ءوسىمى كۇرت ­با­يا­ۋ­­لاپ, 6,7%-دى عانا قۇرادى. ال بيىل, كارانتيندىك شارالار­عا بايلانىستى كورسەتكىش 2019 جىلمەن سالىستىرعاندا ايتارلىق­تاي وسكەن. ماسەلەن, جىل باسىنان بەرى Instagram-دى قول­دانۋشىلار سانى ميللياردتان استى.

جەلىدەگى ەڭ تانىمال ءارى كوپ­شى­لىكتىڭ سۇيىكتى قولدانباسى – Stories. كۇن سايىن 500 ملن ادام 15 سەكۋندتىق قىسقا ۆيدەولار تۇ­سىرەدى ەكەن.

ينستاگرامدى ەڭ كوپ پايدالانىلاتىن ەل اقش بولسا, (110 ملن پايدالانۋشى), برازيليا 70 ملن قولدانۋشىمەن ەكىنشى ورىندا تۇر. ال ءۇندىستاندا – 69 ملن, يندونەزيادا – 59 ملن جانە رەسەيدە 40 ملن ادام تۇراقتى قولدانۋشى ەكەن.

ينستاگرامدا حالىقتى قام­تۋ­دىڭ ەڭ جوعارى پايىزى برۋ­نەيدە – 60%, يسلانديادا – 57%, تۇركيادا – 56%, شۆەتسيادا – 55% جانە كۋۆەيتتە – 55%. قازاق­ستاندىقتار دا ينستاگرامدى تۇ­راقتى پايدالانعانىمەن, ازىرگە ەلىمىز بۇل رەيتينگتەگى وندىققا دا كىرمەي تۇر.

ءبىر قىزىعى, سىرت كوزگە ايەل­دەر قاۋىمى عانا ينستا-ستوري ءتۇسىرىپ, كۇندەلىكتى لەنتا جا­ڭار­­­تىپ وتىراتىنداي كورىن­گەن­مەن, الەمدىك پايدالانۋشىلار ارا­سىندا ەرلەردىڭ ۇلەسى 48% جانە ايەلدەردىڭ ۇلەسى 52%-دى كورسەتىپ تۇر. دەمەك, پا­يىزدىق ۇلەستە ەكى جاقتى, قول­دانۋى شامامەن بىردەي. ال جالپى پاي­­دا­لانۋشىلاردىڭ 71%-ى – 24 جاس­تان كىشى. ال «ينستا­گرام­­شى­لاردىڭ» 63%-ى كۇنى­نە كە­مىن­­دە ءبىر رەت الەۋمەتتىك جە­لىگە كىر­سە, 42%-ى بىرنەشە رەت باس سۇ­عادى. باعدارلامانى تەك 16% قول­دانۋشى عانا اپتاسىنا ءبىر رەت­تەن قاراپ وتىرادى ەكەن. قول­دا­نۋشىلار كۇنىنە ورتا ەسەپ­پەن ينستاگرامعا 28 مينۋت جۇم­ساي­دى. بۇل وتكەن جىلمەن سالىس­تىر­عاندا ءبىر مينۋتقا عانا كوپ.

جارناما الاڭى

ينستاگرامداعى الەۋەتتى تۇ­­تى­نۋشىلار اراسىندا جار­نا­ما­نىڭ قامتىلۋ اياسى – 849,3 ملن ادام. بۇل 13 جاستان جو­عا­رى قولدانۋشىلاردىڭ 14%-ىن قۇرايدى. كورسەتكىش 2019 جىل­­دىڭ ءۇشىنشى توقسانىمەن سا­لىس­تىرعاندا, 5,9% وسكەن. اي سايىن الەۋمەتتىك جەلىدە 2 ملن اككاۋنت جار­نامالانادى.

برەندتەر ينستاگرام بلوگەر­لەرىنە جارناما ءۇشىن ورتا ەسەپپەن 100-دەن 2 085 دوللارعا دەيىن تولەيدى. ولار بەينەماتەريالدار ءۇشىن 114 دوللاردان 3 138 دوللارعا دەيىن, ال Stories ءۇشىن 43 دوللاردان 721 دوللارعا دەيىن تولەۋگە دايىن. امەريكاندىق ماركەتولوگتار ءوز بيۋدجەتىنىڭ 69%-ىن ينستاگرامعا ىقپال ەتۋشىلەرگە جۇمسايدى.

2020 جىلى الەۋمەتتىك جەلى جارنامادان 12,32 ملرد دوللار تابادى. 2019 جىلى بۇل كورسەتكىش 9,08 ملرد دوللاردى قۇرادى.

الەۋمەتتىك جەلىلەردەگى جارناما ويىندارعا ورنالاستىرۋدان 8,3 ەسە, جۇمىس ۇستەلدەرىندەگى جارنامالاردان 5,4 ەسە ءتيىمدى. ءبىر جىل ىشىندە #ad (جارناما) حەشتەگىمەن پوستتار سانى 48% ءوستى. Stories-تە جارنامالايتىن ماركەتولوگتاردىڭ 96%-ى مۇنى الداعى 6 ايدا جالعاستىرۋدى ­جوسپارلاپ وتىر.

ينستاگرام كونتەنتىن كىمدەر جاساپ وتىر؟

الەۋمەتتىك جەلىدە اككاۋنتى بار كەز كەلگەن ادام ءۇشىن ونى قانداي كونتەنتپەن تول­تى­رۋ ماڭىزدى. Instagram ال­عاش­قى جىلداردان بەرى قولدانۋ­شى­لاردان كونتەنتتىڭ اسا ساپالى بو­لۋىن تالاپ ەتپەگەننەن كەيىن دە قولدانۋشىلارىنىڭ سانى ازاي­مايدى. ماسەلەن, ينستاگرام تا­ريحىندا ەڭ كوپ لايك جينال­عان پوست – جۇمىرتقانىڭ سۋرەتى. 54 ملن لايك جيناعان جاريالانىم اينالاسى بىرنەشە كۇننىڭ ىشىندە اككاۋنت يەسىن ميلليونەر اتاندىرعان. ال الەم بويىنشا كۇن سايىن ينستاگرامعا 95 ملن جازبا جۇكتەلەدى. تاعى ءبىر ايتا كەتەرلىگى, ينستاگرام پاي­دا­لانۋشىلارىنىڭ قارا­پا­يىم جاز­بالارى تانىمال برەند­تەردىڭ جا­ريالانىمدارىنا قارا­عاندا كو­بىرەك وقىلادى ەكەن.

Instagram – قازىرگى ۋاقىتتا ەڭ ماڭىزدى ءارى ەڭ تانىمال جارناما الاڭى. كوزىن تاپقان ادامعا ءتيىمدى بيزنەس ورتا ەكەنى دە ايتىلىپ كەلەدى. دەسە دە ون جىلدا وڭ وزگەرىستەرگە بەت بۇرعان بۇل الەۋمەتتىك جەلى ءۇشىن زەرتتەۋشى ماماندار الدا ۇلكەن قاۋىپ بارىن دا جاسىرمايدى. ينستولوگتار­دىڭ پايىمىنشا, ەندى جارناما ارقى­لى تابىس تابۋ قيىندايدى. بۇل جاڭا قولدانۋشىلاردىڭ جارناما اعىمىنا ىلەسە الماۋىمەن باي­لانىستىرىلىپ وتىر. جالپى, باسقا بالامالاردىڭ كوبەيۋىنە باي­لانىستى, الداعى ۋاقىتتا Instagram قولدانۋشىلاردىڭ ءوسى­مى باياۋلايدى دەگەن دە بولجام بار. بىراق پلاتفورما ەڭ ءتيىمدى ونلاين-جارنامالىق ارنالاردىڭ ءبىرى بولىپ قالا بەرمەك.