قازاقستان ميتروپوليتىمەن كەزدەستى

كەزدەسۋ بارىسىندا مينيستر سىندارلى مەملەكەتتىك-كونفەسسيالىق قاتى­ناس­تاردى دامىتۋ مەملەكەتتىك ساياساتتىڭ ماڭىزدى باعىتتارىنىڭ ءبىرى بولىپ تابى­لا­تىنىن اتاپ ءوتتى. بۇل, اسىرەسە, رۋحاني داستۇرلەردى قالىپتاستىراتىن جانە بەي­­بىت­شىلىك پەن كەلىسىمدى نىعايتۋعا ەلەۋ­لى ۇلەس قوساتىن ءدىني بىرلەستىكتەرگە قاتىس­تى بولىپ وتىر.

سونداي-اق مينيستر قازاقستاننىڭ پراۆوسلاۆيە شىركەۋى رۋحاني-ادام­گەرشىلىك مادەنيەتتى قالىپتاستىرۋدا, قوعامدا ۇلتتىق قۇندىلىقتار مەن داس­تۇرلەردى ساقتاۋدا, جاستاردى پاتريوتتىق سەزىمگە باۋلۋدا مەملەكەتتىڭ سەنىمدى سەرىكتەسى ەكەنىنە توقتالدى.

ايدا بالاەۆا اقپارات جانە قوعامدىق دامۋ مينيسترلىگى ەلىمىزدىڭ ءدىني بىر­لەس­تىكتەرىمەن, سونىڭ ىشىندە پراۆوسلاۆيە شىركەۋىمەن سەرىكتەستىك قارىم-قاتىناس ورناتىپ جاتقانىن ايتتى.

ءوز كەزەگىندە ميتروپوليت الەكساندر قازاق­ستانداعى ءتيىمدى مەملەكەتتىك-كونفەس­سيالىق قاتىناستار ءدىني احۋالدىڭ تۇراق­تىلىق ارناسىندا ۇدايى دامۋىنا ىق­پال ەتەتىنىن جانە قازاقستاندىق قوعامدا بىرلىك پەن كەلىسىمدى قامتاماسىز ەتەتىنىن ايتتى.

تاراپتار كونفەسسياارالىق كەلىسىم مەن دىنارالىق ديالوگ قاعيداتتارىن ىلگە­رى­لەتۋ بويىنشا ودان ءارى ىنتىماق­تا­س­تىقتى جالعاستىرۋعا نيەت ءبىلدىردى.

كەزدەسۋ سوڭىندا مينيستر ەلىمىزدىڭ باس­تى مادەني جانە رۋحاني ەسكەرتكىش­تەرىنىڭ ءبىرى – الماتى قالاسىنداعى ۆوزنەسەنسك كافەد­رالدى سوبورىنىڭ ءوز قىزمەتىن قايتا باس­تاعانىنا 25 جىل تولۋىمەن قۇتتىقتادى.