شىمكەنت قالاسىندا 10 قاراشادا «Nur Otan» پارتياسىنىڭ وڭىرلىك كونفەرەنتسياسى وتەدى. وندا قالالىق ءماسليحات پەن ماجىلىسكە ۇمىتكەرلەردىڭ پارتيالىق تىزىمدەرى انىقتالادى. قر پارلامەنتى ءماجىلىسىنىڭ دەپۋتاتى, اگرارلىق ماسەلەلەر كوميتەتىنىڭ توراعاسى, «Nur Otan» پارتياسى فراكتسياسىنىڭ مۇشەسى بەرىك وسپانوۆ شىمكەنت قالاسىندا وتەتىن پىكىرسايىسقا قاتىسپاق. ول بۇل تۋرالى الەۋمەتتىك جەلىدەگى پاراقشاسىندا ارنايى جازبا جاريالادى, دەپ حابارلايدى Egemen.kz.
ب.وسپانوۆ ءوزىنىڭ پرايمەريزدى مۇقيات باقىلاپ وتىرعانىن ايتا كەلە, پارتياىشىلىك سايلاۋ قاراپايىم ازاماتتار ءۇشىن ساياسي قىزمەتكە ارالاسۋعا جول اشقان شىن مانىندەگى ءتيىمدى ليفت بولعانىنا توقتالدى. ول وسى رەتتە ۇمىتكەرلەردىڭ كەيبىرەۋلەرىنە ءوز كەڭەسىن بەرىپ, پارلامەنتتەگى جۇمىس تاجىريبەممەن دە بولىسكەن.
«جالپى, ولاردىڭ قاتارىندا بولاشاقتا اعا بۋىندى الماستىراتىن جاس, جىگەرلى جاستاردىڭ بولۋى قۋانتادى. ال پرايمەريزدە جاستار ءۇشىن 20%-تىك پارتيالىق كۆوتا ەنگىزۋ پارتيا توراعاسى – ەلباسى تاراپىنان جاستارعا دەگەن ۇلكەن قولداۋ بولدى», - دەدى بەرىك وسپانوۆ.
دەپۋتات بۇگىندە قارقىندى دامىپ كەلە جاتقان شىمكەنت پەن تۇركىستاننىڭ بولاشاقتا وڭتۇستىك قازاقستاننىڭ لوكوموتيۆى بولۋعا ءتيىس ەكەنىن العا تارتتى. ول پىكىرسايىس بارىسىندا تۋعان ولكەسىنىڭ اگرارلىق سەكتورى مەن كاسىپكەرلىك سالاسىن دامىتۋ ماسەلەسىن كوتەرەتىنىن جەتكىزدى.
«شىمكەنت بۇكىل ورتالىق ازيا وڭىرىندەگى ناعىز ەكونوميكالىق وازيس بولۋى مۇمكىن. تۇركىستان, ءوز كەزەگىندە, ءبىزدىڭ ەلىمىز ءۇشىن عانا ەمەس, بۇكىل تۇركى جانە مۇسىلمان الەمى ءۇشىن ەرەكشە قاسيەتتى مانگە يە. قالا ەجەلگى تاريحقا تولى جانە قازاقستان رەسپۋبليكاسىنىڭ باستى تۋريستىك باعىتتارىنىڭ ءبىرى بولا الادى. بۇل ەكى فاكتور ءوڭىردى ازىق-ت ۇلىكپەن قامتاماسىز ەتۋ ماسەلەسىن پىسىقتاۋدى تالاپ ەتەدى. قولايلى كليمات جانە قۇنارلى جەر اۋىل شارۋاشىلىعى داقىلدارىنىڭ كوپتەگەن تۇرلەرىن وسىرۋگە مۇمكىندىك بەرەدى. قازاقستان رەسپۋبليكاسى پارلامەنتى ءماجىلىسىنىڭ اگرارلىق ماسەلەلەر كوميتەتىنىڭ توراعاسى رەتىندە مەن ءۇشىن وڭتۇستىك ءوڭىرىنىڭ اگرارلىق سەكتورى مەن كاسىپكەرلىك سالاسىن دامىتۋ ماسەلەسى ەرەكشە وزەكتى»- دەدى حالىق قالاۋلىسى.
سونداي-اق, ول پىكىرسايىس بارىسىندا باسقا كانديداتتاردىڭ ءوڭىردىڭ وزەكتى ماسەلەلەرىنەن حاباردارلىعىن بايقاۋعا, ءوز تاجىريبەسىمەن بولىسۋگە مۇمكىندىك الىپ, جاڭا كوزقاراستارمەن تانىس بولاتىنىنا سەنىمدى.