پەتروپاۆل مەن قىزىلجار اۋدانى كارانتينگە جابىلادى

سولتۇستىك قازاقستان وبلىسى سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى تاتيانا گورلوۆا بريفينگ بارىسىندا باس سانيتاريالىق دارىگەردىڭ جاڭا قاۋلىسىمەن تانىستىردى. 9 قاراشا ساعات 00.00-دەن باستاپ پەتروپاۆل قالاسى مەن قىزىلجار اۋدانى كارانتينگە جابىلىپ, پەريمەتر بويىنشا بلوكپوستار قويىلادى. ەلدى مەكەندەرگە كىرىپ-شىعۋعا تىيىم سالىنادى. الايدا, ارنايى قىزمەتتەرگە, مەديتسينالىق تەكسەرىلۋگە كەلگەندەرگە, جۇمىس ورنى بەرگەن انىقتاماسى بار كەلىپ-كەتىپ ىستەيتىن جۇمىسشىلارعا كىرىپ-شىعۋعا رۇقسات بەرىلەدى.

«قالعاندارى كارانتيندىك شەكتەۋ كۇشەيتىلگەن ايماقتان شىعۋ نە كەرىسىنشە كىرۋ قاجەت بولعان جاعدايدا پتر-تەست جاساتۋلارى قاجەت. ونىڭ ناتيجەسى تەك 3 كۇنگە عانا جارامدى. بۇل انىقتاما 5 جاسقا دەيىنگى بالالارعا قاجەت ەمەس», - دەيدى تاتيانا گورلوۆا.

ونىڭ ايتۋىنشا, كارانتيندىك شەكتەۋ شارالارى كۇشەيتىلگەن اۋماقتا ادام كوپ جينالاتىن ءتۇرلى سپورتتىق, مادەني ءىس-شارالاردى, توي-تومالاقتاردى وتكىزۋگە تىيىم سالىندى. سونداي-اق وتباسىلىق جانە باسقا دا ءتۇرلى ءىس-شارالاردى وتكىزۋگە جەكەمەنشىك ۇيلەردى جالعا بەرۋگە تىيىم بار. «كينوتەاترلار, تۇنگى كلۋبتار, بالالاردىڭ ويىن الاڭدارى, فۋد-كورتتار, ويىن-ساۋىق مەكەمەلەرى, اكۆاپاركتەر جانە دىنە مەكەمەلەردىڭ جۇمىسى ۋاقىتشا توقتاتىلدى. مەديتسينالىق ورتالىقتار الدىن الا جازىلۋ بويىنشا قابىلداي الادى. ساۋدا ۇيلەرى مەن دۇكەندەردىڭ جۇمىس ۋاقىتى دا شەكتەلەدى.

«وبلىستا كۆي جۇقتىرعانداردىڭ 56% پەتروپاۆلعا تيەسىلى. ال قىزىلجار اۋدانىندا 8% ارتقان. بۇل - وتە ۇلكەن كورسەتكىش. وبلىستا اۋىرىپ جاتقان ناۋقاستاردىڭ 46% - 50 جاستان اسقاندار. سول سەبەپتى بارلىق وبلىس تۇرعىندارىن ساقتىق شارالارىن ۇستانۋعا شاقىرامىن. قولعا الىنعان ءىس-شارالارعا تۇسىنىستىكپەن قاراۋلارىڭىز كەرەك», - دەيدى  تاتيانا گورلوۆا.