نۇر-سۇلتان قالاسىندا كارانتين رەجيمىن بۇزۋدىڭ 2 029 فاكتىسى انىقتالدى, – دەپ حابارلايدى Egemen.kz Polisia.kz سايتىنا سىلتەمە جاساپ.
قابىلدانىپ جاتقان شارالارعا قاراماستان كەيبىر ويىن-ساۋىق مەكەمەلەرى مەن قوعامدىق تاماقتانۋ وبەكتىلەرى سانيتارلىق-ەپيدەميولوگيالىق تالاپتاردى بۇزىپ, ازاماتتاردىڭ دەنساۋلىعىنا قاۋىپ توندىرە وتىرىپ تىيىم سالىنعان ۋاقىتتا كارانتيندىك شارالاردى ورەسكەل بۇزۋدا.
وسىلايشا, 4 قاراشادا ءموبيلدى توپ جەكە باتىر كوشەسىندە ورنالاسقان “تەككيلا” بار انىقتاعان. اتالعان ءدامحانا جۇمىس جانە دەمالىس كۇندەرى ساعات 09.00-دەن باستاپ 22.00-گە دەيىن بەكىتىلگەن كەستەنى ساقتاماي قىزمەت كورسەتكەن.
سونداي-اق مەيرامحانالاردا كوپتەگەن قوناق شاقىرىپ, وتباسىلىق ءىس-شارالار وتكىزۋ ۇدەرىسى بايقالادى. مىسالى, 25 قازاندا سەمبينوۆ كوشەسiندە ورنالاسقان “سۇنقار” مەيرامحاناسىندا 50-دەن استام كەلۋشى بولعان, “قالجا” تويى اتالىپ وتكەن. كارانتين رەجيمىن بۇزۋدىڭ 2 029 فاكتىسى انىقتالعان.
– تۇنگى كلۋبتار, مەيرامحانالار, ءدامحانالار – 796;
– دۇكەندەر, ساۋدا ورتالىقتارى, بازارلار – 474;
– شاشتارازدار, سۇلۋلىق سالوندارى, ساۋنالار – 220;
-ساياباقتار, سكۆەرلەر, دەمالىس ورىندارى, سۋ ايدىندارى جانىندا – 29;
– مەركەلىك جانە ەسكە الاتىن ءىس-شارالار – 12;
– باسقا ورىنداردا – 480;
بەتپەردە رەجيمىن ساقتاماۋدىڭ 213 فاكتىسى انىقتالعان.
"انىقتالعان شەكتەۋ شارالارىن بۇزۋ بويىنشا ماتەريالدار نۇر-سۇلتان قالاسىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە جولداندى. ءبىز ازاماتتارمەن كوروناۆيرۋس ينفەكتسياسىنىڭ تارالۋىنا جول بەرمەۋ بويىنشا كارانتين رەجيمىن ساقتاۋ تۋرالى ءتۇسىندىرۋ جۇمىستارىن جۇرگىزۋدى جالعاستىرۋدامىز. ساياباقتار مەن سكۆەرلەردە, بازارلاردا ساقتانۋ كەرەك ەكەنىن ەسكە سالامىز جانە ازاماتتاردى سانيتارلىق نورمالار مەن الەۋمەتتىك قاشىقتىقتى مىندەتتى تۇردە ساقتاۋعا شاقىرامىز. قالا تۇرعىندارىمەن جانە قوناقتارىمەن 54 342 پروفيلاكتيكالىق اڭگىمە جۇمىستارى جۇرگىزىلدى", دەلىنگەن حابارلامادا.