ءماجىلىس توراعاسى نۇرلان نىعماتۋلين اۋستريا رەسپۋبليكاسى ۇلتتىق كەڭەسىنىڭ توراعاسى ۆولفگانگ سوبوتكاعا جانە اۋعانستان يسلام رەسپۋبليكاسى پارلامەنتى ۆولەسي دجيرگاسىنىڭ توراعاسى مير راحمان راحمانيعا لاڭكەستىك شابۋىل سالدارىنان ادامداردىڭ قازا بولۋىنا بايلانىستى كوڭىل ايتۋ جەدەلحاتىن جولدادى, دەپ حابارلايدى Egemen.kz.
قازاقستان رەسپۋبليكاسى پارلامەنتى ءماجىلىسىنىڭ توراعاسى نۇرلان نىعماتۋلين ءوزىنىڭ جانە پالاتا دەپۋتاتتارىنىڭ اتىنان ۆەنا قالاسىندا جانە قابىل ۋنيۆەرسيتەتىندە جاسالعان لاڭكەستىك شابۋىل سالدارىنان قازا تاپقانداردىڭ وتباستارىنا ورنى تولماس اۋىر قايعىعا ورتاقتاسىپ, كوڭىل ايتتى.
سونىمەن قاتار نۇرلان نىعماتۋلين اۋستريا مەن اۋعانستان حالقىنا سابىرلىلىق پەن توزىمدىلىك تىلەپ, زارداپ شەككەندەردىڭ تەزىرەك ساۋىعۋىنا تىلەكتەستىك ءبىلدىردى.