ا. مامين "تاتنەفت" باس ديرەكتورى ن. ماگانوۆپەن قاراعاندى وبلىسىنىڭ ساران قالاسىنداعى شينا زاۋىتىنىڭ جوباسىن تالقىلادى, دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.
تاراپتار قاراعاندى وبلىسىنىڭ ساران قالاسىندا اۆتوموبيل شينالارىن ءوندىرۋ جوباسىن (ينفراقۇرىلىمدى قامتاماسىز ەتۋ, جوبانى ىسكە اسىرۋدىڭ جوسپار-كەستەسىن كەلىسۋ جانە ت. ب.) ىسكە اسىرۋ جونىندەگى دايىندىق جۇمىستارىنىڭ بارىسىن تالقىلادى. ۇكىمەت باسشىسى ىشكى نارىقتىڭ قاجەتتىلىگىن قامتاماسىز ەتۋ جانە ەكسپورتتىق الەۋەتتى دامىتۋ ءۇشىن قر-دا شينا زاۋىتىن سالۋدىڭ ماڭىزدىلىعىن اتاپ ءوتتى.
جوبانى ىسكە اسىرۋ تۋرالى ينۆەستيتسيالىق مەموراندۋمعا قاراعاندى وبلىسىنىڭ اكىمدىگى مەن "تاتنەفت" جاق بيىل 27 قىركۇيەكتە ا. مامين مەن تاتارستان پرەزيدەنتى ر. ميننيحانوۆتىڭ قاتىسۋىمەن قوستاناي قالاسىندا قول قويدى.
زاۋىتتىڭ وندىرىستىك قۋاتى جەڭىل تەحنيكاعا ارنالعان 3 ملن شينانى جانە كوممەرتسيالىق تەحنيكا مەن اۆتوبۋستارعا ارنالعان 500 مىڭ شينانى قۇرايدى. 1 مىڭنان استام جاڭا جۇمىس ورنى قۇرىلادى. ينۆەستيتسيالاردىڭ جالپى كولەمى شامامەن 111 ملرد تەڭگەنى قۇرايدى. زاۋىتتى 2022 جىلى پايدالانۋعا بەرۋ كوزدەلگەن.