الماتى وبلىسى اگرارلىق باعىتتان بىرتە-بىرتە اگرارلىق-يندۋستريالدىق باعىتقا وتۋدە, قازىر وڭدەۋ ونەركاسىبىنىڭ ۇلەسى 87%-عا جەتتى. بۇل تۋرالى بۇگىن پرەزيدەنت جانىنداعى وكق الاڭىندا وتكەن بريفينگ بارىسىندا الماتى وبلدىسىنىڭ اكىمى اماندىق باتالوۆ مالىمدەدى, - دەپ حابارلايدى Egemen.kz الماتى وبلىسى اكىمىنىڭ ءباسپاسوز قىزمەتىنە سىلتەمە جاساپ.
ء"بىزدىڭ بۇگىنگى مىندەتىمىز – مەملەكەت باسشىسىنىڭ جولداۋىنداعى تاپسىرماعا سايكەس ارتاراپتاندىرىلعان جانە تەحنولوگيالانعان ەكونوميكانى قالىپتاستىرۋ. وسى ماقساتقا قول جەتكىزۋدە ترانسۇلتتىق كوپانيالار ماڭىزدى رولگە يە. ترانسۇلتتىق كومپانيالاردىڭ جالپى سوماسى 165 ملرد تەڭگە بولاتىن, ءتورت مىڭ جۇمىس ورنىن قۇراتىن 9 جوباسى جۇزەگە اسىرىلۋدا. ونىڭ ۇشەۋى - "مارەۆەن فۋد", "لۋكويل", "Willo" ىسكە قوسىلدى, جىل سوڭىنا دەيىن تاعى ءبىر نىسان - قۋاتتىلىعى جىلىنا 60 مىڭ توننالىق "SSA فيد ميللس" قۇراما جەم زاۋىتى پايدالانۋعا بەرىلەدى, - دەپ اتاپ ءوتتى ا. باتالوۆ.
سپيكەر قۋاتى جىلىنا 1,2 ملن توننا بولاتىن وبلىستاعى العاشقى تسەمەنت زاۋىتى "الاتسەم" ىسكە قوسىلاتىنىن ايتتى.
جالپى بيىلعى جىلى جالپى قۇنى 153 ملرد تەڭگە بولاتىن بارلىعى 71 جوبا جۇزەگە اسىرىلادى. جىل قورىتىندىسىندا ونەركاسىپ ءونىمىنىڭ كولەمى 1 ترلن تەڭگەدەن اسادى, شيكىزاتتىق ەمەس ەكسپورت 6% ءوسىپ, 406 ملن اقش دوللارىنا جەتەدى دەپ جوسپارلانۋدا.
جالپى وبلىستىڭ ينۆەستيتسيالىق قورجىنىندا جالپى قۇنى 5 ترلن تەڭگەدەن استام 517 جوبا بار. ولاردا 45 مىڭ جۇمىس ورنى اشىلادى.