2020 جىلدىڭ العاشقى توعىز ايىندا حالىقارالىق جۇيەلەر ارقىلى اقشا اۋدارىمدارىنىڭ جيىنتىق مولشەرى 793 ملرد تەڭگەگە جەتتى. بۇل وتكەن جىلدىڭ وسى كەزەڭىندەگى كورسەتكىشتەن 3,4%-عا جوعارى. بۇل تۋرالى ۇلتتىق بانكتىڭ ءباسپاسوز قىزمەتى حابارلادى.
قازاقستاننان باسقا ەلدەرگە اقشا اۋدارۋ كولەمى 16,6%-عا كوبەيدى, ال شەتەلدەن قازاقستانعا اۋدارىلعان اقشا 21,4%-عا قىسقاردى. دەگەنمەن ەل ىشىندەگى اقشا اۋدارىمدارى 10,6%-عا ارتتى.
شەتەلگە اۋدارىلعان قاراجاتتاردىڭ نەگىزگى ۇلەسى رەسەي فەدەراتسياسىنا, قىرعىزستانعا, وزبەكستان جانە تۇركياعا تيەسىلى. كەرىسىنشە, قازاقستانعا قاراي جاسالعان اقشا اۋدارىمدارى, نەگىزىنەن, رەسەي فەدەراتسياسىنان, وڭتۇستىك كورەيادان جانە قىرعىزستان مەن وزبەكستاننان جۇزەگە اسىرىلدى. شەتەل اۋدارىمدارىنىڭ ورتاشا سوماسى – 317 مىڭ تەڭگە بولسا, قازاقستانعا – 219 مىڭ تەڭگە.