وسكەمەن اكىمى جاقسىلىق ومار مەن جەرگىلىكتى تۇرعىن اراسىنداعى داۋعا نۇكتە قويىلدى. بۇل تۋرالى اكىمنىڭ كەڭەسشىسى الىبەك لەسبەك ۇلى Instagram جەلىسىندەگى پاراقشاسىندا ايتتى, دەپ حابارلايدى Egemen.kz
ونىڭ ايتۋىنشا, بۇعان دەيىن الەكساندر ەسىمدى ازاماتتىق بەلسەندى اكىممەن سوزگە كەلىسىپ قالعان. الايدا ارتىنشا اكىم مەن قالا تۇرعىنى كەزدەسىپ, بەتپە بەت سويلەسكەن.
"بۇگىن پىكىر اۆتورى الەكساندر @sanko999 مەن جاقسىلىق ومار @zhaksylyk_omar جەكە كەزدەسىپ, ءتىل تابىسىپ, بيلىكتى سىناۋ ورىندى ەكەنىن, الايدا پىكىر كونسترۋكتيۆتى بولۋى كەرەگىن جانە ول ادامنىڭ جەكە باسىنا ءوتىپ كەتپەۋ كەرەگىن ايتتى. بۇل داۋعا نۇكتە قويىلدى", دەلىنگەن حابارلامادا.
ەسكە سالايىق, بۇعان دەيىن الەۋمەتتىك جەلىلەردە بلوگەر مەن وسكەمەن اكىمى جازىسقان حابارلامانىڭ سكرينشوتى تاراپ جاتقانى بەلگىلى بولدى.
شىعىس قازاقستان وبلىسىنىڭ بلوگەرى الەكساندرا وسيپوۆا Instagram جەلىسىندەگى پاراقشاسىندا وسكەمەن قالاسىنىڭ اكىمى جاقسىلىق ومارمەن جازىسقان حابارلامانىڭ سكرينشوتىن جاريالادى.
سكرينشوتقا قاراعاندا, قالا اكىمى ساپاسىز جولدارعا شاعىمدانعان حابارلاماعا ء"سوزىڭ ءۇشىن جاۋاپ بەرەسىڭ" دەپ جازعان. ال وسكەمەن قالاسىنىڭ اكىمى الەۋمەتتىك جەلىلەردەگى حابارلاماعا تۇسىنىك بەرگەن بولاتىن.