ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «كاۋسار» مادەني-تانىمدىق بىرلەستىگىنىڭ ۇيىمداستىرۋىمەن اقىن, اۋدارماشى, قازاقستاننىڭ ەڭبەك سىڭىرگەن قايراتكەرى, 40-تان استام جىر جيناقتارىنىڭ اۆتورى كاكىمبەك سالىقوۆپەن كەزدەسۋ كەشى ءوتتى. قارا ولەڭ مەن قازاقى ءان قاتار ورىلگەن «جەزكيىك» اتتى جۇزدەسۋدى جوعارىدا اتالعان بىرلەستىكتىڭ جەتەكشىسى, پروفەسسور كەنجەعالي مىرجىقباي ءجۇرگىزدى. ول الدىمەن جينالعانداردى ايتۋلى تۇلعانىڭ تاعىلىمدى ومىرىمەن تانىستىرىپ ءوتتى.
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «كاۋسار» مادەني-تانىمدىق بىرلەستىگىنىڭ ۇيىمداستىرۋىمەن اقىن, اۋدارماشى, قازاقستاننىڭ ەڭبەك سىڭىرگەن قايراتكەرى, 40-تان استام جىر جيناقتارىنىڭ اۆتورى كاكىمبەك سالىقوۆپەن كەزدەسۋ كەشى ءوتتى. قارا ولەڭ مەن قازاقى ءان قاتار ورىلگەن «جەزكيىك» اتتى جۇزدەسۋدى جوعارىدا اتالعان بىرلەستىكتىڭ جەتەكشىسى, پروفەسسور كەنجەعالي مىرجىقباي ءجۇرگىزدى. ول الدىمەن جينالعانداردى ايتۋلى تۇلعانىڭ تاعىلىمدى ومىرىمەن تانىستىرىپ ءوتتى.
كەشتە ەۋرازيا ۇلتتىق ۋنيۆەرسيتەتى فيلولوگيا فاكۋلتەتىنىڭ ستۋدەنتتەرى اقىننىڭ «جىر اكەلدىم», «زامان دەرتى», «جەر ۇرانى – ۇلىتاۋ», «ادامدار اققۋلاردى اتپاڭدارشى», «استانا – تۋعان ەلدىڭ اجارىسىڭ», «ايەلدەردىڭ مىنەزى», «سەنەمىن اقىل, قايرات, پاراساتقا» ولەڭدەرىن وقىدى. قاپاش ق ۇلىش, فاريزا جىلقايداروۆا, ادام كاكىم سىندى بەلگىلى انشىلەر كاكىمبەك سالىقوۆتىڭ سوزىنە جازىلعان «جەزكيىك», «ءۇش ارىس», «تاعدىر», «اڭساۋ» اندەرىن ورىندادى. كاكىمبەك سالىقوۆ – تەك اقىن, اۋدارماشى عانا ەمەس, تالانتتى سازگەر. سەرىك وسپانوۆ, ءبىرجان ەسجانوۆ شىرقاعان «تيمە», «اققۋ جەتكەن», «سارىارقا» اندەرى سونىڭ دالەلى.
كەزدەسۋدىڭ ەكىنشى بولىمىندە اقىن كورەرمەندەر تاراپىنان قويىلعان سۇراقتارعا جاۋاپ بەردى. ونەگەلى ومىرلىك تاجىريبەسىنەن قىزىقتى دا ءماندى اڭگىمەلەر ايتىپ, ەلگە ادال قىزمەت قىلۋ جايىندا, الەمدىك كوكەيكەستى پروبلەمالار, ۇلتارالىق تاتۋلىق تۋراسىندا كەلەلى ءسوز قوزعادى. سونىمەن قاتار, كاكىمبەك اعا استانانىڭ 15 جىلدىعىنا ارنالعان «استانا – ەلدىڭ جۇرەگى» اتتى جاقىندا عانا تۇساۋى كەسىلگەن كىتابىن تانىستىرىپ, ۇيىمداستىرۋشىلارعا ۇسىندى. جيىن سوڭىندا ەۇۋ پرورەكتورى, پروفەسسور ديحان قامزابەك ۇلى كاكىمبەك سالىقوۆ سىندى تۇلعالارمەن كەزدەسۋ جاس بۋىنعا ۇلگى-ونەگە ەكەندىگىن ايتا كەلە, اقىنعا العىس ءبىلدىرىپ, ۋنيۆەرسيتەت اتىنان سىي-سياپات جاسادى.
اباي تىلەنشيەۆ,
ەۇۋ جۋرناليستيكا جانە ساياساتتانۋ
فاكۋلتەتىنىڭ ستۋدەنتى.