پارلامەنت سەناتى توراعاسىنىڭ ورىنباسارى اسقار بەيسەنباەۆ استاناعا كەلگەن اتىراۋ وبلىسىنىڭ ارداگەرلەرىمەن كەزدەستى, دەپ حابارلادى وسى پالاتانىڭ ءباسپاسوز قىزمەتى.
پارلامەنت سەناتى توراعاسىنىڭ ورىنباسارى اسقار بەيسەنباەۆ استاناعا كەلگەن اتىراۋ وبلىسىنىڭ ارداگەرلەرىمەن كەزدەستى, دەپ حابارلادى وسى پالاتانىڭ ءباسپاسوز قىزمەتى.
كەزدەسۋدە ۇزاق جىلدار مۇنايلى ولكەنىڭ ەكونوميكاسىن دامىتۋ مەن حالىقتىڭ الەۋمەتتىك جاعدايىن جاقسارتۋعا ايانباي اتسالىسىپ, اۋىل شارۋاشىلىعى, دەنساۋلىق ساقتاۋ, زاڭ, ءبىلىم بەرۋ, تەمىرجول سالالارىندا, سونداي-اق بۇرىن ءار كەزەڭدە باسشىلىق لاۋازىمداردا قىزمەت اتقارعان ەڭبەك ارداگەرلەرى بۇگىنگى ەلىمىز قول جەتكىزىپ وتىرعان جەتىستىكتەرگە ريزاشىلىعىن ءبىلدىرىپ, ەل دامۋىنداعى ەلباسىنىڭ جەتەكشى ءرولىن ەرەكشە اتاپ ءوتتى.
سەنات توراعاسىنىڭ ورىنباسارى كەزدەسۋدە «قازاقستان-2050» ستراتەگياسىندا مەملەكەت باسشىسى العا قويعان مىندەتتەردى جۇزەگە اسىرۋدا پارلامەنتتە اتقارىلىپ جاتقان جۇمىستار تۋرالى جان-جاقتى اڭگىمەلەدى. سونداي-اق, باسقوسۋدا الەۋمەتتىك-ەكونوميكالىق جاڭعىرتۋ جانە يندۋستريالىق-يننوۆاتسيالىق دامۋ باعدارلاماسىن زاڭنامالىق تۇرعىدا قامتاماسىز ەتۋدەگى دەپۋتاتتىق كورپۋستىڭ قىزمەتى تۋرالى ايتىلدى.
سونىمەن بىرگە, ا.بەيسەنباەۆ كەزدەسۋگە كەلگەن ارداگەرلەر اراسىنداعى 94 جاستاعى سوعىس ارداگەرىنە ۇزاق عۇمىر تىلەدى جانە «ۇلكەنگە – قۇرمەت, كىشىگە – ىزەت كورسەتۋ – ءبىزدىڭ ەلىمىزدەگى قاستەرلى داستۇرلەردىڭ ءبىرى. وسى جەڭىسكە جەتكىزگەن ۇلى وتان سوعىسىنىڭ ارداگەرلەرىنە شەكسىز العىس ايتامىز. ءبىزدىڭ ارداگەرلەردىڭ جانقيارلىق ەرلىگى مەن ەڭبەگىنىڭ ارقاسىندا بەيبىت ءومىر كەشىپ جاتىرمىز. تاۋەلسىزدىك العان جىلداردان بەرى مەملەكەت تاراپىنان ارداگەرلەردىڭ الەۋمەتتىك جانە تۇرمىستىق جاعدايىن جاقسارتۋ ءۇشىن بارلىق مۇمكىندىكتەر جاسالىپ كەلەدى. بۇل ماڭىزدى ءىس بۇدان بىلاي دا جالعاسا بەرەتىن بولادى», دەدى.