كاسىپكەرلەر پالاتاسىنىڭ اتىراۋ وبلىسىنداعى وڭىرلىك كەڭەسىنىڭ ءبىرىنشى وتىرىسىندا ۇلتتىق كاسىپكەرلەر پالاتاسى پرەزيديۋمىنىڭ توراعاسى تيمۋر ق ۇلىباەۆ بيزنەسمەندەرمەن ءوڭىردى دامىتۋدىڭ كەلەشەگىنە قاتىستى ءوز پىكىرلەرىمەن ءبولىستى.
كاسىپكەرلەر پالاتاسىنىڭ اتىراۋ وبلىسىنداعى وڭىرلىك كەڭەسىنىڭ ءبىرىنشى وتىرىسىندا ۇلتتىق كاسىپكەرلەر پالاتاسى پرەزيديۋمىنىڭ توراعاسى تيمۋر ق ۇلىباەۆ بيزنەسمەندەرمەن ءوڭىردى دامىتۋدىڭ كەلەشەگىنە قاتىستى ءوز پىكىرلەرىمەن ءبولىستى.
«ءبىز اتىراۋ وبلىسىنىڭ ەرەكشە ءرولىن ەسكەرەمىز. وڭىردە ەلىمىزدىڭ ءىجو-ءسىنىڭ 10 پايىزدان استامى وندىرىلەدى. وسى وڭىردە «قاشاعان» كەن ورنى ءوندىرىسىن ەسەپكە العاندا مۇنايدىڭ جارتىسىنا جۋىعى وندىرىلەدى. وتە ماڭىزدى ءوڭىر, ءوڭىردىڭ بيزنەسى دە بەلسەندى. مەنىڭ مالىمەتتەرىم بويىنشا, شوب سالاسىنا 90 مىڭعا شامالاس ادام قامتىلعان. حالىق سانى ەسەبىنە شاققاندا, بۇل – وتە جاقسى كورسەتكىش», – دەدى تيمۋر ق ۇلىباەۆ.
ۇكپ پرەزيديۋمىنىڭ توراعاسى اتىراۋ وبلىسى اكىمدىگىنىڭ مۇناي-گاز سەكتورىنداعى كومپانيالارعا تاۋارلار ءوندىرۋ مەن قىزمەت كورسەتۋگە ءوڭىردىڭ شوب وكىلدەرىن تارتۋ ءۇشىن جەر قويناۋىن پايدالانۋشىلارمەن بەلسەندى جۇمىس جۇرگىزىپ وتىرعانىن اتاپ ءوتتى.
«دەگەنمەن, اتىراۋ وبلىسىندا ەكونوميكانىڭ باسقا سەكتورلارىنىڭ دا كەلەشەگى بار ەكەنىن كورىپ وتىرمىز. مىسالى, الداعى ۋاقىتتا داميتىن مۇناي-حيميا كلاستەرى. بۇل نەگىزگى مۇناي-حيميا ونىمدەرىن; پوليپروپيلەن, پوليەتيلەن, بۋتاديەن وندىرۋگە مۇمكىندىك جاسايدى. سونىمەن قاتار, اتىراۋ وبلىسىنىڭ حالقىنىڭ جارتىسىنان استامى اۋىلدى ايماقتا تۇرادى. اۋىلشارۋاشىلىق ونىمدەرىنىڭ ءوندىرىسى مەن ولاردى قايتا وڭدەۋدى جولعا قويۋ ءۇشىن ءبىزدىڭ مۇمكىندىكتەرىمىزدى «قازاگرو» جانە باسقا دا دامۋ ينستيتۋتتارىمەن ۇيلەستىرۋ قاجەت», – دەدى تيمۋر ق ۇلىباەۆ.
ۇكپ پرەزيديۋمىنىڭ توراعاسى ءوز سوزىندە قازاقستان بيزنەسمەندەرىنىڭ كاسىپكەرلىكتى دامىتۋعا باعىتتالعان بارلىق باعدارلامالار جايىندا تولىق اقپاراتتاندىرىلىپ وتىرۋى جولىندا پالاتا ماماندارىنىڭ بارىنشا كۇش سالاتىنىن دا ايتتى.
«مەملەكەت قانداي قولداۋ كورسەتۋگە دايىن ەكەنى, قانداي قۇرالدار بار ەكەنى تۋرالى كاسىپكەرلەردى اقپاراتتاندىرىپ وتىرامىز. بيزنەسمەندەردىڭ وزدەرىن سەنىمدى سەزىنۋىنە, ءارتۇرلى جوبالارعا ينۆەستيتسيالىق قاراجاتتار سالۋىنا قولدان كەلگەننىڭ بارلىعىن جاسايمىز», – دەدى ءسوز سوڭىندا تيمۋر ق ۇلىباەۆ.