جۇرەككە جاسالعان كۇردەلى وپەراتسيا

اتالعان ورتالىق ۇيىم­داس­تىرعان شەبەرلىك كلاسس شەڭ­بەرىندە ينستيتۋتتىڭ جەتەك­شى كارديولوگتارى مەن ينتەر­ۆەن­تسيالىق كارديوحيرۋرگتارى تۇركيادان كەلگەن دوكتور, پروفەسسور ەرتۇعرىل وكۋيانمەن بىر­لەسىپ, جۇرەكتىڭ جۇرە پايدا بولعان كەمىستىگى – اورتا قاقپاق­شاسىنىڭ ستەنوزى بار پاتسيەنتتەرگە ەندوۆاسكۋليارلىق اورتالىق قاقپاقشانى يمپلانتتاۋ بويىنشا 2 وپەراتسيا جاسادى.

رەنتگەنەندوۆاسكۋليار­لىق وپە­­را­تسيا جاساۋ بلوگىنىڭ مەڭ­­گەرۋشىسى الەكسەي كولەس­ني­كوۆ­تىڭ ايتۋىنشا, اورتا قاق­پاق­شا­سىنىڭ ستەنوزى قاننىڭ سول جاق قارىنشادان قالىپتى اعۋى­نا كەدەرگى بولاتىن اورتا قاق­پاقشاسى ساڭىلاۋىنىڭ تارىل­ۋىمەن سيپاتتالاتىن كۇردەلى اۋرۋ. الەكسەي ەۆگەنەۆيچ, بۇل پاتو­لوگياعا, ادەتتە, ەگدە جاستاعى ادامدار شالدىعادى, دەيدى. ولار ءۇشىن ءبىر عانا جول بار, ول – وپە­راتسيا جاساۋ. وسىنداي پا­تسيەنت­تەردىڭ 30%-دان 40%-عا دەيى­­نى جالپى ناركوزبەن, كەۋدە قۋى­سىن اشۋ, اعزانى جاساندى قاناي­نا­لىمعا اۋىستىرۋ سەكىلدى جاسالا­تىن ادەتتەگى وپەراتسيانى كوتەرە المايدى. وپەراتسيادان كەيىن­گى كەزەڭ دە اۋىر بولادى. اور­تا­لىق قاقپاقشانى يمپلانت­تاۋ وسىنداي قاۋىپتەردىڭ بار­لى­عىن ازايتادى جانە ول, ءتىپتى اشىق جۇرەككە وپەراتسيا جاساۋعا قار­سى كورسەتىلىمى بار 75 جاستان جو­عارى اۋىر اورتالىق ستەنوزىنا شالدىققان ادامدارعا دا كەلەدى.

سونىمەن قاتار وپەراتسيا از ءينۆازيۆتى ادىسپەن جاسالادى جانە ونىڭ وڭ ناتيجەلەرىنىڭ پايىزى وتە جوعارى – 95-تەن 100-گە دەيىن. وپە­راتسيا جاسالعاننان كەيىن ناۋ­قاستىڭ كۇيىنىڭ مەيلىنشە جاقسارعانى بايقالادى. كەۋدە قۋىسىنداعى اۋىرۋ سەزىمى, تالىپ قالۋ جانە دەمىگۋ سەكىلدى بەلگىلەر تولىعىمەن جويىلىپ كەتەدى.

وسىنداي وپەراتسيالاردى جاساۋ پاتسيەنتتەرگە كورسە­تىلە­تىن مەديتسينالىق كومەكتىڭ ساپا­سىن ارتتىرۋعا, رەسپۋب­ليكا­­دا الدىڭعى قاتارلى مەديتسي­نا­لىق تەحنولوگيالار مەن يننو­ۆا­تس­يا­لاردىڭ دامۋى مەن قول­دا­نىلۋىنا, كارديوحيرۋرگيادا وپە­راتيۆتىك ارالاسۋلاردىڭ تەح­­ني­كاسىن مەڭگەرۋگە جاعداي جا­ساپ, مامانداردىڭ كاسىبي بىلىك­تىلى­گىن جاڭا دەڭگەيگە كوتەرۋگە مۇم­كىندىك بەرەتىندىگىن ايتا كەتكەن ءجون.

اورتا قاقپاقشاسىن ترانسكا­تەتەرلىك يمپلانتتاۋ (TAVI)– اورتا قاقپاقشاسىن جاساندى بيولوگيالىق اۋىستىرۋدىڭ از ءينۆازيۆتى زاماناۋي ءتاسىلى. جۇرەك ءبىراز ۋاقىت قاناينالىمنىڭ بۇ­زىلىسىن تەڭگەرتە الادى. الايدا ەرتە مە, كەش پە: ستەنوكار­ديا سيندرومى, تالىپ قالۋ, جۇرەك­تىڭ قاتتى سوعۋى, دەمىگۋ پايدا بو­لادى. ءدارى-دارمەك ارقىلى پا­تسيەنتتىڭ جاعدايىن ازداپ قانا جە­ڭىل­دەتۋگە بولعانىمەن, ونى تۇگەلىمەن وزگەرتۋ مۇمكىن ەمەس. اورتا كەمىستىگىن ەمدەۋدىڭ ءتيىمدى ءتاسىلى – قاقپاقشانى پروتەزبەن الماستىرۋ. جەتكىزۋ جۇيەسى الى­نىپ تاستالادى, قاقپاقشا ءوز قىز­مەتىن باستايدى. وپەراتسيا شامامەن 90 مينۋت جاسالادى.

پروفەسسور ەرتۇعرىل وكۋيان – مەديتسينا عىلىمدارى ۋني­ۆەر­سيتەتىنىڭ كارديولوگيا كافەد­راسىنىڭ مەڭگەرۋشىسى, ستام­بۋل قالاسىنداعى Bağcılar كارديو­لوگيا وقۋ-زەرتتەۋ كلينيكاسى, تۇرىك كارديولوگتارى قوعا­مى باسقارماسىنىڭ مۇشەسى, ەۋرو­پالىق كارديولوگتار قوعامى­نىڭ, ەۋروپالىق اتەروسكلەروز قوعامىنىڭ, امەريكالىق جۇرەك قاۋىمداستىعىنىڭ, امەريكالىق گيپەرتونيا قوعامىنىڭ مۇشەسى, جۇرەك-قانتامىر اكادەميالىق قوعامىنىڭ ۆيتسە-پرەزيدەنتى. ونىڭ 100-دەن استام ەڭبەگى رەتسەنزيالاناتىن حالىقارالىق جانە وتاندىق جۋرنالداردا جاريالانعان.