وسىنداي اتپەن ەلوردادا العاش رەت قازاق ۇلتتىق ونەرىن جەتىك مەڭگەرگەن ەتنوستىق توپتار وكىلدەرى فەستيۆالىنىڭ كونتسەرتى ءوتتى
مادەنيەت جانە اقپارات مينيسترلىگى مەن قازاقستان حالقى اسسامبلەياسىنىڭ ۇيىمداستىرۋىمەن تىلەپ-قوبىز سارايىندا ەلىمىز ايماقتارىنان ىرىكتەلگەن قازاق ونەرىن جەتىك مەڭگەرگەن وزگە ۇلت وكىلدەرىنىڭ رەسپۋبليكالىق گالا-كونتسەرتى ءوتتى. ونى شىعىس قازاقستاننان كەلگەن «ۋلىبكا»
بيشىلەر توبى اشتى.
وسىنداي اتپەن ەلوردادا العاش رەت قازاق ۇلتتىق ونەرىن جەتىك مەڭگەرگەن ەتنوستىق توپتار وكىلدەرى فەستيۆالىنىڭ كونتسەرتى ءوتتى
مادەنيەت جانە اقپارات مينيسترلىگى مەن قازاقستان حالقى اسسامبلەياسىنىڭ ۇيىمداستىرۋىمەن تىلەپ-قوبىز سارايىندا ەلىمىز ايماقتارىنان ىرىكتەلگەن قازاق ونەرىن جەتىك مەڭگەرگەن وزگە ۇلت وكىلدەرىنىڭ رەسپۋبليكالىق گالا-كونتسەرتى ءوتتى. ونى شىعىس قازاقستاننان كەلگەن «ۋلىبكا»
بيشىلەر توبى اشتى.
كۇمبىرلەگەن كۇيلەر, اۋەلەگەن اسەم اندەر مەن تەرمەلەر جيىلعان جۇرتقا كوتەرىڭكى كوڭىل-كۇي سىيلادى. دينا نۇرپەيىسوۆانىڭ كۇيى «ناۋىسقىنى» حالىقارالىق كونكۋرستاردىڭ لاۋرەاتى اندرەي فەندريكوۆ ناقىشىنا كەلتىرە ورىنداسا, دومبىراشىلار گەورگي يۋگاي مەن ولگا جەلتۋحينا «ەركە سىلقىم» مەن «اداي» كۇيلەرىن تارتقاندا جينالعان قاۋىم ءبىر سەرپىلىپ قالدى. باتىس قازاقستاننان كەلگەن تەرمەشى قىز نادەجدا سارمينا بولسا, سۇگىر جىراۋدىڭ تەرمەسىن جەلدىرتە ورىنداپ, كورەرمەندەر كوزايىمىنا اينالدى.
رەسپۋبليكالىق كونكۋرستاردىڭ لاۋرەاتى نينا مويسەەۆا ن.تىلەنديەۆتىڭ «سارىجايلاۋ» ءانىن شىرقاسا, ا.دۇيسەنوۆتىڭ «تويعا تىلەك» ءانى پاتيزا بولكۆادزەنىڭ ورىنداۋىندا وتە اسەرلى شىقتى. يگور بلاگودارنىي, رومان كيم, البينا وگانەسيان شىرقاعان اندەر دە تىڭدارمانىن تامسانتۋمەن بولدى.
م.عۇماروۆانىڭ «تۋعان جەر – وتان انا» ءانىن رەسپۋبليكالىق كونكۋرستاردا توپ جارعان ءانشى قىز جاننا ۆەرەششاك ەرەكشە شابىتپەن ورىندادى. ول بۇل ءاننىڭ ۇلكەن ساحنادا العاش رەت شىرقالىپ وتىرعانىن جەتكىزدى. ەكىباستۇزدان كەلگەن ارۋ ونەردى بەس جاسىنان سەرىك ەتكەنىن ايتا كەلە, اكەم دومبىرادا شەبەر ويناعاندىقتان, مەنىڭ دە ونەرگە قۇشتارلىعىم ەرتە وياندى, دەدى.
فەستيۆالعا قاتىسقان بارلىق ونەرپازدار ارنايى ديپلومدارمەن ماراپاتتالدى.
ءابدىراحمان قىدىربەك,
«ەگەمەن قازاقستان».