كەشە اقوردادا مەملەكەتتىك حاتشى مارات ءتاجين قازاقستان رەسپۋبليكاسىنداعى ديپلوماتيالىق قىزمەتىنىڭ اياقتالۋىنا بايلانىستى نيدەرلاندى كورولدىگىنىڭ توتەنشە جانە وكىلەتتى ەلشىسى پەيتەر ۆان لەۋۆەندى قابىلدادى.
كەشە اقوردادا مەملەكەتتىك حاتشى مارات ءتاجين قازاقستان رەسپۋبليكاسىنداعى ديپلوماتيالىق قىزمەتىنىڭ اياقتالۋىنا بايلانىستى نيدەرلاندى كورولدىگىنىڭ توتەنشە جانە وكىلەتتى ەلشىسى پەيتەر ۆان لەۋۆەندى قابىلدادى.
نيدەرلاندى – ەلىمىزدىڭ ەۋروپاداعى عانا ەمەس, بۇكىل الەمدەگى اسا ماڭىزدى ساۋدا-ەكونوميكالىق ارىپتەستەرىنىڭ ءبىرى. قازاقستانعا سالىنعان بارلىق ينۆەستيتسيا كولەمىنىڭ 30 پايىزىنا جۋىعى نيدەرلاندىنىڭ ۇلەسىنە تيەدى. تاۋەلسىزدىك جىلدارىندا قازاقستان ەكونوميكاسىنا نيدەرلاندى سالعان ينۆەستيتسيانىڭ جالپى كولەمى 40 ملرد. دوللاردان اسادى.
نيدەرلاندى كورولدىگىنىڭ توتەنشە جانە وكىلەتتى ەلشىسى پەيتەر ۆان لەۋۆەن بىلتىرعى جىلدىڭ تامىز ايىندا عانا ەلباسى نۇرسۇلتان نازارباەۆقا سەنىم گراموتاسىن تاپسىرعان بولاتىن.
ەندى ديپلوماتيالىق قىزمەتى اياقتالىپ وتىر. «قىزعالداقتار ەلى» دەپ تانىلعان نيدەرلاندى مەن قازاقستان اراسىنداعى ەكىجاقتى تاۋار اينالىمى سوڭعى جىلداردا 7 ملرد. اقش دوللارى كولەمىندە بولىپ وتىردى.
مەملەكەتتىك حاتشى مارات ءتاجيننىڭ قابىلداۋىندا تاراپتار بۇگىنگى زامانداعى الەمدىك پروبلەمالار بويىنشا ەكى ەلدىڭ ۇستانىمدارىنىڭ ۇقساس ەكەنىن جانە ول ءوزارا ءتيىمدى ءىس-قيمىل ءۇشىن بەرىك نەگىز قالايتىنىن اتاپ ءوتتى.
كەزدەسۋ بارىسىندا 2014 جىلعى 24-25 ناۋرىزدا نيدەرلاندىنىڭ گااگا قالاسىندا وتەتىن يادرولىق قاۋىپسىزدىك جونىندەگى ءسامميتتىڭ كەلەشەك مەجەلەرى, وعان قازاقستاننىڭ قاتىسۋى تالقىلاندى.
م.ءتاجين قازاقستان مەن گوللانديانىڭ عارىش سالاسى بويىنشا ىنتىماقتاستىعىنىڭ جاندانا تۇسكەنىن قۋاتتاپ, «بولاشاقتىڭ ەنەرگياسى» تاقىرىبىندا وتەتىن ەكسپو-2017 حالىقارالىق مامانداندىرىلعان كورمەسىن ۇيىمداستىرۋ مەن وتكىزۋگە گوللاندتىق كومپانيالاردىڭ بەلسەنە اتسالىساتىنىنا ءۇمىت ءبىلدىردى.
كەزدەسۋ قورىتىندىسىندا مارات ءتاجين پەيتەر ۆان لەۋۆەنگە قازاقستان مەن نيدەرلاندى اراسىنداعى ەكىجاقتى قارىم-قاتىناستى دامىتۋعا قوسقان جەكە ۇلەسى ءۇشىن ريزاشىلىعىن جەتكىزدى.
جاقسىباي سامرات,
«ەگەمەن قازاقستان».