ءسىز نە دەيسىز؟
مەملەكەتتىك قىزمەت سالاسىنداعى سوڭعى ۋاقىتتاعى ءوزگەرىستەر تالاپ پەن تالعامدى دا كۇشەيتتى. ەل ءىشى مۇنىڭ تۇپكى قايتارىمىنا سەنىمدى. سونداي-اق, بۇل قادام حالىق قىزمەتشىسىنىڭ مارتەبەسىن وسىرۋمەن قاتار, وسىناۋ ابىرويلى ساپتىڭ قاتارىنا ءۇمىتكەرلەردىڭ ىنتاسىن ارتتىرا تۇسكەندەي احۋال بايقالادى. جۋىرداعى اۋىل اكىمدەرىنىڭ سايلانىپ قويىلۋى دا جۇرتشىلىق كوڭىلىنەن شىعىپ وتىر دەۋىمىز كەرەك. ەندەشە, مەملەكەتتىك قىزمەتتىڭ ساپالىق كورسەتكىشىنە وڭ ىقپال جاسايتىن مۇمكىندىكتەر شەڭبەرى كەڭەيە تۇسپەك. دەمەك, مەملەكەتتىك قىزمەت قانشالىقتى قولجەتىمدى دەگەن سۇراق بارشانى تولعاندىراتىنى انىق.
«ەگەمەن قازاقستان» گازەتىنىڭ اقمولا وبلىسى بويىنشا ءتىلشىسى باقبەرگەن امالبەك وبلىستىق تارتىپتىك كەڭەس توراعاسى, مەملەكەتتىك قىزمەت ىستەرى جونىندەگى دەپارتامەنت باسشىسى قانات الىبەكوۆكە:
– ءسىز بۇعان نە دەيسىز؟
ءسىز نە دەيسىز؟
مەملەكەتتىك قىزمەت سالاسىنداعى سوڭعى ۋاقىتتاعى ءوزگەرىستەر تالاپ پەن تالعامدى دا كۇشەيتتى. ەل ءىشى مۇنىڭ تۇپكى قايتارىمىنا سەنىمدى. سونداي-اق, بۇل قادام حالىق قىزمەتشىسىنىڭ مارتەبەسىن وسىرۋمەن قاتار, وسىناۋ ابىرويلى ساپتىڭ قاتارىنا ءۇمىتكەرلەردىڭ ىنتاسىن ارتتىرا تۇسكەندەي احۋال بايقالادى. جۋىرداعى اۋىل اكىمدەرىنىڭ سايلانىپ قويىلۋى دا جۇرتشىلىق كوڭىلىنەن شىعىپ وتىر دەۋىمىز كەرەك. ەندەشە, مەملەكەتتىك قىزمەتتىڭ ساپالىق كورسەتكىشىنە وڭ ىقپال جاسايتىن مۇمكىندىكتەر شەڭبەرى كەڭەيە تۇسپەك. دەمەك, مەملەكەتتىك قىزمەت قانشالىقتى قولجەتىمدى دەگەن سۇراق بارشانى تولعاندىراتىنى انىق.
«ەگەمەن قازاقستان» گازەتىنىڭ اقمولا وبلىسى بويىنشا ءتىلشىسى باقبەرگەن امالبەك وبلىستىق تارتىپتىك كەڭەس توراعاسى, مەملەكەتتىك قىزمەت ىستەرى جونىندەگى دەپارتامەنت باسشىسى قانات الىبەكوۆكە:
– ءسىز بۇعان نە دەيسىز؟
–الدىمەن مىناداي دەرەكتەرمەن تانىستىرايىن. بۇگىنگى كۇنى وبلىستىڭ 704 مەملەكەتتىك ورگانىندا 6133 لاۋازىمدى مەملەكەتتىك قىزمەتكەر تىركەلگەن. ولاردىڭ ورتاشا جاسى 40-تىڭ ماڭايىندا. مەملەكەتتىك قىزمەتكەرلەردىڭ 83 پايىزى جوعارى ءبىلىمدى بولسا, 59 پايىزىن ايەل ازاماتشالار قۇرايدى. بيىل مەملەكەتتىك قىزمەت لاۋازىمدارىنىڭ رەەسترىنە وزگەرىستەر ەنگىزىلگەنىن بىلەسىز. اتالعان سالاداعى ساياسي جانە اكىمشىلىك قىزمەتكەرلەرىنىڭ اراجىگى ايقىندالدى.
جوعارىدا ءوزىڭىز ايتىپ ءوتكەندەي, تالاپ كۇشەيگەن سايىن وعان قىزىعۋشىلىق تا ارتا تۇسەدى. بىراق, قىزىعۋشىلىقتىڭ استارىندا ناتيجە جاتۋعا ءتيىستى. قولجەتىمدىلىكتى وسى ماعىنادا تۇسىنگەن دۇرىس دەپ بىلەمىن. ياعني, بۇل ورايدا رەسپۋبليكالىق اگەنتتىك تاراپىنان جەڭىلدىك ەمەس, قولايلى جاعدايلار قاراستىرىلىپ وتىر دەپ ءتۇسىنۋ كەرەك. بۇدان بىلاي ۇمىتكەر كەزەكتى كونكۋرستىڭ جاريالانۋىن توسىپ وتىرماي-اق, وزىنە ىڭعايلى كەز كەلگەن ۋاقىتتا مەملەكەتتىك قىزمەت ورگانىنا كەلىپ, تەست تاپسىرا الادى. «ب» كورپۋسىنىڭ كانديداتتارى ءۇشىن بەكىتىلگەن باعدارلاما بويىنشا اراعا ءۇش اي سالىپ, قايتادان تەستتەن ءوتۋ ءتارتىبى ساقتالعان. سونداي-اق, سايكەس باعدارلاما ناتيجەلەرى ءبىر جىل كولەمىندە كۇشىن جويمايدى. سەرتيفيكاتقا يە بولعان ازاماتتار مەملەكەتتىك قىزمەت ورگاندارى جاريالاعان لاۋازىمدى بوس ورىندار كونكۋرسىنا قاتىسۋعا قۇقىلى. ياعني, كونكۋرس وتكىزۋ مەرزىمدەرى ايتارلىقتاي قىسقارىپ وتىر.
ءبىزدىڭ وبلىسىمىزدا دا بەلسەندىلىكتىڭ ارتقاندىعى بايقالادى. ماسەلەن, جاڭا تالاپتار ەنگىزىلگەن مەرزىمدە 547 ادام تەست سىناقتارىنا قاتىستى. ناتيجە سونشالىقتى جوعارى دەمەسەك تە, الداعى ۋاقىتتا ساننىڭ ساپاعا جول اشاتىنىنا سەنۋگە بولادى.
اقمولا وبلىسى.