Facebook-ءتىڭ الگوريتمدەرى قولدانۋشىلارعا مەديتسينا تۋرالى جالعان اقپاراتتىڭ مازمۇنىن 3,5 ميلليارد رەت كورۋگە مۇمكىندىك بەردى, - دەپ حابارلايدى Egemen.kz رەيتەر اگەنتتىگىنە سىلتەمە جاساپ.
Avaaz بەلسەندىلەر ۇيىمىنىڭ ەسەبىندە دەنساۋلىققا قاتىستى جالعان اقپاراتتىڭ 10 پاراعى الەمدەگى ەڭ جاقسى 10 مەديتسينالىق مەكەمەنىڭ بالاما مازمۇنىنان ءتورت ەسە كوپ قارالعانى انىقتالدى. ەسەپتە الەۋمەتتىك جەلىنىڭ وتكەن جىلداعى دەرەكتەرى زەرتتەلدى جانە دەزينفورماتسيالىق مازمۇنداعى پىكىرلەردىڭ ەڭ كوبى وسى جىلدىڭ ساۋىرىندە تىركەلگەن.
- Facebook-ءتىڭ الگوريتمى دەنساۋلىققا ۇلكەن قاۋىپ توندىرەدى. مارك تسۋكەربەرگ پاندەميا كەزىندە سەنىمدى اقپارات بەرۋگە ۋادە بەرگەن ەدى, بىراق ونىڭ الگوريتمى كەرىسىنشە كورسەتىپ, Facebook-ءتىڭ 2,7 ميلليارد قولدانۋشىسىن دەنساۋلىققا قاتىستى جانە مەديتسيناعا بايلانىستى قاتە اقپاراتتاردى كوپ تاراتقان, - دەدى Avaaz وكىلى فادي كۋران.
Facebook كومپانياسى «Avaaz-دىڭ جالعان اقپارات تاراتۋدى شەكتەۋ ماقساتىن قولدايدى» دەپ جاۋاپ بەردى. بىراق ولاردىڭ ناتيجەلەرى الەۋمەتتىك جەلىدە جالعان اقپارات تاراتۋدى شەكتەۋ قادامدارىن كورسەتپەيدى دەپ سانايدى.
ەستەرىڭىزگە سالا كەتەيىك, بۇعان دەيىن Facebook كوروناۆيرۋس تۋرالى جالعان اقپاراتپەن بايلانىستى 7 ميلليون جاريالانىمدى جويعان بولاتىن.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.