كەشە, 13 قازان كۇنى ماسكەۋدىڭ بيريۋلەۆو اۋدانىنداعى تارتىپسىزدىك بىرتە-بىرتە قىرعىنعا ۇلاستى. بۇل تۋرالى يتار-تاسس حابارلادى.
وقيعا 25 جاسار ەگور ششەرباكوۆ دەگەن جىگىتتى «بيريۋزا» ساۋدا ورتالىعى جانىندا الدەكىمدەردىڭ ءولتىرىپ كەتۋىنەن باستالدى. ول قىزىمەن بىرگە كەلە جاتقانىندا ولتىرىلگەن. مۇنى جاساعان ميگراتتار سياقتى. وسىدان كەيىن ماسكەۋلىكتەر كوتەرىلىپ كەتتى. باستاپقىدا قىرىقشاقتى ادام بولىپ كەلىپ, ساۋدا ورتالىعىنىڭ ارتقى جاعىن اشىپ بەرۋدى تالاپ ەتكەن توپتىڭ قاتارى بارعان سايىن ۇلعايا بەردى. ولار جاس جىگىتتى جازىقسىز ولتىرگەن كەلگىنبايلار سول جاققا تىعىلىپ قالدى دەپ ەسەپتەگەن سىڭايلى. جينالعان جۇرت جىگىتتى ولتىرگەن ادامداردى تەز تاۋىپ جازلاۋدى, سونداي-اق بارلىق ميگرانتتاردى تەكسەرۋدى تالاپ ەتتى.
ارتىنان جاپپاي تارتىپسىزدىك باستالىپ كەتتى. قازىرگە دەيىن كوتەرىلگەن توپتىڭ اراسىنان 380 ادام قاماۋعا الىندى. ءتارتىپ بۇزۋشىلىقتى توقتاتۋ بارىسىندا 6 پوليتسەي جاراقات الىپ قالدى.
مۇرات ايتقوجا.