بۇگىن, 13 قازان كۇنى اقتاۋدا كولىك قوياتىن جەرگە تالاسىپ قالعان ەكى جىگىتتىڭ ءبىرى ەكىنشىسىن مىلتىقپەن اتتى. بۇل تۋرالى «لادا.kz» حابارلادى.
وقيعا تاڭەرتەڭ قالاداعى 3 «ا» شاعىن اۋدانىنىڭ 27-ءۇيى جانىندا بولعان. ەكى جۇرگىزۋشى كولىكتەرىن قوياتىن جەرگە كەلىسە الماي قالادى. كريمينالدى پوليتسيا باسشىسى پاۆەل ءتارابريننىڭ ايتۋىنشا, ولاردىڭ ەشقايسىسى ءبىر-بىرىنە جول بەرگىسى كەلمەگەن.
سوزبەن قاعىسقان شيەلەنىس سوڭى ولاردىڭ ءبىرىنىڭ قالتاسىنان پنەۆماتيكالىق تاپانشا شىعارىپ, ەكىنشىسىن اتۋىمەن اياقتالعان. قارسىلاسىن جاراقاتتاپ تاستاعان جۇرگىزۋشى سول بويى وقيعا بولعان جەردەن قاشىپ كەتەدى. كەيىنىرەك پوليتسيا قىزمەتكەرلەرى ونى 28-شى شاعىن اۋداننان بايقاپ قالادى.
جاراقات العان جىگىت اۋرۋحاناعا جاتقىزىلدى. ابىروي بولعاندا, ونىڭ جاراقاتى جەڭىلدەۋ بولىپ شىقتى. جەدەل جاردەم كورسەتىلگەننەن كەيىن ول ۇيىنە جىبەرىلدى. ال كۇدىكتى ىزدەستىرىلىپ جاتىر.
قۇرىش نۇرىمبەت.