رەسەيدىڭ سانكت-پەتەربۋرگ قالاسىنداعى مارس الاڭىندا شەرۋ ۇيىمداستىرماقشى بولعان گەيلەر مەن ولارعا قارسى شىققان كازاكتار اراسىندا قاقتىعىس بولا جازدادى. بۇل تۋرالى «piter.tv» حابارلادى.
بۇگىن, 12 قازان كۇنى شەرۋ وتكىزبەكشى بولىپ پەتەربۋرگتەگى مارس الاڭىنا كەلە جاتقان لەسبيانكالار مەن گەيلەر قوزعالىسىنىڭ 60-قا جۋىق وكىلىن ولارعا قارسى بەتتەگەن قالا تۇرعىندارىنىڭ جاساعى توقتاتتى. قالا تۇرعىندارى اراسىندا كازاكتار, ۇلتشىلدار, دىنگە سەنۋشى ازاماتتار, ۇلى وتان سوعىسىنىڭ ارداگەرلەرى, سونداي-اق بەلگىلى سپورتشى اندرەي كوچەرگين بولدى.
جۇرتشىلىق گەي-پارادقا قاتىسپاقشى بولعاندار مەن ۇيىمداستىرۋشىلارعا ءتۇتىن شىعاراتىن ىدىستار مەن جۇمىرتقالار لاقتىردى. بىراق كۇش قولدانۋ مەن سوزبەن قورلاۋ ورىن العان جوق. ەكى جاقتىڭ ورتاسىندا ومون جاۋىنگەرلەرى مەن پوليتسيا قىزمەتكەرلەرى تۇردى. دەگەنمەن, قىزتەكەلەردىڭ بەلسەندىلەرى قاماۋعا الىندى.
قارا بوزاي.