ءۇن توگىلدى تۇرلەنىپ – كوك گاۋھاردان كەتتى اۋماي,جارقىندىعى – كۇلكىدەي, مۇڭدىلىعى – جوقتاۋداي.اششىلىعى – شىندىقتاي, تاتتىلىگى – شابىتتاي,جەڭىلدىگى – كوبىكتەي, اۋىرلىعى – تابىتتاي.
جۇمەكەن ناجىمەدەنوۆ
كۇي – قورقىت,كۇي – بابامىز,كۇي – انامىز,باعزىدان,فارابيدەن سىي الامىز.شالقيمىز, شارىقتايمىز, شاتتانامىز,وي كەشىپ, مۇڭايامىز, قۋانامىز.
كۇي – سۇراق,كۇي – جاۋابى,سۇراعانبىز,جول بەرىپ, جوبا كورىپ, قۇلاعانبىز.باسىنان قاراتاۋدىڭ كوش كەلگەندە,باس ۇرىپ «ەلىم-ايلاپ» جىلاعانبىز.
كۇي – ۇران,كۇي – رۋحىمىز,نامىسىمىز,اتىمىز, اتاعىمىز, ارىسىمىز.داڭقىمىز, دارگەيىمىز, دابىسىمىز,ارعىماق – ابىرويلى شابىسىمىز.
كۇي – مۇرا,كۇي – قازىنا,داستانىمىز,جارىق اي, جارقىن جۇلدىز, اسپانىمىز.كۇنىمىز جۇرەكتەگى جارقىراعان,الاتاۋ, التاي, اتىراۋ – اسقارىمىز.كۇي – قوبىز.قوبىز – سارىن,«قوڭىر» ەدى,قورقىتتان جەتكەن ساز بوپ توگىلەدى.ىقىلاستىڭ «كەرتولعاۋ» مۇڭى جەتكەن,ەكەۋى تەلاعىس بوپ كورىنەدى.
كۇي – الاش,كۇي – شەجىرە,حالىق ءۇنى,جۇرتىمنىڭ جۇرەك قوزعار جانى, مۇڭى.«جەتىم قىز», «قىزدىڭ مۇڭى», «اڭشى زارى» – زۇلماتتا ناۋبەت كورىپ زارىعۋى.
كۇي – قازاق. كۇيدىڭ باسى – «اقساق كيىك»,ار – اسقار, ۇجدان – ۇران, ماقسات – بيىك.وركەستر –دالا, ورمان, تاۋ مەن تەڭىز, كەلەمىز قۇرمەتتەپ, اسقاق ءسۇيىپ.
دالانىڭ كۇيلەر جازدىق بەتىنە ءبىز,سونى وقىپ جاڭعىرامىز, جەتىلەمىز.كۇي شالقىپ تۇرعان كەزدە كوڭىلدەنىپ,كۇي جىلاپ تۇرعان كەزدە وكىنەمىز.
كۇي – اڭىز,كۇي – شەجىرە,كۇي – سىرىمىز,سەزىم مەن سەنىم سويلەر تۇيسىگىمىز.اقارىس, بەكارىس پەن جانارىس – ول,نەمەسە الشىن, ارعىن, ءۇيسىنىمىز.
كۇي – تەڭىز,كۇي – تاۋىمىز,اسپانىمىز,قارت جۇرەك, قاريا ءسوز,جاس جانىمىز.كۇي دەگەن كۇمبىرلەگەن عاسىرلار مەن,داۋىرلەردىڭ كۋاسى – داستانىمىز.
كۇي – قازاق,كۇي – ءوزىمىز,قازاقستان,ءبىز ءۇشىن جەر جۇماعى – عاجاپستان.ەلدىكتىڭ بەلگىسىندەي – ەلتاڭبامىز,ءانۇران – جەتەتۇعىن سازى الىستان.
كۇي بولسا دالا عاجاپ,قالا عاجاپ,ءومىرىن كۇيمەن ايتقان دانا قازاق.باس ءيىپ ارۋاعىنا ابىزداردىڭ,كورەيىن كۇي-كەرۋەنىن سانامالاپ.
«سارىارقا», «سەرپەر», «اداي», «بالامايسان»,«بايجۇما», «اقباي», «جىگەر» – جاعا جايساڭ.كوڭىلىڭدى «كوڭىلاشار» كوتەرگەندە,جۇرەگىڭ داۋىل سوققان الاعاي شاڭ.
بوعدانىڭ «جەمنىڭ سۋى تاسىعاندا»,باۋبەكتىڭ «سارىنى» دا وسى ماڭدا.«جەز كيىك» جەلەدى ەكەن شالعىن كەشىپ,سامال جەل «سارجايلاۋدا» جوسىعاندا.
ءاشىمتايدىڭ قونعاندا «قوڭىر قازى»,جانىڭا جامال جازار ءومىر نازى.دۇنيە دۇرلىگەدى, سۇرلىگەدى,«ناراتۋ» ناقىشىندا كوڭىل نازى.
ءسانى بار «اسەمقوڭىر» ارۋلاردىڭ,ءمانى بار «جەڭگەم سۇيگەن» دارۋلاردىڭ.جانى بار «اقجەلەڭنىڭ» اڭقىلداعان,ارى بار «كەلىنشەكتەي» لاعىلداردىڭ.سوتتالعان سۇرگىن كورىپ «قاراباس» بار,«كىشكەنتاي» ۇلكەن جولدى دارا باستار.دەستە بار: «كوبىك شاشقان», «كىسەن اشقان»,«تۇرمەدەن قاشقان» كەزدە الا قاشقان.
تەڭىزدىڭ بۇرقان-تارقان داۋىلى بار,«اقجارما», «ايراۋىق» پەن «ابىلى» بار.«الاتاۋ» الدان شىعار بۇلتىن الىپ,«جىگەردىڭ» اسپان كەشكەن ساعىمى بار.
تەپسىنىپ «تەرىسقاقپاي» تەبىنگەندە,«بۇلب ۇلىڭ قۇرعىر» بولىپ توگىلگەندە.توتەلەپ «تورەمۇرات» كەلەر جەتىپ,«جۇمىر, قىلىش» جارقىراپ كورىنگەندە.
«بالقايماق» قىزىل شايعا ۇيلەسەدى,«ايجان قىز» قۇيعان كەزدە ءسۇي كەسەنى.سايا بوپ «قىزىل قايىڭ» تەربەلگەندە,پا, شىركىن, وسى بولار كۇي دەسەدى.
«قاپى» بوپ سوندا كوڭىل الاڭدايدى,«بوزقاڭعىر» بوزاڭىتىپ شاباندايدى.ء«وتتىڭ, ءومىر» دەنەڭدى دەل-سال ەتىپ,«قوس القا» قوسىق ايتار زامان جايلى.
«ماناتا» ماناۋرايدى ەڭ بيىكتە,«نازىم قىز» ۇقساعانداي جەز كيىككە.«بۇلبۇلدىڭ قۇرعىرىندا» كوڭىل سويلەر,«جەڭگەم سۇيەر» كەرىلگەن كەرميىق دە.
«بۇلبۇل» دا ءان سالادى تاڭدى جىرلاپ,بويىڭا كىرەر سوندا بالعىن ىرعاق.«بوزتورعاي» كوك اسپاندا شىرلاعاندا,داۋىسىن ولەڭىمە الدىم ۇرلاپ.
«ماشينا» گۇرلەگەندە دالا كوشىپ,«اربا سوققان» ويىڭنان قالار ءوشىپ.«بوزشولاق» بوز وي جاقتان كىسىنەيدى,«دەمالىس» توگىلگەندە سامال ەسىپ.
نامىستىڭ نىعمەتى – «امانداسار»,تىنىشتىق سۇتتەي ۇيىپ, سامالداسار.«سارانجاپ» – سەنگەن دوستىڭ كۋاگەرى,«كوركەم حانىم» كوڭىلگە قادام باسار.
دومبىرا سىر ايتقاندا «ايجان-ايعا»,«داۋرەنىڭ» بۇلبۇل بولىپ سايراماي ما؟كورىنەن «كور ۇعىلى» تۇرىپ كەتەر,دومبىرا ءۇن قوسقاندا «دايرابايعا».
تەربەلىپ تەڭىز بويلاپ «توعىز قايىق»,«اقجارما» ايدىن بويلاپ بولدى عايىپ.«جەڭىستىڭ» جىگەرىنەن سامال سويلەپ,«سالتانات» وسى كەزگە بولدى لايىق.
سۇگىردىڭ توگىلگەندە «قوسباسارى»,جۇرەگىڭ ساعىنىشپەن دوستاسادى.قايعىرىپ «انا» تۇرار كوز ۇشىندا,كۇي بولىپ كوڭىلىڭ دە قوشتاسادى.
كەرىلىپ تاڭىن سوزار «كەربەز كيىك».جانارىن قۇرالايدىڭ سامال ءسۇيىپ.ماڭعىستاۋ تاۋلارى دا مۇنارتادى,الاسا بولعانمەنەن ماعان بيىك.
كوڭىلدى «كوكىل» كەلىپ تەربەگەندە,وينايدى الىپ قاشىپ جەل دەنەمدە.«بالقايماق» بالداي سىڭەر قىز قۇيعاندا,قانباستاي ىشە بەرەم شولدەگەندە.
«قاراتاس» جەردەن اۋىر, بۇلتتان جەڭىل,«سىلقىلداق» سىڭسىعاندا سەندە كوڭىل.«كوڭىلدىڭ تولقىنىندا» ءجۇزىپ كەتەر,كەۋدەسى كۇمبىرلەگەن مەندەگى ءومىر.
«تورى اتتىڭ بوگەلەگى» – جازدىڭ جىرى,«ەركە سىلقىم» – كوڭىلدە سازدىڭ نۇرى.حالىق كۇيى «قاراساي» تارتىلعاندا,كوپ بولىپ كورىنەدى ازدىڭ ءبىرى.
داۋىسى ء«ساناۋ» قىزدىڭ قىردان اسار,«ايجان قىز» ساعىنىشتان سىرعا جاسار.«قۇداشا» قىرقا جاقتان كورىنگەندە,«توپانى» جىگىتتىكتىڭ جىرعا باسار.
بالبىراپ «بالبىراۋىن» بيلەگەسىن,بيىنە «بي كۇيىنىڭ» ۇيرەنەسىڭ.ەركەلەپ «جەڭگەم سۇيەر» كەلگەن كەزدە,ەرىكسىز ەلتىگەن ءبىر كۇيگە ەنەسىڭ.
ەرىكسىز ەلتىگەن ءبىر كۇيگە ەنەسىڭ, كەۋدەڭنىڭ سول جاق جانى تۇيرەگەسىن.«كوكەيكەستى» كوڭىلدى الاڭداتار,نە قىزىق, قۇمار قانىپ سۇيمەگەسىن.
سول كەزدە كۇڭىرەنەدى «سالىق ولگەن»,ساعىمى «سايعا بۇققان» كارى جەردەن.بوز دالادا بوزدايدى» «نار يدىرگەن»,«ون التىنشى جىل» قايدا ءبارىن كورگەن.
«قايران شەشەم» جىلايدى, قامىعادى,«امان بول, شەشەمىزدەن» زار ۇعادى.اۋىلى «قىز قاماعان» الىس تارتىپ,«قىز دانايدىڭ» قىرعىنى تانىلادى.
اتىراۋ ماڭعىستاۋمەن ارالاسىپ,بارادى «توعىز تۇيە» قىردان اسىپ.«نە كريچي, نە شۋمي» دەپ ايتادى,جايىقتىڭ جاس ورمانى جاعالاسىپ.جايىقتىڭ جازىعىندا ساز قوناقتار,جۇرەكتىڭ جازۋىندا جاز قوناقتار.نارىندا نار مايالار بوزداعاندا,داۋىسىن جەتكىزەدى وزعان اتتار.
تەربەتىپ كوڭىلدەردىڭ گاككۋلارىن,جەل سۇيەر جەلدەن وزعان اتتىڭ جالىن.«بوزىنگەن» بوزاڭ سايدا جەلگەن كەزدە,ۇشادى اسپانىمدا «اققۋلارىم».
كوڭىلدى «القيسسامەن» اعارتامىن,جانىمنىڭ جاپىراعىن جاڭارتامىن.بەكبولات «كۇرەڭىنە» مىنگەن كەزدە,كۇيلەرى كۇمبىرلەيدى جاڭاارقانىڭ.
سال كۇرەڭ قوس ەرىنى سالاقتاعان,«كوكجەندەت» جەر تانابىن اداقتاعان.ارقانىڭ سىرلى سازى, ويعا تەرەڭ,اقسەلەۋ كوكىرەگىنە قوناقتاعان.كۇي – تۇلپار شاشاسىنان شاڭ بوراعان,كۇي سۇڭقار – ۋىسىنان قان بوراعان.كۇي – جاڭبىر جان-جايلاۋعا سەبەلەگەن,كۇي – تاعدىر شاناعىنان ءان بوراعان.
«قۇس قايتارۋ» ۇشاتىن تىزبەكتەلىپ,باسىنان جازدى وتكەرىپ, كۇزدى وتكەرىپ.كۇيشىلەردىڭ كوشىنە كوز جىبەرسەم,كۇي-كەرۋەن كوز الدىمدا تىزبەكتەلىپ.
كوشەدى عاسىرلاردان عاسىرلارعا,اينالىپ ساف التىنداي اسىلدارعا.ەسىنە ەل-جۇرتىمنىڭ سالايىن ءبىر,دۇعام دا وسى بولسىن جاسىندارعا.
داۋلەتكەرەي, سەيتەك پەن مۇحيت, ابىل,تۇركەش بابام كۇيىنىڭ ءبارى دابىل.لۇقپان, جانتورە مەن بايجۇما, ەششان,بالامايسان, بوعدامەن – دۇنيەعاپىل.
ۇزاق, قاۋەن, مامەن مەن سارمالاي بار, كۇي تارتقاندا جارقىراپ تولعان ايلار.وسكەنباي, قۇلشار, ەرعالي, ەسباي, ەسىر,مۇرات, ارال, قازانعاپ – ارمان-ايلار.
مالقارا قىز, تاتتىمبەت, توقالارىم,كۇي توككەن ەكپىندەرى توپان-ارىن.قوجىكە, رازدىق, وقاپ, جولدى, قارتباي,ساۋساعى سيقىر بولعان اتالارىم.
بايجىگىت كۇيمەن تەربەپ ابىلايدى,كورسەتكەن كۇن شۋاعىن, جارىق ايدى.قىزىل مويىن قۋاندىق وتكەن ەكەن,قالايشا ۇرپاق ونى تانىمايدى؟
ءارى بي, ءارى كۇيشى بەيسەنبىنى,بابادان جەتكەن ۇلى كۇي سەندىردى.جىلقىنى جىلاتاتىن سۇگىر كۇيشى,قالىڭ ەل قاماعاندا تەڭسەلدىردى.
ابىكەن, مۇقاش, دوسجان, الشەكەيلەر,سازدارى سىبانقۇلدىڭ بال-شەكەرلەر.جالدىباي «قارا جورعا» جورعالاتقان,شال مىرزا جۇرت بىلەتىن اڭشى ەكەن دەر.
ار جاقتا وتىراتىن ارىنعازى,ەلەمەس ەلگە بىتكەن كۇيدىڭ سازى.ۇسەن تورە شاناقتى شەرتكەن كەزدە,ۇركەردەي بولادى ەكەن ءومىر نازى.
التايدان, جەتىسۋدان, سىر ەلىنەن,اتىراۋ – اسقاق ونەر كۇي ەلىنەن.ماڭعىستاۋ مارجاندارىن تىڭداعاندا,ساز شىعار زامانانىڭ جۇرەگىنەن.
كۇي سويلەر, كوڭىل ورلەپ, جانىڭدى اشار,سەرگىتەر, سەرپىلدىرەر, باعىڭدى اشار.سەزىمدى سۋىق شالعان تەرەڭ بويلاپ,جىگەردى جەلپىندىرىپ جالىنداسار.
دۇنيە دوڭگەلەنەر ديدارى اشىق,سەزىمىڭ جىرعا عاشىق, سىرعا عاشىق.بولادى جانىڭ سوندا جايلاۋىندا,جۇرەكتى ارباعاندا ءبىر قاراشىق.
قۇلپىرىپ كەمەل دۇنيە قىزىل-جاسىل,جۇرەكتەن جۇرەكتەرگە سىرىن تاسىر.كۇي سويلەپ كەتكەن كەزدە ءسوزىڭدى تىي,ءار سازى, ءار ساعاسى بولار اسىل.تەربەتسە التىباقان قىز-جىگىتتى,اي ك ۇلىپ, جۇلدىز بىتكەن ۇزدىگىپتى.اقسۇيەك اي استىندا جارقىراسا,ارىس ءماز, الاۋ ءجۇزدى قىز قىلىقتى.
جەم قايدا, قاينار قايدا, ساعىز قايدا,تۇلپار-كۇي جابىرقاعان جانعا پايدا.ويىلىم ويىمداعى قىمبات ەدى,وعلانىن ەسىنە الىپ, ساعىنباي ما؟
ۇستىرتتەن ۇركىپ قاشتى كيىك-ءومىر,ۇمىتكە ۇركىت بولعان كۇيىنە ءبىل.ۇزەڭگى جىلدار كەلسە سۇيىنە ءبىل,ۇكىلى اقبوز ۇيگە يىلە ءبىل.
ۇزىگىن تۋىرلىقتىڭ ۇيىرە ءبىل,ۇزدىگىپ قۇلاق ءتۇرىپ كۇيىنە ءبىر.ۇرىككەن ويلارىڭدى جيناپ-تەرىپ,ۇيىنە قالقاتايدىڭ ۇيىرە ءبىل.
– دەيتۇعىن قايدا قازىر كارى قۇلاق,جاقسىنىڭ جارقىلداعان ءبارى جىراق.دالامنىڭ داۋىسىنا كۇدىك كىردى,اشايىق سول داۋىستى انىعىراق.
وتكەنگە ورە تاستاپ, مىڭ قارايمىن,ساۋلەسىن سىمىرەمىن تۇنعان ايدىڭ.شابىسىن شالقۇيرىقتىڭ كورگەندەيمىن,قاعىسىن ەسكە العاندا قۇرمانايدىڭ.
قۇرمانعازى ىزىندە – دينا دارىن,ايجان قىز, اققىز انا – قۇيمالارىم.تالاي قىزدىڭ تاريحى تاسقا تۇسپەي,اتتارىن اتاي الماي قينالامىن.
دينا اجەم – داريا عوي تولقىنى جال,ناۋشانىڭ شالقۋى بار, تولقۋى بار.باقىت اپام بار ەدى, ول دا عايىپ,روزا, ايگۇل جالىننىڭ جالقىنى بار.
ونەردىڭ وگەي ءتۇرى, بوتەنى بار,جاقسىنى جاتقا شاشپاي كوتەرىپ ال.عايىپ بوپ بارا جاتىر قوڭىر ءۇنىم,كوڭىلدىڭ وسى جايعا سەكەمى بار.
كوڭىلدىڭ وسى جايعا سەكەمى بار,جات ءۇننىڭ جانعا سۋىق بوتەنى بار.كۇي دەگەن ءتاڭىرىنىڭ تارتۋى عوي,ءتاڭىردىڭ تاپجىلتپايتىن بەكەمى بار.
ءتاڭىردىڭ تاپجىلتپايتىن بەكەمى بار,تاعدىردىڭ وكىندىرمەس وتەمى بار.تالانتتىڭ تاسقا شىققان شەتەنى بار,تاڭدايعا ەرىپ تۇسەر شەكەرى بار.
تاعدىرعا وكىندىرمەس وتەمىم بار,تار جول, تايعاق كەشكەندە توتەنىم بار,سەرجانداي سەرتكە ۇستاعان جەكەنىم بار,جانعاليداي شەرتپە كۇي بەكەمىم بار,شامىلدەي شىعا شاپقان بوكەنىم بار,تاۋبە دەپ ايتار ەدىم: تۇرارىم بار,«كوڭىلدىڭ تولقىنىندا» سەكەنىم بار.
نۇرعيسا اكەم بار ەدى, ول دا عايىپ,قالي اكەم بار ەدى, ول دا عايىپ,رۇستەمبەك اعام بار-دى, ول دا عايىپ,ماعاۋيا اكەم ەد, ول دا عايىپ,تولەگەن كوكەم بار ەد, ول دا عايىپ,مۇرات كوكەم بار ەدى, ول دا عايىپ,قارشىعا كوكەم بار-دى, ول دا عايىپ,الىم اعام بار ەدى, ول دا عايىپ,ءۋالي كوكەم بار ەدى, ول دا عايىپ,رىسباي – كۇي-قاعانى ول دا عايىپ,توقسانباي تولقىن ەدى, ول دا عايىپ,ءازيدوللا كوكەم ەدى, ول دا عايىپ,تۇياق قۇرداس بار ەدى, ول دا عايىپ,تالاسبەك تارلان ەدى, ول دا عايىپ,تالايلار تاريحقا كەتتى ءسىڭىپ,اتتارىن اتاماسام مەندەگى ايىپ,سولاردىڭ ەڭبەكتەرىن قولعا الايىق,ونەردىڭ ەڭ تورەسى – كۇي ونەرى,ويلايىق, ۇيرەنەيىك, تولعانايىق,تارتايىق, تاراتايىق, تانىتايىق,تانيىق, تابىنايىق, ءتاۋ ەتەيىك,بولماي تۇرعان كەزىندە بۇل دا عايىپ.نامىسىن ءبىر كوتەرسىن مومىن ماۋسىم,دالاعا كۇي داۋسىمەن جاۋىن جاۋسىن.وركەستر,وتانىمدا شالقىت كۇيدى,كۇمبىرلەت دومبىرانىڭ قوڭىر داۋسىن.
ەل تىڭداپ ەن قايراتىن جىگەرلەسىن,جانىنىڭ جانارتاۋىن جۇگەندەسىن.تاۋىپ اپ تىلسىم ءۇندى تابىسىم دەپ,مۇراسىن قادىرلەپ ءبىر تۇگەندەسىن.
ديريجەر – زامان مىناۋ دۇرىلدەگەن,ديدارى كەيدە كۇندەي ك ۇلىمدەگەن.ديدارى كەيدە تۇندەي تۇنجىراعان,ديدارى ءبىر اشىلسىن بىلىنبەگەن.
دالا – ءدۇر,دالا – ساردار,دالا – باتىر,ديدارى كۇيگە بوككەن سانادا تۇر.ماڭگىلىك ەلىمىزدىڭ مانيفەسى,داۋىردەن داۋىرگە وزىپ بارا جاتىر.
تارت, قازاق,دومبىراڭدى داۋىلداتىپ,دۋلاتىپ,دۇرلىكتىرىپ,ساۋىلداتىپ.سىلكىنتىپ,ەلىكتىرىپ,جەلىكتىرىپ,شالقىتىپ,شىرق ءۇيىرىپ,باۋىرلاتىپ.
تارت, قازاق,دومبىراڭدى توگىلدىرىپ,ەلىتىپ,ەكپىندەتىپ,ەمىندىرىپ.كۇڭىرەنتىپ,كۇمبىرلەتىپ,كەمەلدەتىپ,دۇنيە دوڭگەلەسىن جانارىڭدا,دۇرلىگىپ كىرىپ كەلسىن ءومىر ك ۇلىپ.
تارت, قازاق,دومبىراڭدى سەرپىلدىرىپ,ەرەندەپ,ەرەكشەلەپ,ەركىن قىلىپ.اسپاندا اققۋ-قازدار التى اينالسىن,داۋىسىن دومبىراڭنىڭ توركىن ءبىلىپ.
تارت, قازاق,دومبىراڭدى دۇركىن-دۇركىن,كۇي دەگەن – قىمبات مۇراڭ,اسىل مۇلكىڭ.باباڭنىڭ سالەمى بار وندا ساعان,باسىنان كوشكەن كەزدە دۇنيە, شىركىن.
ءماز بولماي ارزان ونەر اتاعىنا,شالىنباي شالدۋاردىڭ شاتاعىنا.تارت, قازاق,دومبىراڭدى جاڭىلماستان,دومبىرا – اماناتىڭ – اتا مۇرا.
جەتكىزەر ەلدىڭ اتىن,ەسىمىڭدى,شىندىقپەن شەگەندەيتىن شەشىمىڭدى.تارت, قازاق,دومبىراڭدى – زامان كۇيىن,تەربەتىپ ۇرپاق جاتقان بەسىگىڭدى.
تارت, قازاق,تارت دەگەندە تارتا الاسىڭ,اسقاقتاپ تۇلا بويىڭ,ارقا-باسىڭ.الامان ابىرويىڭدى القالاسىن,تىڭداسىن بايتاق دالا,التى الاشىڭ,تىڭداسىن التى قۇرلىق,ءتورت مۇحيتىڭ,ماڭگىلىك كۇيىڭ سەنىڭ تارقاماسىن!
وتەگەن ورالباي ۇلى,
مەملەكەتتىك سىيلىقتىڭ لاۋرەاتى