بۇگىن, 27 قىركۇيەك كۇنى «نۇر وتان» حدپ وڭتۇستىك قازاقستان وبلىستىق فيليالىنىڭ ۇلكەن ءماجىلىس زالىندا وبلىستىق فيليالدىڭ كەزەكتەن تىس ءححى كونفەرەنتسياسى ءوتتى. بۇل تۋرالى وبلىس اكىمىنىڭ ءباسپاسوز قىزمەتى حابارلادى.
كونفەرەنتسيادا «قازاقستان-2050» ستراتەگياسىن جۇزەگە اسىرۋ اياسىندا «نۇر وتان» حالىقتىق دەموكراتيالىق پارتياسىنىڭ جاڭا مىندەتتەرى قارالىپ, پارتيانىڭ «نۇر وتان». نۇرلى بولاشاق جولىندا» جاڭا ساياسي دوكتريناسى جوباسى تالقىلاندى جانە پارتيانىڭ كەزەكتەن تىس حV سەزىنە دەلەگاتتار سايلاندى.
ماجىلىستە العاش بولىپ ءسوز العان وبلىس اكىمى, پارتيانىڭ وبلىستىق فيليالىنىڭ توراعاسى اسقار مىرزاحمەتوۆ جاڭا دوكترينانىڭ ماڭىزدىلىعى مەن قاجەتتىلىگىن ايتا وتىرىپ, دوكترينادا مەملەكەتىمىزدىڭ دامۋىن ايقىندايتىن نەگىزگى باعىتتار كورسەتىلگەندىگىنە ايرىقشا توقتالدى. ۇلتارالىق دوستىق پەن ءوزارا سىيلاستىق مەملەكەت دامۋىنىڭ باستى باعىتى ەكەنىن اتاپ وتكەن ءوڭىر باسشىسى وبلىسىمىزدىڭ وزىندە ءتۇرلى ۇلت وكىلدەرى باس قوسىپ, تىزە ءتۇيىستىرىپ ىنتىماقتى تىرلىك ەتىپ جاتقاندىعىن ايرىقشا اتادى. ۇلتارالىق تاتۋلىقتى نىعايتۋ باعىتىندا ناتيجەلى جۇمىستىڭ ارقاسىندا «ىرىس الدى - ىنتىماق» فورۋمى تۇراقتى تۇردە وتكىزىلىپ جاتقاندىعىن, وڭىرىمىزدە 20-دان استام ەتنومادەني بىرلەستىكتەر اشىلعاندىعىن تىلگە تيەك ەتتى.
وبلىس باسشىسى سونىمەن قاتار الەۋمەتتىك-ەكونوميكالىق باعىتتا دا جەتىستىكتەرىمىز بار ەكەندىگىنە دە توقتالىپ, ءار اۋدان, ءار ەلدى مەكەندەردىڭ الەۋمەتتىك كارتاسى ازىرلەنگەندىگىن باياندادى.
«وسى جۇمىستاردىڭ بارلىعى ەلباسىمىز جۇرگىزىپ وتىرعان ساياساتتىڭ ارقاسى, جاڭا دوكتريناعا ساي كەلەتىن ىستەر», - دەدى ا.مىرزاحمەتوۆ.
كونفەرەنتسيادا سونداي-اق پارلامەنت ءماجىلىسىنىڭ دەپۋتاتى ۇ.سادىبەكوۆ, مەملەكەتتىك قىزمەت ىستەرى اگەنتتىگى وڭتۇستىك قازاقستان وبلىستىق دەپارتامەنتىنىڭ باسشىسى ب.بەكجانوۆ, «جاس وتان» جاستار قاناتىنىڭ اتقارۋشى حاتشىسى ج.قالتاەۆ كۇن تارتىبىندەگى ماسەلەلەر بويىنشا ءوز ويلارىن ورتاعا سالدى.
جۇمىس رەگلامەنتىنە سايكەس كونفەرەنتسيا قاتىسۋشىلارى پارتيانىڭ كەزەكتەن تىس حV سەزىنە دەلەگاتتار سايلادى. كوپشىلىكتىڭ قولداۋىمەن استانادا وتەتىن سەزگە وبلىسىمىزدان باراتىن 101 ادام سايلاندى. وڭتۇستىك دەلەگاتتارىن وبلىس اكىمى ا.مىرزاحمەتوۆ باستاپ بارادى دەپ شەشىلدى. سايلانعان دەلەگاتتاردىڭ ىشىندە ءماسليحات دەپۋتاتتارى, قوعام قايراتكەرلەرى, بيزنەس وكىلدەرى مەن بەلگىلى سپورتشىلار بار.
ساكەن مايلىباي.