قازاقستان بالالارىن اقش ازاماتتارىنىڭ اسىراپ الۋ ماسەلەسىن تالقىلاۋ ءۇشىن اقش مەملەكەتتىك دەپارتامەنتىنىڭ بالالار ماسەلەلەرى جونىندەگى ارنايى كەڭەسشى سيۋزەن دجەيكوبس ەلىمىزگە ارنايى كەلدى.
ديپلومات ءبىلىم جانە عىلىم مينيستىرلىگى بالالار قۇقىعىن قورعاۋ كوميتەتى, سىرتقى ىستەر مينيستىرلىگى جانە ادام قۇقىقتارى جونىندەگى بيۋرونىڭ وكىلدەرىمەن كەزدەستى.
سيۋزەن دجەيكوبس سۇحباتىندا قازاقستان مەن اقش بالا اسىراپ الۋ جونىندە ورتاق جۇمىس توبىن قۇراتىندىعىن ءمالىم ەتتى. ءبىرىنشى كەزدەسۋ بيىل قاراشادا ۆاشينگتوندا وتەدى. اقش-تا قاراشا ۇلتتىق بالا اسىراپ الۋ ايى بولىپ بەلگىلەنگەن.
سيۋزەن دجەيكوبس بۇل كەزدەسۋدەن كەيىن قازاقستاندىق بالالاردى اقش ازاماتتارىنىڭ اسىراپ الۋى قايتا جاندانادى دەگەن ۇمىتتە. اقش ازاماتتارى وتكەن جىلى شەتەلدەن 9 مىڭداي جەتىم بالانى اسىراپ العان.
ال قازاقستاننان اسىراپ العان بالانىڭ جالپى سانى قازىر 6600-گە جەتكەن.
«بالا اسىراپ العان وتباسىلاردا وكىنىشتى جاعدايلاردىڭ الدىن الۋ ءۇشىن اقش-تا ءوزىمىزدىڭ جۇمىس توبىن قۇردىق. بالالاردىڭ قۇقىعىن قورعاۋ جونىندەگى ۇكىمەتتىك قىزمەتتەر مەن اگەنتتىكتەرىمەن بىرگە جۇمىس جاسايمىز. كەلەسى اپتادا العاشقى كەزدەسۋىمىز وتەدى. وندا بالالاردى قورعايتىن جاڭا زاڭ نەمەسە زاڭعا تولىقتىرۋلار ەنگىزۋ ماسەلەسىن تالقىلايمىز. كەيبىر اتا-انالارعا ءبىزدىڭ كومەك قاجەت», - دەيدى سيۋزەن دجەيكوبس.
مۇرات ايتقوجا.