نايروبيدەگى ساۋدا ورتالىعىنا شابۋىل جاساعان «ال-شاباب» ۇيىمىنىڭ سودىرلارى كەنيا اۋماعىنا تاعى شابۋىل جاسادى. بۇل تۋرالى «vesti.ru» حابارلادى.
سودىرلار بۇل جولى سوماليمەن شەكارالاس جاتقان ەكى قالاعا باسىپ كىردى. ازىرگە ءۇش ادامنىڭ قازا بولعانى جونىندە دەرەك بار. لاڭكەستەر سوماليدەن كەنيا اسكەرىنىڭ شىعارىلۋىن تالاپ ەتۋدە. ولار تالاپتارى ورىندالماعان جاعدايدا شابۋىلدارىن جالعاستىرا بەرەتىنىن ەسكەرتتى.
كەشە ينتەرپول نايروبيدەگى شابۋىلعا بايلانىستى بريتانيالىق سامانتا ليۋتۆەيتتى قاماۋعا الۋ جونىندە شەشىمگە كەلدى. قازىر ارنايى قىزمەت وكىلدەرى سامانتا ليۋتۆەيتتىڭ قانداي جولمەن «ال-شاباب» ۇيىمىمەن بايلانىس ورناتقانىن انىقتاۋ ۇستىندە.
ايدار ورىسباەۆ.