2013 جىلى رەسپۋبليكالىق «راتسيوناليزاتور.KZ» بايقاۋىنا بارلىعى 130 ءوتىنىش كەلىپ ءتۇستى. بۇل بىلتىرعى جىلعى كورسەتكىشتەن 26 پايىزعا كوپ (103 ءوتىنىش).
2013 جىلى رەسپۋبليكالىق «راتسيوناليزاتور.KZ» بايقاۋىنا بارلىعى 130 ءوتىنىش كەلىپ ءتۇستى. بۇل بىلتىرعى جىلعى كورسەتكىشتەن 26 پايىزعا كوپ (103 ءوتىنىش).
ەستەرىڭىزگە سالا كەتەيىك, «راتسيوناليزاتور.KZ» بايقاۋى جەكەلەگەن راتسيوناليزاتورلاردى, سونداي-اق راتسيوناليزاتورلىق قوزعالىستى ەنگىزۋشى كاسىپورىنداردى انىقتاۋ مەن قولداۋدى ماقسات تۇتادى. بايقاۋدىڭ تەلەۆيزيالىق نۇسقاسى «جىلدىڭ ۇزدىك راتسيوناليزاتورلىق شەشىمى», «راتسيوناليزاتورلىقتى قولداۋدىڭ ۇزدىك جۇيەسى» نوميناتسياسى بويىنشا جەڭىمپازداردىڭ ەڭبەگىنەن قۇرىلعان.
بايقاۋعا بيىل ەلىمىزدىڭ بارلىق وڭىرىنەن وتىنىشتەر كەلىپ ءتۇستى. كەلىپ تۇسكەن وتىنىشتەردىڭ باسىم بولىگى استانالىق راتسيوناليزاتوردىڭ ۇلەسىنە تيەسىلى – بارلىعى 31 ءوتىنىش. ەكىنشى ورىندا وقو – 23 ءوتىنىش جانە قاراعاندى وبلىسى – 16 ءوتىنىش, پاۆلودار وبلىسى – 11 ءوتىنىش, الماتى وبلىسى – 10 ءوتىنىش.
«جىلدىڭ ۇزدىك راتسيوناليزاتورلىق شەشىمى» نوميناتسياسىنا كەلىپ تۇسكەن وتىنىشتەردىڭ 34%-ى ماشينا جاساۋ, 17%-ى مەتاللۋرگيا, 14%-ى ەنەرگەتيكا, 13%-ى مۇنايحيمياسى, 11%-ى اۋىل شارۋاشىلىعى سالاسىنا تيەسىلى.
بارلىق وتىنىشتەردىڭ 5%-ى تاۋ-كەن ءوندىرىسى, 2%-ى دەنساۋلىق ساقتاۋ جانە ءوندىرىس, تەك 1%-ى تەلەكوممۋنيكاتسيا جانە يادرولىق تەحنولوگيا سالاسىنا تيەسىلى.
«راتسيوناليزاتورلىقتى قولداۋدىڭ ۇزدىك جۇيەسى» نوميناتسياسى بويىنشا وتىنىشتەردىڭ باسىم بولىگى مۇناي حيمياسى سالاسىنان كەلىپ ءتۇستى. بارلىعى – 22%. ودان كەيىنگى ورىنداردا اۋىل شارۋاشىلىعى جانە ماشينا جاساۋ سالالارىنا قاتىستى – 11%.
بايقاۋدى وتكىزۋدىڭ شارتتارىنا سايكەس, كەلىپ تۇسكەن بارلىق وتىنىشتەر اراسىنان 10 ۇزدىك جوبا تاڭدالىپ الىنادى. جوبا اۆتورلارى قازاقستان ۇلتتىق ارناسىنان جارىق كورەتىن «راتسيوناليزاتور.KZ» تەلەجوباسىنىڭ كەيىپكەرىنە اينالادى. باعدارلامادا راتسيوناليزاتورلار ءوزىنىڭ راتسيوناليزاتورلىق شەشىمى جايىندا اڭگىمە قوزعاپ, وندىرىسكە ەنگىزىلگەن شەشىمنىڭ تيىمدىلىگىن كورەرمەندەرگە كوك جاشىك ارقىلى دالەلدەۋگە مۇمكىندىك الادى. بايقاۋدىڭ قوس نوميناتسياسى بويىنشا جەڭىمپازداردىڭ ەسىمى قازان ايىنىڭ 18 جۇلدىزىندا جاريا ەتىلەدى.
2013 جىلعى جالپى جۇلدە قورى: 1 ورىن – 2,5 ملن.تەڭگە, 2 ورىن – 1,5 ملن.تەڭگە جانە 3 ورىن – 1 ملن.تەڭگە. بايقاۋدىڭ جالپى جۇلدە قورى 5 (بەس) ميلليون تەڭگە.
«ەگەمەن-اقپارات».