ەلدىڭ ەلدىگى دە, ۇلت بولىپ ۇيىسۋى دا قينالعان ساتتە بىلىنەدى. اتىراۋلىقتار ماقتاارالداعى سۋ تاسقىنىنان زارداپ شەككەندەرگە گۋمانيتارلىق كومەك جونەلتتى.
وڭىرلىك كوممۋنيكاتسيالار قىزمەتىنىڭ مالىمەتىنە سۇيەنسەك, تۇرعىنداردان 150 توننا ازىق-ت ۇلىك پەن كيىم-كەشەك, گيگيەنالىق زاتتار جينالىپتى. بۇل گۋمانيتارلىق كومەك ارنايى بولىنگەن 6 جۇك, 20 «گازەل» كولىگىمەن ماقتاارالداعى اعايىنعا جەتكىزىلەدى. قازىر اۆتوكەرۋەن جولدا كەتىپ بارادى.
«ەكى تاۋلىك شاماسىندا اتىراۋلىق اعايىننىڭ اماناتىن ماقتاارالعا جەتكىزەمىز. سونىمەن قاتار, اتىراۋ قالاسىنىڭ تۇرعىندارىنان بولەك, مۇنايلى وڭىرگە قاراستى 7 اۋداننىڭ جاستارى جيناعان 15 ميلليون تەڭگە ماقتاارال اۋدانىنىڭ حالقىنا بەرىلەدى. تالاي قيىندىقتى حالقىمىز بىرلىكتىڭ ارقاسىندا جەڭگەن. بۇل سىناقتى دا بىرگە وتكەرەمىز. ءبىز بىرگەمىز» -دەيدى ۇيىمداستىرۋشىلادىڭ ءبىرى نۇرعيسا ءىزباساروۆ.
سونداي-اق, اتىراۋ وبلىسى اكىمدىگىنىڭ قولداۋىمەن ماقتاارالعا كومەك كورسەتۋ ارنايى قور اشىلدى.