بۇگىن, 16 قىركۇيەك, دۇيسەنبى كۇنى پرەزيدەنت نۇرسۇلتان نازارباەۆ وڭتۇستىك قازاقستان وبلىسىنا جۇمىس ساپارىمەن كەلدى. ەلباسىن شىمكەنت اۋەجايىندا وبلىس اكىمى اسقار مىرزاحمەتوۆ باستاعان وبلىس باسشىلىعى كۇتىپ الدى. بۇل تۋرالى وبلىس اكىمىنىڭ ءباسپاسوز قىزمەتى حابارلادى.
مەملەكەت باسشىسى شىرايلى شىمدى شاھار جەرىنە كەلگەن ساپارىن وسىندا سالىنىپ جاتقان جاڭا اكىمشىلىك-ىسكەرلىك ورتالىعىن قامتيتىن تۇرعىن ءۇي الابىنان باستادى. ايتا كەتەتىن جايت, وبلىس ورتالىعىندا جاڭا اكىمشىلىك-ىسكەرلىك ورتالىقتىڭ قۇرىلىسىن جۇرگىزۋ جوباسى پرەزيدەنتتىڭ: «شىمكەنت رەسپۋبليكادا ءۇشىنشى قالاعا اينالۋى ءتيىس» دەگەن ناقتى تاپسىرماسىن ىسكە اسىرۋ ماقساتىندا جۇزەگە اسىرىلۋدا.
جۇرتشىلىق وكىلدەرىمەن كەزدەسۋ كەزىندە نۇرسۇلتان نازارباەۆ سوڭعى ۋاقىتتا اتقارىلعان جۇمىستى كوزبەن كورىپ, وبلىس تۇرعىندارىنىڭ تۇرمىس-تىرشىلىگىنە باعا بەرۋ ءۇشىن ساپارمەن كەلگەنىن اتاپ ءوتتى.
«وڭىرگە كەلسەڭ, جۇرتتىڭ ءبارى اكىمنىڭ اۋىسۋىن كۇتىپ جۇرەدى. ەگەر جۇمىسىن جاقسى اتقارىپ جاتسا, ونى اۋىستىرۋدىڭ قاجەتى قانشا؟ جالپى, سىرتقى احۋالدىڭ تۇراقسىزدىعىنا قاراماستان, ءوڭىر بۇكىل ەلىمىز سياقتى دامىپ كەلەدى. قازاقستاندا ءبىز رەتسەسسياعا, الەۋمەتتىك تولەماقىنى قىسقارتۋعا جانە جۇمىسسىزدىقتىڭ ارتۋىنا جول بەرگەن جوقپىز. بۇل – كۇندەلىكتى قاجىرلى ەڭبەكتىڭ ناتيجەسى. وڭتۇستىك قازاقستان وبلىسى كولىك-لوگيستيكالىق زور الەۋەتكە يە, بۇل جەردەن اۆتوموبيل جولدارى مەن تەمىرجولدار, گاز قۇبىرلارى وتەدى, كوكساراي سۋ قويماسى سالىندى. وبلىستا قازاقستان حالقىنىڭ 15 پايىزى تۇرادى. مۇندا بالا تۋ كورسەتكىشى جوعارى جانە تيىسىنشە مەكتەپكە دەيىنگى, ورتا, سونداي-اق كاسىپتىك-تەحنيكالىق ءبىلىم ماسەلەسى دە باسا نازار اۋدارۋدى قاجەت ەتەدى», – دەدى مەملەكەت باسشىسى.
قازاقستان پرەزيدەنتى الەمنىڭ دامىعان 30 ەلىنىڭ قاتارىنا كىرۋ جونىندەگى ماقساتقا قول جەتكىزۋ تەك ەكونوميكالىق قانا ەمەس, الەۋمەتتىك كورسەتكىشتەردىڭ جاقسارۋىنا دا بايلانىستى ەكەنىنە نازار اۋداردى.
«ەلىمىزدە قابىلدانعان مەملەكەتتىك باعدارلامالار ازاماتتار ءومىرىنىڭ بارلىق سالاسىن قامتيدى. مىسالى, انا ءولىمى ءۇش ەسە ازايعان. بۇل مەملەكەتتىك ساياساتتىڭ ماڭىزدى كورسەتكىشى دەپ سانايمىن. تۇرمىس جاعدايىنىڭ, مەديتسينالىق قىزمەت كورسەتۋ ساپاسىنىڭ جاقسارۋى ازاماتتاردىڭ دەنساۋلىعىنا تىكەلەي سەپتىگىن تيگىزەدى», – دەدى مەملەكەت باسشىسى.
نۇرسۇلتان نازارباەۆ يننوۆاتسيالىق ەكونوميكانى قالىپتاستىرۋ ءۇشىن وتاندىق كادرلاردى دايارلاۋدىڭ ماڭىزدىلىعىن دا اتاپ ءوتتى.
«بىزگە باسەكەگە قابىلەتتى ءبىلىم مەن ءوزىمىزدىڭ عىلىمدى دامىتۋ وتە ماڭىزدى. نازارباەۆ ۋنيۆەرسيتەتى مەن نازارباەۆ زياتكەرلىك مەكتەبىن اشۋ ۇلتتىق عىلىمي ەليتانى قالىپتاستىرۋعا باعىتتالعان. حالىقارالىق تاجىريبە ءبىلىم سالاسىندا عىلىمي ورتالىقتاردى قۇرۋدا مەگاپوليستەر ءرولىنىڭ زور ەكەنىنە دالەل. شىمكەنتتە استانا مەن الماتىدان باسقا ءۇشىنشى مەگاپوليست قۇرۋ كەرەك, رەسپۋبليكانىڭ باتىس وڭىرىندە تاعى ءبىر مەگاپوليس پايدا بولۋى مۇمكىن. قالانىڭ جاڭا اكىمشىلىك ورتالىعىنىڭ قالىپتاستىرىلۋى تۇرعىندار سانىن ميلليوننان اسىرۋ جونىندەگى ستراتەگيانىڭ جالعاسى بولىپ سانالادى», – دەدى قازاقستان پرەزيدەنتى.
نۇرسۇلتان نازارباەۆ اگروونەركاسىپ كەشەنى قىزمەتىنىڭ ناتيجەسى جامان ەمەس ەكەنىن جانە بۇل سالانىڭ ونىمدىلىگىن ارتتىرۋ كەرەكتىگىن اتاپ ءوتتى. سونداي-اق, شاعىن جانە ورتا بيزنەستى دامىتۋ قاجەتتىگىنە توقتالدى.
كەزدەسۋ بارىسىندا وبلىس اكىمى ا.مىرزاحمەتوۆ ءوڭىردىڭ الەۋمەتتىك-ەكونوميكالىق دامۋ قورىتىندىلارى تۋرالى باياندادى.
اكىمشىلىك-ىسكەرلىك ورتالىقتى قامتيتىن جاڭا تۇرعىن ءۇي الابى 28 مىڭنان استام ادامعا ارنالعان. كوپ پاتەرلى تۇرعىن ۇيلەردەن باسقا مۇندا مەكتەپكە دەيىنگى بالالار مەكەمەلەرىن, مەكتەپتەر, ەمحانالار, سونداي-اق ساۋدا جانە مادەني-تۇرمىستىق قىزمەت كورسەتۋ نىساندارى ورنالاستىرۋ كوزدەلگەن.
مەملەكەت باسشىسى بۇدان سوڭ باتىرىمدى ناسوستار شىعاراتىن زاۋىتتا بولدى
پرەزيدەنت كاسىپورىننىڭ قىزمەتىمەن جانە ءوندىرىستى ۇلعايتۋ جونىندەگى جوسپارلارىمەن تانىستى.
جوبا