تابيعي مونوپوليالاردى رەتتەۋ اگەنتتىگىنىڭ توراعاسى مۇرات وسپانوۆ قىزىلجار وڭىرىندە بولعان جۇمىس ساپارىندا كوممۋنالدىق قىزمەت كورسەتەتىن كاسىپورىنداردىڭ ينۆەستيتسيالىق باعدارلامالاردى ورىنداۋ بارىسىنا ەرەكشە نازار اۋداردى. № 2 جىلۋ ورتالىعىنىڭ ديرەكتورى ۆيكتور بارمين قايتا جاڭعىرتۋدان ءوتىپ, پايدالانۋعا بەرىلگەن №8 قازاندىق اگرەگاتىنىڭ جۇمىسىمەن تانىستىردى. جالپى قۇنى 4,6 ميلليارد تەڭگەنى قۇرايتىن قوندىرعىنىڭ ءبىر ساعاتتىق قۋاتى 270 تونناعا دەيىن ارتقان.
تابيعي مونوپوليالاردى رەتتەۋ اگەنتتىگىنىڭ توراعاسى مۇرات وسپانوۆ قىزىلجار وڭىرىندە بولعان جۇمىس ساپارىندا كوممۋنالدىق قىزمەت كورسەتەتىن كاسىپورىنداردىڭ ينۆەستيتسيالىق باعدارلامالاردى ورىنداۋ بارىسىنا ەرەكشە نازار اۋداردى. № 2 جىلۋ ورتالىعىنىڭ ديرەكتورى ۆيكتور بارمين قايتا جاڭعىرتۋدان ءوتىپ, پايدالانۋعا بەرىلگەن №8 قازاندىق اگرەگاتىنىڭ جۇمىسىمەن تانىستىردى. جالپى قۇنى 4,6 ميلليارد تەڭگەنى قۇرايتىن قوندىرعىنىڭ ءبىر ساعاتتىق قۋاتى 270 تونناعا دەيىن ارتقان. ەندى مۇندا № 4 تۋربينانى مونتاجداۋ جالعاسۋدا. 2015 جىلعا تامان ەسكىرگەن قۇرال-جابدىقتاردىڭ 35-40 پايىزىن جاڭالاۋ كوزدەلىپ وتىر. «پەتروپاۆل جىلۋ جەلىلەرى» جشس-دا جىلۋ جۇيەلەرىنىڭ توزۋى 70 پايىزدى قۇرايدى. ينۆەستيتسيالىق باعدارلاما شەڭبەرىندە بيىل 7,9 ميلليون تەڭگەگە قۇرال-جابدىقتار ساتىپ الۋ, 182,4 ميلليون تەڭگەگە تەحنيكالىق قايتا جاراقتاندىرۋ جۇرگىزۋ جوسپارلانعان. قازىرگى تاڭدا 34 ماگيسترالدى جانە تاراتۋ جەلىلەرى ۋچاسكەلەرى كۇردەلى جوندەۋدەن وتكەن. «قىزىلجار سۋ» جشس-دا اگەنتتىك توراعاسىنىڭ قاتىسۋىمەن ءباسپاسوز تۋرى ۇيىمداستىرىلدى. وندا ديرەكتوردىڭ مىندەتىن اتقارۋشى سەرگەي ۆيزەروۆ كاسىپورىن اكتيۆتەرىن جاڭعىرتۋ جايلى ماعلۇمات بەردى. جاڭا قوندىرعىلاردى ورناتۋ بارىسىندا ايىنا ءبىر ميلليون تەڭگەنىڭ تىرشىلىك ءنارى ۇنەمدەلەتىن بولىپتى.
بۇدان كەيىن «نۇر وتان» حدپ وبلىستىق فيليالىندا «اشىقتىق –تاريفتىك ساياساتتىڭ باسىم باعىتى» اتتى دوڭگەلەك ۇستەل ءوتىپ, وعان ەڭبەك ارداگەرلەرى, بيزنەس سالاسى, ۇكىمەتتىك ەمەس ۇيىم وكىلدەرى, ءماسليحات دەپۋتاتتارى قاتىستىرىلدى. وندا باعانى قولجەتىمدى ەتۋ, مونوپوليستەر قىزمەتىن وڭتايلاندىرۋ, مەملەكەتتىك ورگاندار مەن بيزنەس قاۋىمداستىعىنىڭ ءىس-قيمىلىن جەتىلدىرۋ, ينۆەستيتسيالىق مىندەتتەمەلەردى ورىنداۋ, نارىق سۋبەكتىلەرى مۇددەلەرىنىڭ تەڭگەرىمىنە قول جەتكىزۋ بويىنشا ساليقالى پىكىرلەر الماسىلدى. جيىنعا قاتىسۋشىلار تاريف بەلگىلەۋدىڭ اشىقتىعىن, مولدىرلىگىن, رەتتەلەتىن سەكتورلاردى جاڭعىرتۋ, ەنەرگيا جانە رەسۋرس ۇنەمدەۋ باعدارلاماسىن, «جاسىل ەكونوميكاعا» كوشۋ قادامىن قولدادى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.