جۇمىس بابىنداعى ساپارمەن اقمولا وبلىسىنا كەلگەن تابيعي مونوپوليالاردى رەتتەۋ اگەنتتىگىنىڭ توراعاسى مۇرات وسپانوۆ كوكشەتاۋ جانە ستەپنوگور قالالارىنىڭ ءوندىرىس وشاقتارىندا بولدى.
جۇمىس بابىنداعى ساپارمەن اقمولا وبلىسىنا كەلگەن تابيعي مونوپوليالاردى رەتتەۋ اگەنتتىگىنىڭ توراعاسى مۇرات وسپانوۆ كوكشەتاۋ جانە ستەپنوگور قالالارىنىڭ ءوندىرىس وشاقتارىندا بولدى.
«كوكشەتاۋ-ەنەرگو» جشس قاراۋىنداعى 110/10 كيلوۆاتت ترانسفورماتور ستانساسىنداعى كەزدەسۋدە سەرىكتەستىكتىڭ باس ديرەكتورى بەرىك اقىلبەكوۆ ينۆەستيتسيالىق جوبالاردى جۇزەگە اسىرۋ بارىسى جايلى حاباردار ەتتى. مالىمەتتەردى شاشىراتپاي, اتالعان ستانساعا قاتىستىسىن ايتساق, 1987 جىلى پايدالانۋعا بەرىلگەن قۋات كوزىنە بىلتىر 60 ميلليون تەڭگەگە جۋىق ينۆەستيتسيا تارتىلعان ەكەن. وسىنىڭ ارقاسىندا كرۋن-10 قۋات تاراتقىشىنىڭ ماي اجىراتقىشتارىن ۆاكۋمدىق جۇيەگە اۋىستىرۋعا مۇمكىندىك تۋدى. قازىر بۇل ستانسا تۇرعىندار تىعىز ورنالاسقان ۆاسيلكوۆ, تسەنترالنىي جانە كوكتەم شاعىن اۋداندارىن ەلەكتر قۋاتىمەن قامتاماسىز ەتەدى. قىزمەتتىڭ ساپاسى جاقسارىپ, پايدالانۋعا جۇمسالاتىن قارجى شىعىنى ازايعان.
اگەنتتىك توراعاسى «كوكشەتاۋ جىلۋ» جانە «كوكشەتاۋ سۋ ارناسى» كاسىپورىندارىندا ەسەپتەۋ قۇرالدارىنىڭ ورناتىلۋ بارىسى مەن قۋات كوزدەرىنىڭ تيىمدىلىگىن ارتتىرۋعا باعىتتالعان ينۆەستيتسيالىق باعدارلامالارعا دەن قويدى.
«نۇر وتان» حدپ اقمولا وبلىستىق فيليالىندا «تاريفتىك اشىق ساياساتتىڭ باسىم باعىتى» اتتى دوڭگەلەك ۇستەل ءماجىلىسى وتكىزىلىپ, اگەنتتىك توراعاسىنىڭ ورىنباسارى اسىلبەك دۇيسەباەۆ ەلىمىزدەگى تاريفتىك ساياساتتى جەتىلدىرۋ تۋرالى بايانداما جاسادى. سونداي-اق, قالانى ەلەكتر قۋاتىمەن, جىلۋ جانە سۋمەن قامتاماسىز ەتۋ كاسىپورىندارى باسشىلارىنىڭ تاريفتەردىڭ وسۋىنەن تۇسكەن اقشا قاراجاتىنىڭ ءتيىمدى جۇمسالۋى, باعدارلامالاردىڭ ورىندالۋى تۋرالى ەسەپتەرى تىڭدالدى.
باقبەرگەن امالبەك,
«ەگەمەن قازاقستان».
اقمولا وبلىسى.