كاسىپكەرلىكتى, شاعىن جانە ورتا بيزنەستى دامىتۋ ءۇشىن مەملەكەت تاراپىنان جاسالىپ جاتقان قامقورلىق از ەمەس. بىراق وزىق وي, ۇزدىك جوبا بولماسا توككەن تەر, قوسقان قارجى زايا كەتەتىنى قازىر كوپكە بەلگىلى بولعان. «اتامەكەن» وداعى» ۇلتتىق ەكونوميكالىق پالاتاسىنىڭ قولداۋىمەن «اتامەكەن ستارتاپ» قوعامدىق قورى وتكىزگەن Atameken Startup Kostanay بيزنەس-باستاما بايقاۋى بولاشاقتاعى ۇلكەن ىستەردىڭ نىشانىنداي سەزىلدى. نەگىزى بۇل شارا قازاقستان بويىنشا ءىسىن ەندى باستاعان كاسىپكەرلەردى قولداۋعا ارنالعان. مۇنداي بايقاۋ قوستاناي قالاسىندا وسىمەن ەكىنشى جىل ءوتىپ وتىر. ارينە, جاقسى ىسكە اركىمنىڭ تالاسى بار, قاتىسامىن, ۇزدىك باستاما, ۇزدىك تاجىريبە ۇسىنامىن دەگەندەرگە ەسىك اشىق. الايدا, ۇسىنعان جوبالاردىڭ سيپاتى مىندەتتى تۇردە يننوۆاتسيالىق, ال ايماق ءۇشىن جىلت ەتكەن جاڭالىعى بولۋى ءتيىس.
كاسىپكەرلىكتى, شاعىن جانە ورتا بيزنەستى دامىتۋ ءۇشىن مەملەكەت تاراپىنان جاسالىپ جاتقان قامقورلىق از ەمەس. بىراق وزىق وي, ۇزدىك جوبا بولماسا توككەن تەر, قوسقان قارجى زايا كەتەتىنى قازىر كوپكە بەلگىلى بولعان. «اتامەكەن» وداعى» ۇلتتىق ەكونوميكالىق پالاتاسىنىڭ قولداۋىمەن «اتامەكەن ستارتاپ» قوعامدىق قورى وتكىزگەن Atameken Startup Kostanay بيزنەس-باستاما بايقاۋى بولاشاقتاعى ۇلكەن ىستەردىڭ نىشانىنداي سەزىلدى. نەگىزى بۇل شارا قازاقستان بويىنشا ءىسىن ەندى باستاعان كاسىپكەرلەردى قولداۋعا ارنالعان. مۇنداي بايقاۋ قوستاناي قالاسىندا وسىمەن ەكىنشى جىل ءوتىپ وتىر. ارينە, جاقسى ىسكە اركىمنىڭ تالاسى بار, قاتىسامىن, ۇزدىك باستاما, ۇزدىك تاجىريبە ۇسىنامىن دەگەندەرگە ەسىك اشىق. الايدا, ۇسىنعان جوبالاردىڭ سيپاتى مىندەتتى تۇردە يننوۆاتسيالىق, ال ايماق ءۇشىن جىلت ەتكەن جاڭالىعى بولۋى ءتيىس.
بايقاۋ بارىسىنداعى بەرىلگەن بەلگىلى ۋاقىتتا وعان قاتىسۋشىلار وزدەرى جاساعان جوبالاردىڭ تۇجىرىمىن جانە بيزنەس-جوسپارىن دايىندادى. ال جوبالار بيزنەس پەن تەحنولوگيا سالاسىنداعى تاجىريبەلى ساراپشىلاردىڭ ىقپال ەتۋىمەن crush-تەستەر ارقىلى ءوتتى. ءۇش كۇنگە سوزىلعان بايقاۋدىڭ قورىتىندىسىندا وزىق جوبالار ىرىكتەلدى جانە وعان قاتىسۋشىلار باعا جەتپەس تاجىريبەلەر الدى. بايقاۋعا بارلىعى 47 بيزنەس-باستاما ۇسىنعان 115 ادام قاتىسقان بولاتىن. ۇزدىك جوبالاردىڭ, قىزىقتى باستامالاردىڭ كوپتىگىنە بايلانىستى تورەشىلەر القاسىنا جەڭىمپازدى انىقتاۋ وڭايعا سوقپادى. جاساقتالعان 36 كوماندانىڭ 16-سى عانا تورەشىلەردىڭ ويىنان شىقتى. وسى ون التى كوماندانىڭ اراسىنان قازىلار القاسى ءۇش كوماندانى عانا جۇلدەلى ورىنعا تاڭداپ الدى. ءبىرىنشى ورىندى «Green» كومانداسى جەڭىپ الدى. ونىڭ قۇرامىنداعى تولەش ماعزۇم, سايات شايمۇرىنوۆ, داۋلەت ەسجانوۆ پلاستيك شولمەكتەردى جويۋ جانە ولاردى ونەركاسىپتە ەكىنشى شيكىزات كوزى رەتىندە پايدالانۋدى ۇسىنادى. جاس كاسىپكەرلەر جويىلعان شولمەكتەردى ونەركاسىپتە وڭدەپ, ودان حيميالىق تالشىق, تەحنيكالىق سۇيىقتار قۇياتىن ىدىستار جانە ءۇيدىڭ توبەسىن جاباتىن ماتەريالدار, تاعى باسقا دا زاتتار الۋعا بولاتىندىعىن دالەلدەيدى.
ەكىنشى ورىندى «ۆوت ۆ چەم سول» كومانداسى يەلەندى. ايجان احمەتوۆا مەن ونىڭ جەتەكشىسى ۆلاديمير پوەزجالوۆ تۇزدى وڭدەۋ ءوندىرىسىنىڭ يمپورتتى الماستىراتىن تەحنولوگياسىن ۇسىندى. بۇل تەحنولوگيامەن وڭدەلگەن تۇزدىڭ وزىندىك قۇنى رەسەيلىك ونىمنەن ەكى ەسە ارزانعا تۇسەدى.
ال ءۇشىنشى ورىندى «ەلەكتر كۇشىمەن وتاۋشى» جوباسى ءۇشىن «ايەلدەردى ساقتاڭدار» كومانداسى يەلەندى. بۇل كوماندانىڭ مۇشەلەرى ەلەنا كليمەنكو مەن يۋري مارتىنيۋك ءارامشوپتى وتاۋعا ارنالعان ەلەكتر قۇرىلعىسىن جاساۋعا بولاتىنىن ايتادى. ونىمەن جۇمىس ىستەگەن كىسى ەڭكەيىپ, كۇش جۇمساپ, بەلىن اۋىرتىپ جاتپايدى. ارامشوپكە باعىتتاپ قوندىرعىنىڭ تۇيمەسىن باسىپ وتىرادى. ءشوپ ەلەكتر توعىمەن قىرقىلا بەرەدى.
باقشانىڭ ءشوبىن وتايتىن نەگىزىنەن ايەلدەر بولعاندىقتان, كوماندانىڭ اتى دا وسىلاي تاڭدالدى. بۇل ولاردىڭ جۇمىسىن وتە جەڭىلدەتەدى, دەيدى يۋري مارتىنيۋك. بايقاۋدان جۇلدەلى ورىن العان ەڭبەكتەر عانا ەمەس, وندىرىسكە سۇرانىپ تۇرعان باسقا دا ۇزدىك جوبالار ەكونوميكانى دامىتۋدىڭ مەملەكەتتىك ينستيتۋتى مەن قازاقستاننىڭ بيزنەس-باستاۋ كلۋبىنا جىبەرىلەتىن بولادى.
بايقاۋدىڭ قازىلار القاسىنىڭ قۇرامىندا جەرگىلىكتى كاسىپكەرلەر, باسقارما باسشىلارى, عالىمدارمەن قاتار اقش-تىڭ قازاقستانداعى ەلشىلىگى مادەنيەت جونىندەگى اتتاشەسىنىڭ ورىنباسارى دريۋ پەتەرسون دا بولدى.
– قازاقستاننىڭ ەكونوميكالىق دامۋى ءۇشىن مۇنداي بايقاۋلار وتە قاجەت. ءبىزدىڭ امەريكادا وسى ءتارىزدى بايقاۋلار ءجيى وتەدى, ءار قالادا كاسىپكەرلەر اراسىندا جارىسقا نەگىزدەلگەن قىزىقتى شوۋلار وتكىزەتىن ساۋدا پالاتالارى بار, – دەيدى دريۋ پەتەرسون.
بايقاۋ تەك تۇسكەن جوبالاردى ىرىكتەپ قانا قويمايدى, كاسىپكەرلىككە