ءماجىلىس توراعاسى نۇرلان نىعماتۋلين قازاقستانداعى وكىلەتتىگىن اياقتاعالى وتىرعان امەريكا قۇراما شتاتتارىنىڭ توتەنشە جانە وكىلەتتى ەلشىسى كەننەت فەيرفاكستى قابىلدادى, دەپ حابارلادى وسى پالاتانىڭ ءباسپاسوز قىزمەتى.
ءماجىلىس توراعاسى نۇرلان نىعماتۋلين قازاقستانداعى وكىلەتتىگىن اياقتاعالى وتىرعان امەريكا قۇراما شتاتتارىنىڭ توتەنشە جانە وكىلەتتى ەلشىسى كەننەت فەيرفاكستى قابىلدادى, دەپ حابارلادى وسى پالاتانىڭ ءباسپاسوز قىزمەتى.
ءماجىلىس توراعاسى ديپلوماتقا قازاقستان مەن امەريكا اراسىنداعى ەكى جاقتى قارىم-قاتىناستى نىعايتۋ جولىنداعى تابىستى جۇمىسى ءۇشىن ءوز العىسىن ءبىلدىردى.
تاراپتار قوس ەلدىڭ ءتۇرلى سالاداعى, اسىرەسە, ايماقتىق قاۋىپسىزدىك, اۋعانستانعا قولداۋ كورسەتۋ, يادرولىق قارۋسىزدانۋ ماسەلەلەرىندەگى ىنتىماقتاستىعىن ايرىقشا اتاپ ءوتتى.
نۇرلان نىعماتۋلين مەن كەننەت فەيرفاكس قازاقستان-امەريكا پارلامەنتارالىق ارىپتەستىگىنىڭ دامۋ دەڭگەيىن دە جوعارى باعالادى.
اڭگىمە بارىسىندا ءماجىلىس توراعاسى دەپۋتاتتىق كورپۋستىڭ بارلىق كۇش-جىگەرى قازاقستان پرەزيدەنتى نۇرسۇلتان نازارباەۆتىڭ «قازاقستان - 2050» ستراتەگياسىندا جۇكتەلگەن مىندەتتەردى ورىنداۋعا باعىتتالعانىن ءسوز ەتتى.
كەننەت فەيرفاكس دىتتەگەن ماقساتقا جەتۋ قازاقستاننىڭ ودان ءارى كوركەيۋىن قامتاماسىز ەتەتىنىن تىلگە تيەك ەتە كەلىپ, قازاقستاندىق دەپۋتاتتاردىڭ جۇمىسىنا تابىس تىلەدى.
– مەنىڭ قازاقستانداعى اقش ەلشىسى رەتىندەگى جۇمىسىم اياقتالعانىمەن, مەن سىزدەردىڭ ەلدەرىڭىزدە بولىپ جاتقان وزگەرىستەردى ىقىلاسپەن قاداعالاپ وتىراتىن بولامىن, – دەدى ديپلومات. ءوز كەزەگىندە نۇرلان نىعماتۋلين كەننەت فەيرفاكستىڭ حالىقارالىق ەنەرگەتيكالىق اگەنتتىكتەگى قىزمەتى ءوزارا قارىم-قاتىناستىڭ, سونىڭ ىشىندە, ەكسپو-2017 حالىقارالىق كورمەسى اياسىندا ودان ءارى دامي تۇسەتىنىنە سەنىم ءبىلدىردى.