سيريا استاناسى داماسكى قالاسىنىڭ ماڭىندا ۇكىمەت اسكەرى مەن قارۋلانعان وپپوزيتسيا قۇرىلىمدارى اراسىندا سوڭعى كۇندەرى قيان-كەسكى ۇرىستار ورىن الۋدا. بۇل تۋرالى يتار-تاسس حابارلادى.
«ال-ۆاتان» اقپارات قىزمەتىنىڭ مالىمدەۋى بويىنشا, سيريا اسكەرى كۋدسي مەن ەل-حامم ەلدى مەكەندەرىندەگى ارنايى ءىس-شارالارىن ءساتتى جۇرگىزىپ, داماسكىنىڭ سولتۇستىك-باتىسىنداعى اۋدانداردى ءوز باقىلاۋلارىنا الدى.
«دجەبحات ان-نۋسرا» توبىنىڭ تەرروريستەرى ليۆان شەكاراسىنىڭ ماڭىندا قورشاۋعا الىنىپ قازا تاپتى. سيريا اسكەرى «دۋمەير-ادرا» تاس جولىنان ءوتىپ بارا جاتقان سودىرلاردى توقتاتىپ, 40-تان اسا ەكسترەميستىڭ كوزىن جويدى.
«اس-سافير» گازەتىنىڭ مالىمدەۋىنشە, سيريا قارۋلى كۇشتەرى يوردانيا اۋماعىنداعى ارنايى لاگەرلەردە دايىندىقتان وتكەن 300-گە جۋىق سودىردىڭ كوزىن جويعان. ولاردىڭ اراسىندا ساۋد ارابيا, ليۆيا, يوردانيا مەملەكەتتەرىنىڭ جالشىلارى دا بار كورىنەدى.
داماسكىدەن سولتۇستىككە قاراي 165 شاقىرىم جەردە ورنالاسقان ەل-فاركالەس قالاشىعىنداعى باقىلاۋ بەكەتىنىڭ جانىندا ەكى سودىر اۆتوكولىكتەردى جارىپ, ناتيجەسىندە ەكى اسكەري قىزمەتكەر قازا تاپتى. وقيعا سالدارىنان بەيبىت تۇرعىندار, ولاردىڭ ىشىندە ەكى بالا جاراقات الدى.
ايدار ورىسباەۆ.