كەشە قازاقستان رەسپۋبليكاسى پارلامەنتى سەناتىنىڭ ءتوراعاسى قايرات ءمامي فرانتسيانىڭ قازاقستانداعى توتەنشە جانە وكىلەتتى ەلشىسى جان-شارل بەرتونەمەن كەزدەستى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
كەشە قازاقستان رەسپۋبليكاسى پارلامەنتى سەناتىنىڭ ءتوراعاسى قايرات ءمامي فرانتسيانىڭ قازاقستانداعى توتەنشە جانە وكىلەتتى ەلشىسى جان-شارل بەرتونەمەن كەزدەستى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
ج.-ش.بەرتونە قازاقستانداعى ديپلوماتيالىق قىزمەتىن اياقتاۋدا. ق.ءمامي جەمىستى قىزمەتى مەن ەكىجاقتى ىنتىماقتاستىقتى دامىتۋعا قوسقان ۇلەسى ءۇشىن ەلشىگە العىس ايتتى.
اڭگىمە بارىسىندا تاراپتار ەكىجاقتى ءوزارا ءىس-قيمىلدىڭ وزەكتى ماسەلەلەرى بويىنشا پىكىر الماستى. «بىرلەسكەن كۇش-جىگەردىڭ ارقاسىندا ءبىز قازاقستان-فرانتسيا قاتىناستارىن ستراتەگيالىق ءارىپتەستىك دەڭگەيىنە كوتەردىك», دەدى ق.ءمامي. سەنات توراعاسى قازاقستان ءوز ەكونوميكاسىنىڭ باسىم باعىتتارىنا فرانتسۋزدىڭ تىكەلەي ينۆەستيتسياسى مەن تەحنولوگياسىن تارتۋعا مۇددەلى ەكەنىن جەتكىزدى.
ەلشى فرانتسيانىڭ قازاقستانداعى مادەنيەت ماۋسىمى اياسىنداعى ءىس-شارالار تۋرالى اڭگىمەلەدى. جۇزدەسۋشىلەر, سونىمەن قاتار, قازاقستان مەن فرانتسيا اراسىنداعى پارلامەنتارالىق ىنتىماقتاستىقتىڭ كەلەشەگىن دە تالقىلادى.