كەشە پالاتا توراعاسى نۇرلان نىعماتۋليننىڭ توراعالىعىمەن ءۇشىنشى پارلامەنتتىك سەسسياداعى ءماجىلىستىڭ العاشقى بيۋرو وتىرىسى ءوتتى, دەپ حابارلادى وسى پالاتانىڭ ءباسپاسوز قىزمەتى.
كەشە پالاتا توراعاسى نۇرلان نىعماتۋليننىڭ توراعالىعىمەن ءۇشىنشى پارلامەنتتىك سەسسياداعى ءماجىلىستىڭ العاشقى بيۋرو وتىرىسى ءوتتى, دەپ حابارلادى وسى پالاتانىڭ ءباسپاسوز قىزمەتى.
وتىرىستا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ پارلامەنتتىڭ ءۇشىنشى سەسسياسىنىڭ اشىلۋىنداعى تاپسىرمالارى تالقىلاندى. ەلباسى ايقىنداپ بەرگەن جاڭا تاپسىرمالار بويىنشا زاڭ جوبالارىنىڭ ۇلكەن ءبىر توبى قالىپتاستىرىلىپ, پالاتا الداعى جالپى وتىرىستا قورىتىندى ازىرلەۋ مەزگىلىن ناقتىلايتىن بولدى.
ولاردىڭ ىشىندە العاشقى كەزەكتە: «2014-2016 جىلدارعا ارنالعان رەسپۋبليكالىق بيۋدجەت تۋرالى», «قازاقستان رەسپۋبليكاسىنىڭ ۇلتتىق قورىنان 2014-2016 جىلدارعا ارنالعان كەپىلدىك بەرىلگەن ترانسفەرت تۋرالى» جانە «رەسپۋبليكالىق جانە وبلىستىق بيۋدجەتتەر, رەسپۋبليكالىق ماڭىزى بار قالا, استانا بيۋدجەتتەرى اراسىنداعى 2014-2016 جىلدارعا ارنالعان جالپى سيپاتتاعى ترانسفەرتتەردىڭ كولەمى تۋرالى» ەلىمىزدىڭ باستى قارجى قۇجاتىنا قاتىستى زاڭ جوبالارى بار.