كەشە استانادا قىتايدىڭ سىرتقى ساۋدا ورتالىعىنىڭ باستاماسىمەن كونفەرەنتسيا بولىپ ءوتتى. ول كانتون جارمەڭكەسىنىڭ 114 رەت وتكىزىلۋىنە ارنالدى. شاراعا قاتىسۋشىلارعا قىتايداعى ەڭ ءىرى ساۋدا كورمەسىنىڭ ەرەكشەلىكتەرى تۋرالى اڭگىمەلەندى.
كەشە استانادا قىتايدىڭ سىرتقى ساۋدا ورتالىعىنىڭ باستاماسىمەن كونفەرەنتسيا بولىپ ءوتتى. ول كانتون جارمەڭكەسىنىڭ 114 رەت وتكىزىلۋىنە ارنالدى. شاراعا قاتىسۋشىلارعا قىتايداعى ەڭ ءىرى ساۋدا كورمەسىنىڭ ەرەكشەلىكتەرى تۋرالى اڭگىمەلەندى.
تۇساۋكەسەر راسىمىنە قىتايدىڭ سىرتقى ساۋدا ورتالىعىنىڭ ۆيتسە-پرەزيدەنت ءىسيۋيبين باستاعان ورتالىق وكىلدەرى كەلدى. ال قازاقستان تاراپىنان ەلدەگى ءىرى مەكەمەلەر مەن ۇلتتىق كومپانيالاردىڭ, سونداي-اق مەملەكەتتىك ورگاندار مەن استانا قالاسىنىڭ اكىمدىگى وكىلدەرى قاتىستى. كەزدەسۋ بارىسىندا قىتاي مەن قازاقستان كومپانيالارى ەكونوميكانىڭ ءتۇرلى سالالارى بويىنشا بىرقاتار كەلىسىمشارتتارعا قول قويدى.
نەگىزى, قىتايدىڭ يمپورتتاۋ جانە ەكسپورتتاۋ بويىنشا كورمەسىنىڭ 114 سەسسياسى ءۇستىمىزدەگى جىلدىڭ 15 قازانى مەن 4 قاراشاسى ارالىعىندا وتەدى. ازياداعى ەڭ ءىرى, ال الەمدە ۇلكەندىگى جاعىنان ءۇشىنشى ورىندى يەلەنىپ تۇرعان «پاچجوۋ» كورمە ورتالىعى قىتايدىڭ گۋانچجوۋ پروۆينتسياسىندا ورىن تەپكەن.
كانتون نەمەسە قىتاي ءجارمەڭكەسى اتالىپ كەتكەن بۇل شارا – كورشى ەلدەگى ەڭ ۇلكەن ساۋدا كورمەسى. ونى نەگىزىنەن قىتايدىڭ باستى ءوندىرىس سورەسى جانە سىرتقى ساۋداداعى بارومەترى دەپ اتايدى. جارمەڭكە اتالعان پروۆينتسيادا جىلىنا ەكى رەت, ياعني كوكتەمدە جانە كۇز ايلارىندا وتكىزىلەدى. ءار سەسسيا 3 كەزەڭنەن تۇرادى. ولاردىڭ ارقايسىسىنا 150 مىڭنان استام ءونىم ۇلگىلەرى قويىلادى ەكەن. ناتيجەسىندە, جارمەڭكە جىل سايىن الەمنىڭ ءار شەتىنەن 200 مىڭنان استام كاسىپكەردى جينايدى. ولاردىڭ ءوزارا جاساعان كەلىسىمدەرى ونداعان ملرد. دوللارعا باعالانادى.
وسى جىلدىڭ كوكتەمىندە ءوتكەن جارمەڭكەنىڭ 113-سەسسياسىندا كورمە الاڭى 1,16 ملن. شارشى مەتردى قۇراپتى. ونداعى ستەندىلەردىڭ جالپى سانى 59 531 بولسا, ونىڭ 58 631-ءىن قىتايدىڭ ءوز كاسىپورىندارى يەمدەنگەن. سونداي-اق, قاتىسقان 24 746 ۇلگىنىڭ 24 184-ءى كورشى ەلدىڭ ۇلتتىق پاۆيلونىندا جايعاسقان.
نۇرباي ەلمۇراتوۆ,
«ەگەمەن قازاقستان».