مىسىر استاناسىنىڭ بۋلاك داكرۋر اۋدانىنداعى پوليتسيا بولىمشەسى ماڭىندا جارىلىس بولىپ, ەكى ادام جاراقات الدى. بۇل تۋرالى جەرگىلىكتى مەنا مەملەكەتتىك اقپارات اگەنتتىگىنىڭ مالىمەتىنە سىلتەمە جاساعان يتار-تاسس حابارلادى.
جەرگىلىكتى قۇقىق قورعاۋ ورگاندارىنىڭ اقپارى بويىنشا, موتوتسيكلدەرگە مىنگەن بەلگىسىز ءۇش ادام پوليتسيا بولىمشەسى ماڭىنا كەلىپ, ولاردىڭ بىرەۋى قولدان جاسالعان گراناتانى لاقتىرعان.
وقيعا بولعان اۋدان قورشاۋعا الىنىپ, وندا پوليتسيا قىزمەتكەرلەرى زەرتتەۋ جۇمىستارىن جۇرگىزدى.
ايدار ورىسباەۆ.