مىسىردىڭ باس پروكۋراتۋراسى جەكسەنبى كۇنى مۋحاممەد ءمۋرسيدىڭ ءىسىن سوتقا وتكىزدى. بۇل تۋرالى يتار-تاسس حابارلاپ وتىر.
«ال-حايات» تەلەارناسىنىڭ مالىمەتى بويىنشا, مۋرسي مەن «مۇسىلمان باۋىرلار» قوزعالىسىنىڭ 14 جەتەكشىسى ادامداردى قانتوگىس پەن زورلىق-زومبىلىققا يتەرمەلەگەندەرى ءۇشىن ايىپتالۋدا.
وتكەن جىلدىڭ 5 جەلتوقسانىندا كايردەگى «يتتيحاديا» پرەزيدەنت سارايىنىڭ الدىندا كىسى ولىمىنە سوقتىرعان قاقتىعىس اتالمىش ايىپتىڭ باستى كورىنىسى رەتىندە قاراستىرىلىپ وتىر.
ول كۇنى مۋحاممەد مۋرسي ىشكى ىستەر مينيسترلىگى مەن رەسپۋبليكالىق گۆارديادان پرەزيدەنت سارايىنىڭ الدىنداعى ميتينگىنى توقتاتۋدى تالاپ ەتتى. الايدا, ءتارتىپ ساقشىلارى مەن اسكەريلەر بەيبىت شەرۋشىلەرگە قارسى كۇش قولدانۋدان باس تارتقان بولاتىن. سول كەزدە ەكس-پرەزيدەنت «مۇسىلمان باۋىرلار» قارۋلانعان قۇرىلىمىن كومەككە شاقىرعان كورىنەدى. ولار شەرۋشىلەرگە شابۋىل جاساپ, قاقتىعىس ناتيجەسىندە بەس ادام قازا تاۋىپ, 600-دەن استامى جاراقات الدى.
ايدار ورىسباەۆ.