وبلىس ورتالىعىندا «ايەل دەنساۋلىعىنىڭ اپتالىعى» بولىپ ءوتتى. تۇڭعىش رەت ۇيىمداستىرىلىپ وتىرعان بۇل شارانىڭ ءوز دەڭگەيىندە وتۋىنە وبلىستىق دەنساۋلىق ساقتاۋ باسقارماسى مەن سالاماتتى ءومىر سالتىن قالىپتاستىرۋ ورتالىعى بەلسەنە قاتىستى.
وبلىس ورتالىعىندا «ايەل دەنساۋلىعىنىڭ اپتالىعى» بولىپ ءوتتى. تۇڭعىش رەت ۇيىمداستىرىلىپ وتىرعان بۇل شارانىڭ ءوز دەڭگەيىندە وتۋىنە وبلىستىق دەنساۋلىق ساقتاۋ باسقارماسى مەن سالاماتتى ءومىر سالتىن قالىپتاستىرۋ ورتالىعى بەلسەنە قاتىستى.
اپتالىق بارىسىندا 26000 ادام دارىگەرلەردىڭ قابىلداۋىندا بولىپ, اقىل-كەڭەستەر الدى. دياگنوستيكالىق, زەرتحانالىق زەرتتەۋلەر جۇرگىزىلدى. تەكسەرىس ناتيجەلەرى بويىنشا 2251 ناۋقاس ايەل انىقتالدى. سونىمەن قاتار, قالاداعى ەمحانالاردا «ەكولايف» ادام رەپرودۋكتسياسىنىڭ ورتالىعى ماماندارىنىڭ قاتىسۋىمەن سەمينارلار ۇيىمداستىرىلدى. اپتالىق سوڭىندا اجە-اپالاردىڭ قاتىسۋىمەن تانىمدىق بايقاۋلار ءوتتى. مىسالى, جۇكتى ايەلدەر اراسىنداعى «ەڭ سۇيكىمدى جانە تارتىمدى بولاشاق انا», «ۇزاق جاساۋ قۇپيالارى» سياقتى قىزىقتى شارالارعا جاس قىزدار, كەلىنشەكتەر كوپ جينالدى. بايقاۋ جەڭىمپازدارى دەنساۋلىق ساقتاۋ باسقارماسىنىڭ گراموتالارىمەن ماراپاتتالدى. وبلىستىق سالاماتتى ءومىر سالتىن قالىپتاستىرۋ ورتالىعى ديرەكتورىنىڭ ورىنباسارى گۇلنار نۇراحمەتوۆانىڭ ايتۋىنشا, بايقاۋلار جاس قىزدار, ايەلدەر زەينەت جاسىنا جەتسە دە گۇلدەي جايناپ جۇرگەن اپا-اجەلەرىن كورىپ ويلانسىن, سالاماتتى ءومىر سۇرۋگە ۇمتىلسىن, دەنساۋلىعىنا جاۋاپكەرشىلىكپەن قاراسىن دەگەن ماقساتتان تۋعان. الدا دا وسىنداي شارالار جالعاسا بەرمەك.
الداعى قازان ايىندا 11-12 جاستاعى 4300 قىز بالاعا پاپيللوما ۆيرۋسىنا, ياعني جاتىر موينىنىڭ ىسىگىنە قارسى جاپپاي ەكپە جاسالماق. وبلىستىق دەنساۋلىق ساقتاۋ باسقارماسى انا مەن بالا دەنساۋلىعىن قورعاۋ ءبولىمىنىڭ مەڭگەرۋشىسى الماگۇل احمەتجانوۆانىڭ ايتۋىنشا, ونكولوگيالىق اۋرۋلاردىڭ الدىن الۋعا باعىتتالعان بۇل شاراعا رەسپۋبليكالىق بيۋدجەتتەن 100 ميلليون تەڭگە قاراجات ءبولىنىپتى. ويتكەنى, وبلىستا ايەلدەر اراسىنداعى ونكولوگيالىق اۋرۋلار دەڭگەيىنىڭ كورسەتكىشى وسىنداي شۇعىل شارالار جۇرگىزۋدى قاجەت ەتىپ وتىر. سوندىقتان, 11-12 جاستاعى قىز بالالار تاڭدالىنىپ وتىر. ءدال وسى كەزەڭدە ەكپە جاسالاتىن بولسا, قىز بالالاردىڭ بويىندا قاتەرلى ىسىككە قارسى يممۋنيتەت قالىپتاسادى ەكەن.
فاريدا بىقاي,
«ەگەمەن قازاقستان».
پاۆلودار.