العا باسۋدىڭ التىن ارقاۋى
ەلىمىزدىڭ اتا زاڭىنىڭ قابىلدانعانىنا 18 جىل تولۋىنا وراي وتكىزىلگەن «كونستيتۋتسيا – قوعام مەن مەملەكەتتىڭ دامۋ ستراتەگياسىنا نەگىز» اتتى حالىقارالىق عىلىمي-پراكتيكالىق كونفەرەنتسيا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە جالعاسىن تاپتى.
كونفەرەنتسيانىڭ باستى ماقساتى – بەلگىلى وتاندىق جانە شەتەلدىك عالىم-زاڭگەرلەردىڭ باسىن قوسىپ, پىكىرسايىس الاڭىن قۇرۋ. مۇنداي حالىقارالىق ماڭىزدى القالى جيىننىڭ ل.ن.گۋميلەۆ اتىنداعى ۋنيۆەرسيتەت قابىرعاسىندا ءوتىپ وتىرعانىنىڭ دا وزىندىك سىرى بار. ويتكەنى, اتالعان وقۋ ورنى زاڭ سالاسىنداعى كوپتەگەن مامانداردى دايارلاپ شىعاردى. تاۋەلسىز ەلىمىزدىڭ قۇقىقتىق قالىپتاسۋىندا وزىندىك ورنى بار زاڭ فاكۋلتەتىنىڭ دەكانى ەركىن وڭعارباەۆ ۋنيۆەرسيتەت باسشىلىعىنىڭ قۇتتىقتاۋىن جەتكىزە وتىرىپ, سالاداعى جەتىستىكتەرىن دە ورتاعا سالا كەتتى.
العا باسۋدىڭ التىن ارقاۋى
ەلىمىزدىڭ اتا زاڭىنىڭ قابىلدانعانىنا 18 جىل تولۋىنا وراي وتكىزىلگەن «كونستيتۋتسيا – قوعام مەن مەملەكەتتىڭ دامۋ ستراتەگياسىنا نەگىز» اتتى حالىقارالىق عىلىمي-پراكتيكالىق كونفەرەنتسيا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە جالعاسىن تاپتى.
كونفەرەنتسيانىڭ باستى ماقساتى – بەلگىل ءىوتاندىق جانە شەتەلدىك عالىم-زاڭگەرلەردىڭ باسىن قوسىپ, پىكىرسايىس الاڭىن قۇرۋ. مۇنداي حالىقارالىق ماڭىزدى القالى جيىننىڭ ل.ن.گۋميلەۆ اتىنداعى ۋنيۆەرسيتەت قابىرعاسىندا ءوتىپ وتىرعانىنىڭ دا وزىندىك سىرى بار. ويتكەنى, اتالعان وقۋ ورنى زاڭ سالاسىنداعى كوپتەگەن مامانداردى دايارلاپ شىعاردى. تاۋەلسىز ەلىمىزدىڭ قۇقىقتىق قالىپتاسۋىندا وزىندىك ورنى بار زاڭ فاكۋلتەتىنىڭ دەكانى ەركىن وڭعارباەۆ ۋنيۆەرسيتەت باسشىلىعىنىڭ قۇتتىقتاۋىن جەتكىزە وتىرىپ, سالاداعى جەتىستىكتەرىن دە ورتاعا سالا كەتتى.
القالى جيىندا «ءبىز قازاقستان رەسپۋبليكاسىندا – قالىپتاسقان مەملەكەتتىڭ كونستيتۋتسيالىق كەڭىستىگىندە تۇرىپ جاتىرمىز» اتتى بايانداما جاساعان قر ۇلتتىق عىلىم اكادەمياسىنىڭ اكادەميگى, زاڭ عىلىمدارىنىڭ دوكتورى, پروفەسسور سۇلتان سارتاەۆ تاريحقا شەگىنىس جاسادى. عالىم 1924 جىلدان بەرى قازاق جەرىندە بەس كونستيتۋتسيانىڭ قابىلدانعانىن العا تارتتى. ول قۇجاتتاردىڭ بارلىعى دا ءوزىمىزدىڭ ءوسىپ-وركەندەپ جاتقان زامانىمىزعا لايىقتاپ جازىلعان كونستيتۋتسيالار بولدى, دەدى عالىم ءار ءداۋىردىڭ وزىندىك ەرەكشەلىكتەرى بار ەكەنىنە نازار اۋدارتىپ. سونىڭ ىشىندە 2005 جىلعى اتا زاڭىمىز ازاماتتارىمىز اسا قۇرمەتتەيتىن نەگىزگى زاڭىمىزعا اينالا ءبىلدى, دەدى ول.
بۇعان دەيىن كونستيتۋتسيالىق كەڭەس توراعاسى يگور روگوۆ ءوزىنىڭ ماقالاسىندا تاۋەلسىزدىكتى نىعايتۋداعى جانە ەل حالقىنىڭ اۋىزبىرشىلىگىن ساقتاۋداعى كونستيتۋتسيانىڭ مىزعىماستىعىنا كەپىل رەتىندەگى ەل پرەزيدەنتىنىڭ ماڭىزدى ءرولىن اتاپ كەتكەن-ءدى. وندا توراعا بىلاي دەپ جازىپتى: «قازاقستان-2050» ستراتەگياسى قالىپتاسقان مەملەكەت – قازاقستان رەسپۋبليكاسىنىڭ ءداۋىرى كەزىندە كونستيتۋتسيانى ودان ءارى ءجۇزەگە اسىرۋعا ارنالعان ۇزاق مەرزىمدى ماڭىزدى باعدارلامالىق قۇجات بولىپ تابىلادى. ستراتەگيانىڭ نەگىزگى قاعيدالارى نەگىزگى زاڭ تالاپتارىنان تۋىندايدى».
ال كونستيتۋتسيالىق كەڭەس مۇشەسى ۆيكتور مالينوۆسكي 1995 جىلى قابىلدانعان اتا زاڭنىڭ ماڭىزىن اشىپ كورسەتۋگە ۇمتىلدى. ونىڭ ايتۋىنشا, 1995 جىلى قوعام جاڭا كونستيتۋتسيانى قابىلداۋعا ءپىسىپ-جەتىلگەن ەدى. سول كەزدە پرەزيدەنت ن.ءا.نازارباەۆ وزگە ەلدەردىڭ جيىرماعا تارتا كونستيتۋتسياسىمەن جاقىن تانىسىپتى. ونىڭ مالىمەتىنە قاراعاندا, 1993 جىلعى كونستيتۋتسيادا جەرگە دەگەن جەكە مەنشىك, تىلدەردىڭ مارتەبەسى, مەملەكەتتىڭ ناقتى سيپاتى تولىق انىقتالماعاندىقتان, ءتيىستى وزگەرىستەر قاجەتتىگى تۋىنداعان. ونىڭ ۇستىنە قوعامنىڭ دامۋ پەرسپەكتيۆالارى دا ب ۇلىڭعىر كۇيىندە قالىپ قويعاندىعى ايقىن سەزىلىپتى. وسىعان وراي قولدانىستاعى اتا زاڭعا ءتيىستى وزگەرىستەر ەنگىزۋ ءۇشىن 1994 جىلى ءتىپتى, ارنايى جۇمىس توبى دا قۇرىلعان. ءسويتىپ, 1995 جىلى كونستيتۋتسيانىڭ جاڭا جوباسى ازىرلەنىپ, قوعام تالقىسىنا ءتۇسىپ, جالپىحالىقتىق رەفەرەندۋمدا قابىلدانعان.
جاڭادان قابىلدانعان سول نەگىزگى زاڭدا قازاقستان دەموكراتيالىق, زايىرلى, الەۋمەتتىك ءارى قۇقىقتىق ەل ەكەنى كورىنىس تاپقان. جانە ەڭ باستى قۇندىلىعى ادام جانە ونىڭ ەركى مەن بوستاندىعى دەپ تە انىق كورسەتىلگەن. ەلىمىز پرەزيدەنتتىك باسقارۋ فورماسىنا ءوتىپ, بيلىك تارماقتارىنىڭ اراسى ناقتى اجىراتىلعان. قولدانىستاعى كونستيتۋتسياعا 1998, 2007 جانە 2011 جىلدارى وزگەرىستەر ەنگىزىلگەنى بەلگىلى. الدى ڭعى ەكەۋى ەلىمىزدىڭ ساياسي قۇرىلىمىنا وزگەرىستەر الىپ كەلسە, حالىقتىق باستاماشى توپ ۇسىنعان سوڭعىسىن كونستيتۋتسيالىق كەڭەس اتا زاڭعا سايكەس كەلمەيدى دەپ تاپقانى بەلگىلى. ناتيجەسىندە ەلباسى كەزەكتەن تىس پرەزيدەنتتىك سايلاۋ وتكىزۋ جونىندەگى جارلىعىن شىعاردى.
ءال فارابي اتىنداعى قازاق ۇلتتىق ۋنيۆەرسيتەتى زاڭ فاكۋلتەتىنىڭ پروفەسسورى, زاڭ عىلىمدارىنىڭ دوكتورى ارىقباي اعىباەۆ ەڭ الدىمەن قۇقىقتىق ءبىلىم مەن سانا-سەزىمدى جەتىلدىرىپ, قۇقىقتىق مادەنيەتتى قالىپتاستىرۋ قاجەتتىگىن باسا اتاپ كەتتى. ونىڭ پايىمىنشا, پارلامەنت حالىققا قۇقىقتىق ءبىلىم بەرۋ ماسەلەسىن ناسيحاتتايتىن ارنايى زاڭدىق قۇجات قابىلداعانى ورىندى بولماق. وسى رەتتە عالىم مەملەكەتتىك ءتىل ءوز تۇعىرىنا ءالى دە ورناماعاندىعىن تىلگە تيەك ەتە كەلىپ, بۇل ماسەلەنى ءۇش تۇعىرلى ءتىل ساياساتى اياسىندا جۇزەگە اسىرۋعا بولارىن مەڭزەدى.
قر پرەزيدەنتى جانىنداعى مەملەكەتتىك باسقارۋ اكادەمياسىنىڭ پروفەسسورى, كونستيتۋتسيالىق كەڭەستىڭ بۇرىنعى مۇشەسى نيكولاي اكۋەۆ كونستيتۋتسياعا وزگەرىستەر تاعى ەنگىزىلۋى مۇمكىندىگىمەن ءبولىستى. ول وسى ورايدا «قازاقستان-2050» ستراتەگياسىندا ەلباسى پارلامەنت وكىلەتتىگى تۋرالى ايتسا, عالىم سونى جوعارى زاڭ شىعارۋشى ورگاننىڭ قاداعالاۋ فۋنكتسيالارىمەن بايلانىستىردى. ونىڭ پايىمىنشا, بەرىلگەن وكىلەتتىكتەردىڭ ارقاسىندا پارلامەنت ارنايى كوميسسيا قۇرىپ, بەلگىلى ءبىر ماسەلە بويىنشا شەشىم دە شىعارا الار ەدى.
كونفەرەنتسياعا قاتىسۋشىلار مەملەكەت دامۋىنىڭ ستراتەگيالىق باعدارىن جانە «قازاقستان-2050» ستراتەگياسى شەڭبەرىندە ەلىمىزدىڭ قۇقىقتىق جۇيەسىن ارى قاراي جەتىلدىرۋ جايلارىن ورتاعا سالدى. اسىرەسە, كونستيتۋتسيالىق كەڭەستىڭ اتا زاڭىمىزدىڭ ۇستەمدىك قۇرۋىنداعى تاجىريبەسى مەن كونستيتۋتسيالىق قۇندىلىقتاردى ساقتاۋداعى وزىندىك ورنى ەرەكشە اتاپ ايتىلدى.
اسقار تۇراپباي ۇلى,
«ەگەمەن قازاقستان».
استانا.
سۋرەتتى تۇسىرگەن
ەرلان وماروۆ.
قوعام مەن مەملەكەت دامۋىنىڭ ستراتەگياسى
بۋرابايداعى «Rixos-Borovoe» وتەلىندە قازاقستان رەسپۋبليكاسىنىڭ كونستيتۋتسياسى كۇنىنە ارنالعان «كونستيتۋتسيا – قوعام مەن مەملەكەتتىڭ دامۋ ستراتەگياسىنىڭ نەگىزى» اتتى حالىقارالىق كونفەرەنتسيا ءوز جۇمىسىن جالعاستىردى. ونى قازاقستان رەسپۋبليكاسىنداعى ادام قۇقىقتارى جونىندەگى ۋاكىل اسقار شاكىروۆ كىرىسپە سوزبەن اشتى.
استانادان باستاۋ العان حالىقارالىق فورۋم جۇمىسىنا تابىس تىلەگەن ا.شاكىروۆ ادام قۇقىقتارى ينستيتۋتىنىڭ ءمىندەتتەرىنە قىسقاشا توقتالدى. ەۋروپا وداعى دەموكراتيا مەن ادام قۇقىقتارى جونىندەگى ەۋروپالىق قۇرال سياقتى بىرقاتار باستامالارعا جول اشتى, وسىناۋ يگى شارالار حالىقارالىق ۇيىمدارمەن بىرلەسىپ جۇزەگە اسىرىلۋدا. بۇل ورايدا قازاقستاندا ازاماتتىق قوعامدى نىعايتىپ, مەملەكەتتىك بيلىكپەن سەرىكتەستىك قۇرۋداعى بەلسەندىلىكتىڭ ءناتيجەسىندە قۇقىقتىق رەفورمانى دامىتۋعا نازار اۋدارىلۋدا. ەلىمىزدىڭ اتا زاڭى مەرەكەلەنىپ وتىرعان كۇنى وتكىزىلگەن عىلىمي-پراكتيكالىق كونفەرەنتسيا قازاقستاندىق ازاماتتىق قوعام وكىلدەرى, عالىمدار جانە مەملەكەتتىك قىزمەتكەرلەردىڭ شەتەلدىك ارىپتەستەرىمەن تىعىز بايلانىس ورناتۋدىڭ ماڭىزدى تۇعىرناماسى بولىپ تابىلادى. قازاقستان كونستيتۋتسياسىنىڭ قوعامنىڭ تۇراقتى دامۋىنا كەپىلدىك بەرەتىن قۇندىلىق نەگىزدەرى وسىدان دا كورىنىس تابادى.
– ەلباسىمىز «سىن ساعاتتا تاۋەلسىزدىگىمىزدىڭ كەپىلى بولعان قاستەرلى اتا زاڭىمىز – ۇلتتىق رۋحىمىزدىڭ اداستىرماس تەمىرقازىعىنا اينالدى» دەپ جوعارى باعا بەرگەن كونستيتۋتسيامىزدىڭ شاراپاتى ءتىرشىلىك-تىنىسىمىزدى شىرايلاندىرۋدا, – دەدى اقمولا وبلىسى اكىمىنىڭ ورىنباسارى اسحات قايناربەكوۆ كونفەرەنتسياعا قاتىسۋشىلاردى قۇتتىقتاۋ سوزىندە. – اتا زاڭ – ءبىزدىڭ بارلىق قۇقىقتىق مادەنيەتىمىزدىڭ قاينار كوزى. حالىق يگىلىگىن كوزدەيتىن ەكونوميكالىق دامۋعا, مەملەكەتتى باسقارۋدىڭ دەموكراتيالىق پرينتسيپتەرىنە ءبىزدىڭ كونستيتۋتسيامىز جول اشۋدا. «قازاقستان-2050» ستراتەگياسىنىڭ سەنىمدى قادامدارى رەتىندە جۋىردا عانا وتكىزىلگەن اۋداندىق دەڭگەيدەگى قالالار, كەنتتەر جانە اۋىل اكىمدەرىنىڭ سايلاۋىن ايتۋعا بولادى. تاجىريبە كورسەتىپ وتىرعانىنداي, ءبىزدىڭ اتا زاڭىمىز ءوزىنىڭ مازمۇنىنىڭ تەرەڭ, مۇمكىندىگىنىڭ مول ەكەندىگىن بۇكىل الەمگە تانىتتى.
كونفەرەنتسيادا نەگىزگى باياندامالاردى تاجىكستان رەسپۋبليكاسى كونستيتۋتسيالىق سوتىنىڭ حاتشى سۋدياسى كاريم كاريموۆ: «تاجىكستان رەسپۋبليكاسى كونستيتۋتسيالىق سوتىنىڭ الەۋمەتتىك مەملەكەتتىڭ كونستيتۋتسيالىق نەگىزىن قامتاماسىز ەتۋدەگى ءرولى» تاقىرىبىندا باستادى. كونستيتۋتسيانىڭ نەگىزى الەۋمەتتىك مەملەكەتتىڭ پرينتسيپتەرىن قامتاماسىز ەتۋگە باعىتتالعان, دەدى ول. بىزدە الەۋمەتتىك ساياسات پەن الەۋمەتتىك ءارىپتەستىك باسىمدىق الادى. ول رەسپۋبليكا پرەزيدەنتىنىڭ حالىققا جولداۋلارىندا ۇنەمى العا شىعارىلىپ كەلە ءدى. سوڭعى جەتى جىلدا بيۋدجەتتىك ينۆەستيتسيا دا ەسەلەپ ارتۋدى. ازاماتتاردىڭ دەنساۋلىق, ءبىلىم, تۇرعىن ءۇي, زەينەتكەرلىك, تاعى باسقا قۇقىقتارىن قورعاۋ ەرەكشە نازاردا ۇستالادى جانە مۇندا كونستيتۋتسيالىق سوت وكىلدىگى سوڭعى شەشىم بولىپ تابىلادى.
لاتۆيا رەسپۋبليكاسى كونستيتۋتسيالىق سوتىنىڭ سۋدياسى ۋلديس كينيستىڭ «اقپاراتتىق تەحنولوگيالار قۇقىعى – ءححى عاسىرداعى كونستيتۋتسيالىق قۇندىلىق» اتتى بايانداماسىندا اقپاراتتىق قوعام – تۇرعىنداردىڭ باسىم بولىگىنىڭ ءال-اۋقاتى ەلەكتروندىق ورتادا تاراتىلاتىن اقپاراتتىق قىزمەتكە تىكەلەي جانە جاناما اسەر ەتەتىن قوعام ەكەندىگى اتاپ ءوتىلدى.
«وزبەكستان رەسپۋبليكاسىنىڭ كونستيتۋتسياسى جانە كونستيتۋتسيالىق سوت ءىسىن جۇرگىزۋدى ودان ءارى دەموكراتيالاندىرۋ» تاقىرىبىندا سويلەگەن وزبەكستان رەسپۋبليكاسى كونستيتۋتسيالىق سوتىنىڭ سۋدياسى ۇزاق بازاروۆ بارشا قازاقستاندىقتاردى ەل كونستيتۋتسياسىنىڭ قابىلدانۋىنىڭ 18 جىلدىعىمەن قۇتتىقتاپ, ارىپتەستەرىنە ازاماتتاردىڭ قۇقىقتارى مەن بوستاندىقتارىن قورعاۋ جانە قۇقىقتىق ۇستەمدىكتى قالىپتاستىرۋداعى جاۋاپتى جۇمىستارىنا تابىس تىلەدى.
ەۋرازەق سوتى سۋدياسىنىڭ كەڭەسشىسى, زاڭ عىلىمدارىنىڭ دوكتورى ەرمەك ءابدىراسىلوۆ «قازاقستان رەسپۋبليكاسى كونستيتۋتسيالىق كەڭەسىنىڭ نورماتيۆتىك قاۋلىلارىندا قۇقىقتىڭ جاسالۋى جانە قۇقىقتىڭ قايتا جاسالۋى» تاقىرىبىنداعى بايانداماسىندا قۇقىق قورعاۋ مەن قۇقىقتىق شىعارماشىلىق ماسەلەلەرى زاڭ عىلىمى مەن تاجىريبەسىندە مەيلىنشە پروبلەمالىق سيپات الاتىندىعىنا توقتالدى. بيلىك ءبولىنىسىنىڭ كلاسسيكالىق تەورياسى بويىنشا سوت جانە باسقا قۇقىق قولدانۋ ورگاندارى قۇقىقتى جاساماۋى كەرەك, ولاردىڭ ءرولى بەكىتىلگەن نەمەسە مەملەكەت تاراپىنان بەلگىلەنگەن ەرەجەلەردى قولدانۋمەن شەكتەلەدى, دەدى ول.
سونداي-اق, كونفەرەنتسيا دەلەگاتتارى مەن قوناقتارىنىڭ نازارىنا ارمەنيا, مولدوۆا, ليتۆا كونستيتۋتسيالىق سوتتارىنىڭ سۋديالارى اشوت حاچاترياننىڭ, پەترۋ رايلياننىڭ, رامۋتا رۋشكيتەنىڭ, م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ كافەدرا مەڭگەرۋشىسى ەۆگەني سۋحانوۆتىڭ, فينليانديا جوعارى اكىمشىلىك سوتىنىڭ قۇرمەتتى پرەزيدەنتى پەككا حاللبەرگتىڭ, حالىقارالىق ىنتىماقتاستىق جونىندەگى گەرمان قوعامىنىڭ (GIZ) ورتالىق ازيا ەلدەرىندەگى قۇقىقتىق مەملەكەتتىلىككە قولعابىس جاساۋ» باعدارلاماسىنىڭ ديرەكتورى يورگ پۋدەلكانىڭ باياندامالارى ۇسىنىلدى.
باقبەرگەن امالبەك,
«ەگەمەن قازاقستان».
اقمولا وبلىسى,
بۋراباي اۋدانى.
الماتى ايرىقشا اتاپ ءوتتى
مۇندا ەلىمىزدىڭ اتا زاڭى – كونستيتۋتسيا كۇنىندە بىرقاتار مەرەكەلىك ءىس-شارالار ۇيىمداستىرىلدى
قالا اكىمدىگىنىڭ ۇيىمداستىرۋىمەن وتكەن ءداستۇرلى ۆەلوشەرۋگە ەل نامىسىن حالىقارالىق جارىستاردا قورعاپ جۇرگەن ۆەلوشاباندوزدار, ۇكىمەتتىكەمەس ۇيىمدار وكىلدەرى مەن قالا تۇرعىندارى, سونىمەن قاتار, قۇقىق قورعاۋ مەكەمەلەرىنىڭ قىزمەتكەرلەرى قاتىستى.
سپورتتىق-مادەني شارا بارىسىندا قالا اكىمى احمەتجان ەسىموۆ ەلىمىزدىڭ ەڭسەلى مەملەكەت بولىپ قالىپتاسۋىندا اتا زاڭنىڭ ۇلەسى زور ەكەندىگىن جەتكىزىپ, جيىلعان كوپشىلىكتى مەملەكەتتىك ماڭىزدى مەرەكەمەن قۇتتىقتادى.
«ەلىمىزدىڭ قارىشتاپ دامۋى ءۇشىن مىزعىماس تا مىعىم زاڭ قاجەت بولدى. قازاقستان رەسپۋبليكاسىنىڭ كونستيتۋتسياسى قابىلدانعاننان كەيىن اسا قاجەتتى زاڭدار قابىلدانىپ, ولار ۋاقىت وتە كەلە دامىپ وتىردى. 1995 جىلدىڭ 30 تامىزىندا اتا زاڭىمىز قابىلدانعان بۇل كۇن بارشا قازاقستاندىقتار ءۇشىن قاسيەتتى مەرەكە رەتىندە تويلانىپ كەلەدى. وتاندىق زاڭداردى قۇرمەتتەۋ ارقىلى ءبىز بۇگىنگى بەرەكەلى دە بەيبىت زاماننىڭ جەتىستىگى مەن جەمىسىن كورىپ وتىرمىز», دەدى قالا باسشىسى.
قۇقىق قورعاۋ ورگاندارى قىزمەتكەرلەرىن تيىسىنشە قامتاماسىز ەتۋ تۋرالى مەملەكەت باسشىسىنىڭ بەرگەن تاپسىرماسىنا وراي اكىم قالالىق سوت قىزمەتىنىڭ باسشىلىعىنا 16 قىزمەتتىك كولىكتىڭ كىلتىن تابىس ەتتى.
مۇنان وزگە, بۇل كۇنى قالا اۋداندارىنىڭ ورتالىقتارىندا مەرەكەلىك جارمەڭكە مەن ءتۇرلى مادەني ۇجىمداردىڭ ۇيىمداستىرۋىمەن مەرەكەلىك باعدارلامالار, ويىن-ساۋىق شارالارى وتكىزىلدى. كەش باتا قالانىڭ اباي اتىنداعى الاڭىندا قازاقستان ەسترادا جۇلدىزدارىنىڭ قاتىسۋىمەن كونتسەرت جانە بي كەشى ۇيىمداستىرىلىپ, كوتەرىڭكى كوڭىل كۇيدى وت-شاشۋمەن ارلەدى.
قانات ەسكەندىر,
«ەگەمەن قازاقستان».
الماتى.