جەنەۆادا قازاقستان رەسپۋبليكاسىنىڭ تۇراقتى وكىلدىگى بىرىككەن ۇلتتار ۇيىمىنىڭ بولىمشەسىمەن بىرلەسە وتىرىپ يادرولىق سىناقتارعا قارسى حالىقارالىق ءىس-قيمىل كۇنىن اتاپ ءوتتى. شاراعا حالىقارالىق ۇيىمدار جانە ديپلوماتيالىق ميسسيالار, جەتەكشى ساراپتاما ورتالىقتارىنىڭ باسشىلارى, سونداي-اق جەتەكشى ءباسپاسوز جانە ۇكىمەتتىك ەمەس ۇيىمدار وكىلدەرى قاتىستى, دەپ حابارلادى قر ءسىم-ءىنىڭ ءباسپاسوز قىزمەتى.
جەنەۆادا قازاقستان رەسپۋبليكاسىنىڭ تۇراقتى وكىلدىگى بىرىككەن ۇلتتار ۇيىمىنىڭ بولىمشەسىمەن بىرلەسە وتىرىپ يادرولىق سىناقتارعا قارسى حالىقارالىق ءىس-قيمىل كۇنىن اتاپ ءوتتى. شاراعا حالىقارالىق ۇيىمدار جانە ديپلوماتيالىق ميسسيالار, جەتەكشى ساراپتاما ورتالىقتارىنىڭ باسشىلارى, سونداي-اق جەتەكشى ءباسپاسوز جانە ۇكىمەتتىك ەمەس ۇيىمدار وكىلدەرى قاتىستى, دەپ حابارلادى قر ءسىم-ءىنىڭ ءباسپاسوز قىزمەتى.
اتالعان شارانىڭ جەنەۆاداعى بۇۇ ۇلتتار سارايىنداعى «قازاقستان» كوپماقساتتى كونفەرەنتس-زالىنىڭ سالتاناتتى تۇساۋكەسەر شەڭبەرىندە ۇيىمداستىرىلۋى ەرەكشە مانگە يە بولدى. بۇل زالدى اشۋ تۋرالى شەشىمدى ەلباسىمىز نۇرسۇلتان نازارباەۆ قازاقستاننىڭ بىرىككەن ۇلتتار ۇيىمىنا مۇشە بولۋىنا 20 جىل تولۋىنا بايلانىستى قابىلداعان ەدى.
شەتەلدىك ديپلوماتتار مەن بۇۇ قىزمەتكەرلەرى «قازاقستان» كوپماقساتتى زالى بۇۇ-نىڭ جەنەۆا ءبولىمشەسى عيماراتىنداعى ەڭ كوركەم جانە تەحنيكالىق جابدىقتالۋى جاعىنان وزىق زالعا اينالعانىن ءبىراۋىزدان اتاپ ءوتتى. 145 كىسى قابىلداۋعا شاقتالىپ, جاڭا تەحنولوگيالارمەن جاساقتالعان زال ىلەسپە اۋدارمامەن قامتاماسىز ەتىلەتىن ساليقالى حالىقارالىق فورۋمدار وتكىزۋ, فيلمدەر كورسەتۋ, سونداي-اق مادەني شارالار ۇيىمداستىرۋ ءۇشىن قولدانىلاتىن بولادى. «قازاقستان» استانا كورىنىستەرى جانە دالا پەيزاجدارىمەن كوركەمدەلگەن گوبەلەندەرمەن اسەمدەلگەن, ەندىگى, تەرەزە ۆيتراجدارى ۇلتتىق ناقىشتاعى ءتۇرلى-ءتۇستى موزايكامەن بەزەندىرىلگەن.
شارا بارىسىندا بۇۇ باس حاتشىسىنىڭ ورىنباسارى, بۇۇ جەنەۆاداعى بولىمشەسىنىڭ باس ديرەكتورى قاسىم-جومارت توقاەۆ جانە تۇراقتى وكىل مۇحتار تىلەۋبەردى ءسوز ءسويلەپ, «Embrace! A World Free of Nuclear Weapons» اتتى دەرەكتى فيلم كورسەتىلدى.
ءوز سوزىندە ق.توقاەۆ تاراتپاۋ رەجىمىن نىعايتۋعا جانە الەمدەگى بەيبىتشىلىك پەن قاۋىپسىزدىكتى قامتاماسىز ەتۋگە قوسقان تاريحي ۇلەسى ءۇشىن قازاقستان پرەزيدەنتى نۇرسۇلتان نازارباەۆقا حالىقارالىق قاۋىمداستىق اتىنان ريزاشىلىق ءبىلدىردى. بۇۇ باس حاتشىسىنىڭ ورىنباسارى قازاقستاننىڭ يادرولىق قارۋسىزدانۋ ءجانە تاراتپاۋ ۇدەرىسىن دامىتۋداعى رولىنە بۇۇ-نىڭ بەرەتىن جوعارى باعاسىن اتاپ ءوتتى. بۇۇ جەنەۆا وفيسىنىڭ باسشىسى بۇۇ-نىڭ قازاقستانمەن ىقپالداسۋى جاڭا مازمۇنعا يە بولا بەرەتىنىنە سەنىم ءبىلدىردى.