قازاقستاننىڭ قىتايداعى ەلشىسى نۇرلان ەرمەكباەۆ «جەنمينۆان» اقپاراتتىق سايتىنىڭ «تسيانگولۋنتان» فورۋمىندا قىتايدىڭ عالامتور پايدالانۋشىلارىمەن ونلاين-قاتىناس وتكىزدى, دەپ حابارلادى قر ءسىم-ءىنىڭ ءباسپاسوز قىزمەتى.
قازاقستاننىڭ قىتايداعى ەلشىسى نۇرلان ەرمەكباەۆ «جەنمينۆان» اقپاراتتىق سايتىنىڭ «تسيانگولۋنتان» فورۋمىندا قىتايدىڭ عالامتور پايدالانۋشىلارىمەن ونلاين-قاتىناس وتكىزدى, دەپ حابارلادى قر ءسىم-ءىنىڭ ءباسپاسوز قىزمەتى.
ونلاين-قاتىناس قحر توراعاسى سي ءتسزينپيننىڭ قازاقستانعا العاشقى مەملەكەتتىك ساپارىنا جانە بۇۇ-نىڭ پرەزيدەنت ن.نازارباەۆتىڭ باستاماسىمەن قابىلدانعان يادرولىق سىناقتارعا قارسى حالىقارالىق ءىس-قيمىل كۇنىنە ورايلاستىرىلدى.
ن.ەرمەكباەۆ تىكەلەي ەفيردە سۇراقتارعا جاۋاپ بەرىپ, قىتايلىق عالامتور پايدالانۋشىلارعا قازاقستان-قىتاي دامۋىنىڭ نەگىزگى باعىتتارى, سونىڭ ءىشىندە ەكى ەلدىڭ قاۋىپسىزدىك, ساۋدا, ەنەرگەتيكا, كولىك, تۋريزم, ءبىلىم سالاسىنداعى ىنتىماقتاستىعى مەن ەكسپو-2017 كورمەسىنە دايىندىق بارىسى تۋرالى ايتتى.
ونلاين-كونفەرەنتسيا بارىسىندا ەلشى حالىقتىڭ ءال-اۋقات دەڭگەيىن ءجانە ەلدىڭ حالىقارالىق ابىرويىن ارتتىرۋعا باعىتتالعان قازاقستاننىڭ 2050 جىلعا دەيىنگى دامۋ ستراتەگياسى جانە «قىتاي ارمانى» تۇجىرىمداماسىنىڭ ۇقساستىعى تۋرالى پىكىر الىستى.
ن.ەرمەكباەۆ قازاقستاننىڭ عالامدىق يادرولىق قارۋسىزدانۋ جانە يادرولىق قاۋىپتى ازايتۋ ۇدەرىسىندەگى جەتەكشى رولىنە باسا نازار اۋداردى. ول «اتوم» حالىقارالىق جوباسىنىڭ وزەكتىلىگىن اتاپ ءوتىپ, قىتايلىق عالامتور پايدالانۋشىلاردى بۇكىل الەمدەگى يادرولىق سىناقتاردان زارداپ شەككەن ادامدار ءۇشىن ءبىر مينۋتتىق ۇنسىزدىككە شاقىردى.
ونلاين-قاتىناس بارىسىندا «جەنمينۆان» سايتىندا 1,1 ميلليون ادام بولدى. «جەنمينۆان» سايتىندا يادرولىق سىناقتارعا قارسى حالىقارالىق ءىس-قيمىل كۇنىنە وراي جانە «اتوم» جوباسىنا ارنالعان ارنايى پاراقشا اشىلدى.