تمد قارجى باقىلاۋ ورگاندارى جيىنى

اعىمداعى جىلدىڭ 5 قىركۇيەگىندە اس­تانا قا­لا­سىندا تاۋەلسىز مەملەكەتتەر دوس­تاس­تىعىنا قاتى­سۋ­شى مەملەكەتتەردىڭ جوعارى قارجى باقىلاۋ ورگان­دارى (جقبو) باسشىلارى كەڭەسىنىڭ XIII سەسسيا­سىنىڭ وتىرىسى وتەدى.

اعىمداعى جىلدىڭ 5 قىركۇيەگىندە اس­تانا قا­لا­سىندا تاۋەلسىز مەملەكەتتەر دوس­تاس­تىعىنا قاتى­سۋ­شى مەملەكەتتەردىڭ جوعارى قارجى باقىلاۋ ورگان­دارى (جقبو) باسشىلارى كەڭەسىنىڭ XIII سەسسيا­سىنىڭ وتىرىسى وتەدى.

سەسسيا جۇمىسىنا ارمەنيا رەسپۋبليكاسىنىڭ, بە­لارۋس رەسپۋبليكاسىنىڭ, قازاقستان رەس­پۋب­ليكاسىنىڭ, قىرعىز رەسپۋبليكاسىنىڭ, مولدوۆا رەسپۋبليكاسىنىڭ, رەسەي فەدەراتسياسىنىڭ, تاجىكستان رەسپۋبليكاسىنىڭ, ۋكراينانىڭ جو­عارى قارجى باقىلاۋ ورگاندارىنىڭ ءبىرىنشى باس­شىلارى قاتىسادى. سونداي-اق, وسى ءىس-شاراعا گرۋزيا ەسەپ پالاتاسىنىڭ توراعاسى باقىلاۋشى رەتىندە شاقىرىلدى.

وتىرىسقا ەلىمىزدىڭ مەملەكەتتىك ورگان­دارى­نىڭ, تمد-نىڭ بىرقاتار ەلدەرىنىڭ ەلشىلىكتەرىنىڭ, سون­داي-اق اقش-تىڭ حالىقارالىق دامۋ اگەنت­تى­گىنىڭ (يۋسايد) جانە دۇنيەجۇزىلىك بانكتىڭ وكىل­دەرى دە قاتىسادى.

سەسسياعا قاتىسۋشىلار اۋىلشارۋاشىلىق تاۋار ءون­دى­رۋشىلەرىن قولداۋعا بولىنەتىن قاراجاتتى پايدالانۋدىڭ ءاۋديتى بويىنشا جوعارى قارجى باقىلاۋ ورگاندارى قىزمەتىنىڭ تيىمدىلىگىن ارتتىرۋدىڭ جولدارىن تالقىلايدى.

سونىمەن قاتار, سەسسيا شەڭبەرىندە تمد-عا قاتىسۋشى مەملەكەتتەردىڭ جقبو باسشىلارى كەڭەسىنىڭ ماڭىزدى ۇلتتىق كورسەتكىشتەر جونىندەگى ساراپتامالىق توبىنىڭ جانە تمد-نىڭ جقبو ءۇشىن مەملەكەتتىك قارجىلىق باقىلاۋ ستاندارتتارىن ازىرلەۋ جونىندەگى جۇمىس توبىنىڭ جۇمىستارىنىڭ ناتيجەلەرى قارالاتىن بولادى.

تاۋەلسىز مەملەكەتتەر دوستاستىعىنا قاتىسۋشى مەم­لەكەتتەردىڭ جوعارى قارجى باقىلاۋ ورگاندارى باس­شى­لارىنىڭ كەڭەسى تمد-عا قاتىسۋشى مەملەكەتتەردىڭ جوعارى قارجى باقىلاۋ ورگاندارى اراسىنداعى ىنتىماقتاستىقتى ۇيىمداستىرۋدى قامتاماسىز ەتۋ, ءوزارا ءىس-قيمىلدى ءۇي­لەس­تىرۋ جانە تاجىريبە الماسۋ ءۇشىن 2000 جىلى قۇرىلعان بولاتىن.

ەسەپ كوميتەتى قازاقستان پرەزيدەنتىنە تىكەلەي با­عى­ناتىن جانە ەسەپ بەرەتىن قارجىلىق باقى­لاۋ­دىڭ جوعارى ورگانى بولىپ تابىلادى. ول رەس­پۋبليكالىق بيۋدجەتتىڭ اتقارىلۋىن, مەم­لەكەتتىك باعدارلامالاردىڭ, ورتالىق مەملەكەتتىك ورگانداردىڭ ستراتەگيالىق جوسپارلارىنىڭ ىسكە اسىرىلۋ بارىسىن سىرتقى باقىلاۋدى جانە باعالاۋدى جۇزەگە اسىرادى. كۆازيمەملەكەتتىك سەكتور سۋبەكتىلەرىنە بولىنگەن مەملەكەتتىڭ قارجى رەسۋرستارىنىڭ پايدالانىلۋىن باقىلايدى. مەملەكەتتىڭ گرانتتارى مەن اكتيۆتەرىن, مەملەكەت كەپىلدىك بەرگەن قارىزداردى پايدالانۋدىڭ تيىمدىلىگىنە تالداۋ جاسايدى, سونداي-اق, ۇلتتىق بانك اكتيۆتەرىن پايدالانۋدىڭ سايكەستىگىنە باقىلاۋ جۇرگىزەدى.

ەسەپ كوميتەتىنىڭ ءباسپاسوز قىزمەتى.