وقۋشى سانى ارتقان اۋىل
ءبىر كەزدەرى ءبىرىنشى سىنىپقا باراتىن وقۋشىلار ازايىپ كەتسە, قازىر ونداي ولقىلىقتىڭ ورنى تولا باستاپتى. بۇعان دايەك كەلتىرەر بولساق, ىلە اۋدانى, قوسوزەن اۋىلىنداعى №14 مەكتەپتىڭ ءبىرىنشى سىنىبىنا بيىل 89 وقۋشى كەلىپتى.
وقۋشى سانى ارتقان اۋىل
ءبىر كەزدەرى ءبىرىنشى سىنىپقا باراتىن وقۋشىلار ازايىپ كەتسە, قازىر ونداي ولقىلىقتىڭ ورنى تولا باستاپتى. بۇعان دايەك كەلتىرەر بولساق, ىلە اۋدانى, قوسوزەن اۋىلىنداعى №14 مەكتەپتىڭ ءبىرىنشى سىنىبىنا بيىل 89 وقۋشى كەلىپتى.
– ءبىزدىڭ مەكتەپتە 632 وقۋشى ءبىلىم الاتىن بولادى. ءبىرىنشى سىنىپقا كەلگەن بۇلدىرشىندەر 4 سىنىپقا توپتاستىرىلدى. ءبىر قۋانارلىعى, ۇستىمىزدەگى جىلى اۋىلىمىزدا دەموگرافيالىق ءوسىمنىڭ ناتيجەسى بايقالدى. سونىڭ العاشقى جەمىسىن ءبىلىم كۇنى كورىپ وتىرمىز. اسىرەسە, ءبىلىم كۇنى جاس وتباسىلاردىڭ قۋانىشى ەرەكشە دەۋگە بولادى.
حالىقتىڭ تۇرمىسى جاقسارعان سايىن ونداعان ۇرپاق ومىرگە كەلىپ, اۋىلىمىزدىڭ اجارى اشىلىپ, ءبىلىم ۇيامىزدا ۇل مەن قىزدىڭ شات كۇلكىسى ەستىلىپ, شادىمان ءتىرلىك تىنىسىمىز ارتىپ, ۇستازدارىمىزدىڭ دا جۇزدەرىنە كۇلكى ۇيالادى, – دەيدى كۇلايىم بالىقبەكوۆا.
سۇلەيمەن مامەت,
«ەگەمەن قازاقستان».
الماتى وبلىسى.
ورتاق كۇنگە ورايلاستىرىلدى
استاناداعى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ءبىلىم كۇنىنە ارنالعان سالتاناتتى جيىن ءوتتى.
وعان اتالعان وقۋ ورنىنىڭ رەكتورى ە.سىدىقوۆ قاتىسىپ, وقىتۋشى-پروفەسسورلار قۇرامىمەن ستۋدەنتتەردى جاڭا وقۋ جىلىمەن قۇتتىقتادى. ءبىلىم كۇنىنە ارنالعان جيىنعا 80-جىلدارداعى ارداگەر, قازاق كسر-ءىنىڭ ءبىلىم مينيسترى, «پاراسات» وردەنىنىڭ يەگەرى قوجاحمەت بالاحمەتوۆ, وسى ءبىلىم ورداسىنىڭ تۇلەگى, ءدىن ىستەرى اگەنتتىگى توراعاسىنىڭ ورىنباسارى عالىم شويكين جانە ءبىلىم-عىلىم سالاسىنا قىزمەت ەتىپ جۇرگەن باسقا دا قوناقتار قاتىسىپ, جىلى لەبىزدەرىن ءبىلدىردى.
سالتاناتتى جيىندا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ «دالا سازى» حالىقتىق اسپاپتار وركەسترىنىڭ دومبىراشىلار انسامبلى جانە «ءبىز – بىرگەمىز!» اتتى ستۋدەنتتەر فلەش موبى ءجۇرىپ, ۋنيۆەرسيتەتتىڭ باسقا دا تالانتتارى ونەر كورسەتىپ, «دوس مۇقاسان» توبىنىڭ ءىزىن جالعاۋشى ۋنيۆەرسيتەتتىڭ جاڭا قۇرىلعان ۆوكالدى-اسپاپتى ءانسامبلىنىڭ العاشقى مەرەكەلىك تۇساۋكەسەرى بولىپ ءوتتى.
بيىل ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندەگى 66 ماماندىق بويىنشا ءبىلىم الۋعا 4 مىڭعا جۋىق ستۋدەنت ءتۇسىپتى. ولاردىڭ 3067-ءسى گرانت يەگەرلەرى بولسا, 344-ءى «التىن بەلگى» العاندار, 251-ءى حالىقارالىق جانە رەسپۋبليكالىق عىلىمي جانە ءتۇرلى پاندەر وليمپيادالارىنىڭ, 12-ءسى حالىقارالىق سپورت جارىستارىنىڭ جەڭىمپازدارى ەكەن. سونداي-اق, بيىل ستۋدەنتتەر قاتارىنا جەڭىلدىكپەن قابىلدانعان 6 مۇگەدەكتىڭ, 9 جەتىم بالانىڭ, 49 ورالمان باۋىرلارىمىزدىڭ بار ەكەنىن ايتا كەتكەن ءجون.
داستان كەنجالين,
«ەگەمەن قازاقستان».
استانا.