ماڭعىستاۋ وبلىسىنداعى الپاۋىت مۇناي ءوندىرۋشى كومپانيالاردا «قارا التىننىڭ» قالدىعى قۇيىلعان قويمالار بار. ولاردا 2 ملن. استام زياندى زات ساقتالعان. بۇل تۋرالى «قازاقستان» تەلەارناسى حابارلادى.
مۇناي قالدىقتارىنىڭ وزىق تەحنولوگيامەن وڭدەلمەۋى سەبەپتى ولقىلىقتار ورىن الۋ ۇستىندە. بۇل جونىندە ماڭعىستاۋ وبلىسى بويىنشا قورشاعان ورتانى قورعاۋ دەپارتامەنتىنىڭ باستىعى ەرمەك وماروۆ بىلاي دەيدى: «مۇناي قالدىقتارىن پەشتە ورتەگەندە, اۋاعا ءىرى كولەمدە ۋلى گاز بولىنەدى. مۇنى قالدىقتاردى جويۋدىڭ ۇتىمدى جولى دەي المايمىز. زاماناۋي قۇرىلعىلاردى الۋ ءۇشىن ۇلكەن ينۆەستيتسيا قاجەت ەكەنىن بىلەمىز. بىراق, قورشاعان ورتانى قورعاۋ ودان دا قۇندى ەكەنىن الپاۋىت مۇناي كومپانيا وكىلدەرى تۇسىنگەنى ءجون».
تاعى ءبىر دەرەك, وسى ءوڭىردىڭ باتىس ايماعىندا 1960-1970 جىلدارى پايدالانىلعان مۇناي بۇرعىسىنىڭ سۋ استىندا قالۋ قاۋپى بار. ازىرگە ونىڭ قانشالىقتى ەكەندىگى ناقتىلانىپ جاتىر.
دانيار تۇيمەباي.