ۇكىمەت وتىرىسىندا ۇلتتىق ەكونوميكا ءمينيسترى رۋسلان دالەنوۆ بيۋدجەتتىڭ كىرىس بولىگىندە مەملەكەت باسشىسىنىڭ تاپسىرماسىن ىسكە اسىرۋ بويىنشا قابىلدانعان سالىقتىق ىنتالاندىرۋ مەن جەڭىلدىكتەر ەسەپكە الىنعانىن جەتكىزدى.
ۇلتتىق ەكونوميكا ءمينيسترى ءىرى ساۋدا نىساندارى, ساۋدا-ويىن-ساۋىق ورتالىقتارى, كينوزالدار, تەاترلار, كورمەلەر مەن قوعامدىق تاماقتاندىرۋ نىساندارى, مەيمانحانالار, حوستەلدەر جانە تۋريستىك قىزمەت بويىنشا جىل سوڭىنا دەيىن م ۇلىك سالىعىنان بوساتۋ بەلگىلەنگەنىن حابارلادى.جالپىعا ورتاق تارتىپپەن سالىق سالىناتىن جەكە كاسىپكەرلەر جىل سوڭىنا دەيىن جەكە تابىس سالىعىنان بوساتىلىپ وتىر.
اگروونەركاسىپتىك كەشەندى قولداۋ ماقساتىندا اۋىل شارۋاشىلىعى ءونىمىن وندىرۋشىلەر جىل سوڭىنا دەيىن اۋىل شارۋاشىلىعى ماقساتىنداعى جەرلەر ءۇشىن سالىق تولەمەيدى. سونىمەن بىرگە اوك بيولوگيالىق اكتيۆتەر يمپورتى جىل سوڭىنا دەيىن ققس-نان دا بوساتىلادى.
سونىمەن قاتار ءبىر مەزگىلدە, الەۋمەتتىك ماڭىزى بار ازىق-ت ۇلىك تاۋارلارىنىڭ ققس مولشەرلەمەسى 30 ناۋرىزدان 1 قازانعا دەيىن 12%-تەن 8%-كە ازايتىلدى.
شاعىن جانە ورتا بيزنەستى ا.ج. 1 قازانعا دەيىن 6 ايعا سالىقتان جانە ەڭبەكاقى تولەۋ قورىنىڭ الەۋمەتتىك تولەمدەرىنەن بوساتۋ كوزدەلۋدە (جەكە تابىس سالىعى, الەۋمەتتىك سالىق, مىندەتتى زەينەتاقى جارناسى, مىندەتتى مەديتسينالىق ساقتاندىرۋ مەن الەۋمەتتىك اۋدارىمدار جارنالارى مەن اۋدارىمدارى).
اتالعان شارا تۋريستىك قىزمەت, قوعامدىق تاماقتاندىرۋ, قوناقۇي بيزنەسى, ءىرى ساۋدا نىساندارى, سوو, كينوزالدار, تەاترلار, كورمەلەر مەن فيزكۋلتۋرالىق-ساۋىقتىرۋ جانە سپورتتىق عيماراتتاردى, تاماق ونىمدەرى مەن ءدارىحانالاردى قوسپاعانداعى, ساۋدا سۋبەكتىلەرى, كولىك قىزمەتى, كونسۋلتاتسيالىق قىزمەت جانە اقپاراتتىق تەحنولوگيالار سالاسىن قامتيدى.
سالىقتىق اكىمشىلەندىرۋگە قاتىستى 2020 جىلعى 1 ماۋسىمعا دەيىن شوب سۋبەكتىلەرى ءۇشىن بارلىق سالىقتار مەن مىندەتتى تولەمدەردى جانە بيۋدجەتكە مىندەتتى تولەمدەر مەن الەۋمەتتىك جارنالاردى تولەۋ مەرزىمى كەيىنگە شەگەرىلدى.
بۇدان باسقا, توتەنشە جاعداي كەزەڭىندە سالىق, كەدەن جانە الەۋمەتتىك تولەمدەر بويىنشا سالىقتىق تەكسەرۋلەر مەن قارىزداردى ماجبۇرلەمەلى ءوندىرۋ توقتاتىلادى.
«تۇتاستاي العاندا, بارلىق ايتىلعان شارالار 700 مىڭ سالىق تولەۋشىنى قامتيدى», - دەدى ۇكىمەت وتىرىسى بارىسىندا ۇلتتىق ەكونوميكا ءمينيسترى رۋسلان دالەنوۆ.