قورعانىس مينيسترلىگىنىڭ əسكەري قىزمەتشىلەرى وزدەرىنىڭ ءبىر كۇندىك جالاقىلارىن كوروناۆيرۋسپەن كۇرەسۋ ءۇشىن قۇرىلعان قورعا اۋداردى. قارجىلاي كومەكتى اۋدارۋ شەشىمى ەرىكتە تۇردە قابىلداندى. بۇل تۋرالى مينيسترلىكتىڭ ءباسپاسوز قىزمەتى حابارلادى.
قارۋلى كۇشتەرىنىڭ جەكە قۇرامى ەلباسى نۇرسۇلتان نازارباەۆ پەن قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ يدەياسىن ءبىراۋىزدان قولداپ, وسىلايشا ارميانىڭ ينفەكتسيانىڭ تارالۋىنا قارسى كۇرەستە بارلىق مۇمكىن بولاتىن كومەك بەرۋگە دايىن ەكەندىگىن تاعى ءبىر مارتە كورسەتتى. وزدەرىڭىز بىلەتىندەي, قازاقستاننىڭ تۇڭعىش پرەزيدەنتى, ۇلتتىق قاۋىپسىزدىك كەڭەسىنىڭ باسشىسى نۇرسۇلتان نازارباەۆ قازاقستاندىقتارعا ۇندەۋ تاستاپ, «قاۋىپ-قاتەرگە قارسى ءبىر مەملەكەتتىڭ كۇش-جىگەرى جەتكىلىكسىز, سوندىقتان ءاربىر ازامات ءوز ۇلەسىن قوسۋى كەرەك»,- دەپ ۇسىنىس جاسادى.
سونداي-اق قاراجات جيناۋ ءۇشىن رەسپۋبليكالىق قور قۇرۋ ۇسىنىلدى. قازىرگى تاڭدا بۇل يدەيانى ەلباسى كەڭسەسى قىزمەتكەرلەرى مەن قازاقستان پارلامەنتى سەناتىنىڭ دەپۋتاتتارى قولدادى.