«Guinness World Records» دەرەگىنە سۇيەنسەك, الەمدەگى ەڭ ۇلكەن جەكە كىتاپ دۇكەنى – نيۋ-يوركتەگى «Barnes & Noble» دۇكەنى بولعان. بۇل مەكەمەنىڭ جالپى اۋماعى 14 300 شارشى مەتردى قۇراعان.
Guinness مالىمەتىنشە, بۇل دۇكەننىڭ ىشىندە 20,7 كيلومەترگە سوزىلعان كىتاپ سورەسى دە بولىپتى. ياعني ءبىر دۇكەننىڭ ىشىندە تۇتاس ءبىر «كىتاپ كوشەسى» تۇرعانداي اسەر قالدىراتىن. ايتا كەتەرلىگى, بۇل الىپ دۇكەن 2014 جىلى جابىلدى. بىراق رەكورد رەتىندە گيننەستەر كىتابىندا ءدال وسى كورسەتكىش اتالادى.