جان-جاقتى ازىرلىك ماڭىزدى

ينفەكتسيا انىقتالعان جاع­­­دايدا پايدالانىلاتىن 945 توسەك-ورىن دايىن. قو­سىمشا 480 توسەك-ورىن كو­رو­نا­ۆيرۋسپەن اۋىرۋ مەن ءولىم-ءجىتىم دەڭگەيى جوعارى ەلدەر­دەن كەلگەن ادامدارعا ارنالعان كارانتيندىك ورتا­لىق ءۇشىن قاراستىرىلعان.

– اۋدان ورتا­لىق­تارىن­دا­عى بارلىق توسەكتەر جيىلىپ, پاۆلودار, اقسۋ, ەكىباستۇز قالالارىندا ورنالاسادى. ياعني ەگەر اۋىلداردا نەمەسە شەكارا ماڭىندا ادامدار ين­فەكتسيا كۇدىگىنە ىلىكسە, وسى قالالاردىڭ بىرىنە جەت­كىز­ىلەدى, – دەدى وبلىس اكىمنىڭ ورىنباسارى اسحات ورالوۆ.

وڭىردەگى بارلىق مەدي­تسي­نالىق قىزمەتكەرلەر جەكە قورعانۋ قۇرالدارىمەن جانە مەديتسينالىق پرەپاراتتار­مەن تولىق قامتاماسىز ەتىلگەن. مامانداردىڭ ايتۋىنشا, COVID-19 ۆيرۋسى تىركەلگەن جاعدايداعى ءىس-ارەكەت بارىسى دايىن. قاجەتتى بەتپەردە سانىن ارتتىرۋ ماقساتىندا «مەرۋسار» جشس جانە باسقا دا تىگىن ىسىمەن اينالىساتىن جەلىلەرىمەن كەلىسىمشارتتارعا وتىرۋ جوس­پارلانۋدا.

ايماقتىق جەدەل شتاب تاۋلىك بويى جۇمىس ىستەيدى. وبلىس تۇرعىندارى مەن قو­ناق­تارى 67-52-08 نومىرىنە جانە 103 جەدەل جاردەم ستانساسى جەلىسىنە, 1406 ورتاق رەسپۋبليكالىق نومىرىنە حابارلاسا الادى.

پاۆلودار