مەملەكەتتىك كوميسسيانىڭ شەشىمىمەن نۇر-سۇلتان جانە الماتى قالالارىنان تۇرعىندار مەن قوناقتارىنىڭ بيىلعى جىلدىڭ 22 ناۋرىزى 00.00 ساعاتقا دەيىن كىرۋىنە نەمەسە شىعۋىنا رۇقسات بەرىلدى. بۇل تۋرالى «قازاقستان تەمىر جولى» ۇك» اق ءباسپاسوز قىزمەتى حابارلادى.
2020 جىلدىڭ 22 ناۋرىزى 00.00 ساعاتتان كەيىن كەستە بويىنشا ەلىمىزدىڭ وزگە وڭىرلەرىنەن كەلۋى جوسپارلانعان پويىزدار باعىتى توقتاتىلاتىن بولادى. اتالعان پويىزدارعا بيلەتتەر ساتىلمايدى.
سونداي-اق 2020 جىلدىڭ 22 ناۋرىزى 00.00 ساعاتتان باستاپ نۇر-سۇلتان مەن الماتى قالالارى ستانسالارىندا جولاۋشىلاردى وتىرعىزۋ مەن تۇسىرۋگە تىيىم سالىنادى.
اتالعان قالالار ارقىلى ترانزيتتىك پويىزداردىڭ توقتاماي ءوتۋى بارىنشا قامتاماسىز ەتىلەدى.
كارانتين رەجيمى بىتكەنگە دەيىن نۇر – سۇلتان مەن الماتى قالالارىنان قالاماڭى جولاۋشىلار پويىزدارىنىڭ قوزعالىسى توقتايدى.